Salmos 53:1-6
Rí na̱jkha̱ inuu bi̱ kayá edxu̱u̱ náa ajmúú, xó má nawáán mahalat.* Maskil. Salmo ndrígóo David.
53 Xa̱bu̱ skágunʼ nuthi náa awúu̱n a̱jkiu̱ún:
“Ndawa̱a̱ Jeobá”.+
Xúgíʼ rí nuni̱ nindxu̱u̱ ra̱májánʼ ga̱jma̱a̱ xkawiʼ,nimbáa tséʼni rí májánʼ.+
2 Mú Dios asndu mekhuíí ndaʼñún e̱jñu̱ún xa̱bu̱,+mu mbaʼyoo á mu mbáa rí ikhiin najmañún o mbáa dí ikhiin ndayáaʼ Jeobá.+
3 Xúgíinʼ nitsíngu̱u̱nʼ,xúgíinʼ nindxu̱ún xa̱bu̱ ra̱míjíinʼ.
Nimbáa tséʼni rí májánʼ,nimbáa kayuuʼ.+
4 Lá tsékru̱ʼu̱u̱n kayuuʼ bi̱ nuni̱ dí ra̱májánʼ, nimbáa kayuuʼ ráʼ.
Naʼphu̱u̱n xa̱bu̱ xuajñunʼ xó má e̱ʼphu̱ pan.
Tséyáaʼ Jeobá.+
5 Mú, mbá gamíi mba̱a̱ marigá náa ikhiin,mbá gamíi xóo nimbá miʼtsú táguaʼdáá,*numuu rí Dios maxidíráʼa i̱tsu̱ún bi̱ gúxmijná ga̱jma̱á nindxa̱a̱ʼ.*
Numuu rí Jeobá tagruiguíin, ikháán matríya̱ʼ gamajkhún.
6 ¡Náa Sion gáʼkha̱ rí maguma kríya̱a̱ʼ ga̱jma̱a̱ Israel!+
Índo̱ Jeobá gatanga̱a̱ magímbíin xa̱bu̱ xuajñuu bi̱ ni̱jkha̱ kiʼdiin,gaʼdxuu Jacob ga̱jma̱a̱ gaxtáa gagi Israel.
