Salmos 5:1-12
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David. Mu mawán ga̱jma̱a̱ nehilot.*
5 Jeobá, atadxawíín rí na̱nda̱ʼa̱a̱ʼ,+atagíʼ cháʼwaanʼ matadxawíín xóo etsiná.
2 Atadxawíín índo̱ nandxa̱ʼwa̱a̱ʼ matambáyuʼ,numuu rí ikháán natakáñaaʼ Rey ndrígóʼ, Dios ndrígóʼ.
3 Jeobá, rí miʼcha̱ matadxawíín aʼwóʼ,+miʼcha̱ matha̱a̱nʼ rí naʼni maxmiéjunʼ+ ga̱jma̱a̱ magúʼthu̱u̱n matriʼñuʼ.
4 Numuu rí ikháán nindxa̱a̱ʼ mbáa Dios bi̱ tsédxuu ga̱jma̱a̱ dí ra̱májánʼ,+nimbáa xa̱bu̱ ra̱májáanʼ xándoo maguanúu náa níjñáaʼ.+
5 Nimbáa bi̱ naʼnimbamínáʼ xándoo mawi̱ji̱ náa inaaʼ.
Nawiya̱a̱ʼ xtañún xúgíinʼ bi̱ nuni̱ dí ra̱májánʼ,+
6 matani̱ gámbíin bi̱ nuthi rí minduwaʼ.+
Jeobá nawi̱yu̱u̱ʼ kaʼñún xa̱bu̱ xkawi̱i̱nʼ* ga̱jma̱a̱ bi̱ nuni̱ nduwaʼ.+
7 Mú ikhúún, mato̱ʼo̱ʼ náa guʼwáaʼ+ numuu rí nandaaʼ xtayoʼ ga̱jma̱a̱ mbá ngajua rí tsétumuu,*+ga̱jma̱a̱ gamajkhu masmbatígo̱ʼ xígií náa gíʼ guʼwáaʼ rí mikaʼwu.+
8 Jeobá, ikháán bi̱ natani̱ rí jmbu, atiewu̱nʼ náa xa̱bu̱ sia̱nʼ ndrígóʼ, araxnúʼ ikha,arajxingaa xúgíʼ dí tri̱ga̱ náa kamba̱a̱ʼ mu maʼgá.+
9 Numuu rí na̱nguá xóo maku̱ma̱a̱ʼ xtayáá nimbá rí nuthi,i̱ndó dí ra̱májánʼ rígá náa awúu̱n a̱jkiu̱ún,iñúuʼ aphúún nindxu̱u̱ xóo iñá wajinʼ rí kambaʼta,najmún raju̱ún mu muxna gamajkhu.+
10 Mú Dios maʼthí rí guáʼdáá aʼkhúún,ikhiin ma gaguáʼníí awan dí ra̱májánʼ rí ikhiin nuri̱ya̱ʼ.+
Xáxtriguíin ga̱jma̱a̱ numuu mbaʼa rí nikiéʼkhúún,numuu rí ninújngurámúúnʼ inaaʼ.
11 Mú xúgíinʼ bi̱ gúmbáyúmíjná náa ikháán makuwá tsímáá,+mundxa̱ʼwa̱ má xúʼko̱ ga̱jma̱a̱ gagi.
Ikháán matie̱wu̱u̱n,bi̱ gáʼndún kuyáá mbiʼyaaʼ maʼdxúún, núma̱aʼ má ikháán.
12 Ikháán matani̱ tsajkurámiinʼ bi̱ nuni̱ rí jmbu, Jeobá,ga̱jma̱a̱ numuu rí nitandriguíin, ikháán matie̱wu̱u̱n xóo mbá escudo rí mba̱a̱.+
Mbaʼa nota
^ O “bi̱ nuradíin xa̱bu̱”.
