Salmos 150:1-6
150 ¡Gu̱ni̱ mba̱a̱la Jeobá!*+
Gu̱ni̱ mba̱a̱la Dios asndu náa mikaʼwu rí ikhaa xtáa.+
Gu̱ni̱ mba̱a̱la náa mekhuíí, náa nakujmaa tsiaki̱i̱ ndrígóo.+
2 Gu̱ni̱ mba̱a̱la ga̱jma̱a̱ numuu rí niʼni ga̱jma̱a̱ tsiaki̱i̱ ndrígóo.+
Gu̱ni̱ mba̱a̱la numuu dí ikhaa ra̱ʼkhá tháán mba̱a̱ nindxu̱u̱.+
3 Gu̱ni̱ mba̱a̱la ga̱jma̱a̱ aʼwóo chi̱ji̱ʼ.+
Gu̱ni̱ mba̱a̱la ga̱jma̱a̱ ajua̱nʼ dí gíʼdoo cuérdóo ma̱ngaa arpa.+
4 Gu̱ni̱ mba̱a̱la ga̱jma̱a̱ pandereta+ ma̱ngaa ga̱jma̱a̱ gitsiá.*
Gu̱ni̱ mba̱a̱la ga̱jma̱a̱ ajua̱nʼ dí gíʼdoo cuérdóo+ ma̱ngaa flauta.+
5 Gu̱ni̱ mba̱a̱la ga̱jma̱a̱ címbalo rí nawáán róʼoo.
Gu̱ni̱ mba̱a̱la ga̱jma̱a̱ címbalo rí nawáán xígú.+
6 Xúgíinʼ bi̱ nduya gu̱ni̱ mba̱a̱ Jeobá.
¡Gu̱ni̱ mba̱a̱la Jeobá!*+
