Salmos 76:1-12
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo Asaf.+ Mu mi̱ʼni̱ ga̱jma̱a̱ ajua̱nʼ dí gíʼdoo cuérdóo. Ajmúú.
76 Dios najmaʼniiʼ náa Judá,+naguma mba̱a̱ mbiʼyuu náa Israel.+
2 Náa Salem rígá guʼwá xtíin ndrígóo,+ga̱jma̱a̱ náa xtáa nindxu̱u̱ náa Sion.+
3 Ikhí nixpígúu̱ flecha rí gíʼdoo agiuuʼ,niʼni gámbóo escudo ga̱jma̱a̱ espada, ajua̱nʼ rí nuni̱ ga̱jma̱a̱ guerra.+ (Sélah).
4 Ikháán naxpíbíínʼ,nindxa̱a̱ʼ itháán mba̱a̱n ki xóo kúbá náa kúwá xujkhú xáná.
5 Nigajta káñúúnʼ rí guáʼdáá bi̱ tsémíñún.+
Xúgíinʼ xa̱bu̱ xkujiinʼ nánguá nindoo mumbayumíjná,nikháñún.*+
6 Dios ndrígóo Jacob, ga̱jma̱a̱ numuu rí ikháán nitríñúnniʼni rí makhañún* bi̱ nagún kuñu̱u̱n carro mangiin wáyú.+
7 I̱ndó ikháán nindxa̱a̱ʼ bi̱ natani̱ gamíi.+
Tsáá gáʼngo̱o̱ gáwi̱ji̱ náa inaaʼ índo̱ nakhásngaña̱a̱nʼ rá.+
8 Asndu mekhuíí niratá dí marigá,+xa̱bu̱ bi̱ kúwá náa tsu̱du̱u̱ ku̱ba̱ʼ nimíñúún ga̱jma̱a̱ niguanún wíí+
9 índo̱ Dios nitu̱jxu̱u̱ mu manda̱ʼa̱a̱ cuenta,mu maʼni káwíin xúgíinʼ xa̱bu̱ guabiinʼ bi̱ kúwá náa tsu̱du̱u̱ ku̱ba̱ʼ.+ (Sélah).
10 Numuu dí nakásngañu̱u̱ʼ xa̱bu̱ naʼni rí ikháán matandrígú itháán gamajkhu,+índo̱ xóó nakásngañu̱u̱ʼ naʼni rí ikháán matandrígú má xúʼko̱ gamajkhu.
11 Guta̱a̱nla Jeobá Dios ndrígala dí nandala mu̱ni̱ ga̱jma̱a̱ gunimbáníí,+xúgíinʼ bi̱ kúwá náa mbájndi xtáa, gagún kuñu̱u̱n mbá regalo numuu rí nduyamajkuíí.+
12 Maríya̱ʼ gamajkhún* xa̱bu̱ bi̱ kuya̱ edxu̱u̱ bi̱ nuni̱ mbaʼumíjna̱,ikhaa naʼni rí mamiñún reyes bi̱ kúwá náa tsu̱du̱u̱ ku̱ba̱ʼ.
