Mazmur 138:1-8

  • Senajan mulya banget Gusti Allah perduli

    • ”Njenengan njawab pas aku ndonga” (3)

    • ’Pas aku terancam bahaya, Njenengan nylametké aku’ (7)

Lagu sing digawé Daud. 138  Aku bakal muji Njenengan sak tulusé atiku.+ Aku bakal nyanyi lagu pujian kanggo NjenenganIng ngarepé allah-allah liya.*   Aku bakal sujud madhep ing bait-Mu* sing suci+Lan aku bakal muji jeneng-Mu+Merga Njenengan setya lan tresna* marang umat-Mu. Njenengan wis nggawé omongan lan jeneng-Mu luwih unggul timbang apa waé.*   Njenengan njawab pas aku ndonga.+ Njenengan nggawé aku dadi kendel lan kuwat.+   Oh Yéhuwah, kabèh raja ing bumi bakal muji Njenengan+Merga krungu janjiné Njenengan.   Kabèh raja kuwi bakal nyanyi soal tumindaké YéhuwahMerga Yéhuwah kuwi mulya banget.+   Senajan Yéhuwah kuwi luhur, Dhèwèké nggatèkké wong sing rendah hati.+ Ning, Dhèwèké ora gelem cedhak-cedhak karo wong sing sombong.*+   Malah pas aku terancam bahaya, Njenengan tetep nglindhungi bèn aku ora mati.+ Njenengan nggunakké kuwasa-Mu kanggo nglawan mungsuh-mungsuhku sing nesu. Njenengan bakal nylametké aku nganggo kuwasa-Mu.   Kabèh sing dikarepké Yéhuwah bakal ditindakké kanggo aku. Oh Yéhuwah, katresnan-Mu* bakal ana saklawasé.+ Aja ninggalké umat-Mu sing wis mbok gawé.+

Katrangan Tambahan

Utawa mungkin ”Aku main musik kanggo Njenengan kanggo nglawan allah-allah liya”.
Utawa ”panggonan-Mu”.
Utawa ”nduduhké katresnan sing langgeng”. Deloken Daftar Istilah.
Utawa mungkin ”Njenengan wis nggawé omongan-Mu luwih unggul saka jeneng-Mu”.
Lit.: ”Dhèwèké ndelok wong sing sombong saka kadohan”.
Utawa ”katresnan-Mu sing langgeng”. Deloken Daftar Istilah.