Salmos 7:1-17
-
Jeobá naʼnimbánuu májánʼ xkujndu
-
“Atanimbáníí numuʼ, Jeobá” (8)
-
Ajmúú ngíná ndrígóo David, ikhaa ni’ni ajmúú náa Jeobá, ga̱jma̱a̱ numuu ajngóo Cus bi̱ nindxu̱u̱ benjaminita.
7 Jeobá Dios ndrígóʼ, náa ikháán nimbáyuminaʼ.+
Atambáyúʼ ga̱jma̱a̱ atani̱ kríñu̱u̱nʼ náa xúgíinʼ bi̱ nuxkoʼ.+
2 Á mu na̱nguá, ikhiin murujkiúún xóo eni̱ león,+magún kuñu̱u̱n ga̱jma̱a̱ ndawa̱a̱ tsáa maʼni kríñu̱u̱nʼ.
3 Jeobá Dios ndrígóʼ, á mu gúʼdoo aʼkhúnʼ ga̱jma̱a̱ numuu rúʼko̱,á mu ni̱ni̱ dí raʼkhí,
4 á mu niniu̱u̱ dí ra̱májánʼ bi̱ naʼniuʼ rí májánʼ+o nirígú káyuuʼ dí gíʼdoo bi̱ sia̱nʼ ga̱jmu̱ʼ rí asndu nda̱a̱ mbá numuu,*
5 mbáa bi̱ sia̱nʼ ga̱jmu̱ʼ maʼga raxkoʼ ga̱jma̱a̱ maxkamúún,majngápri̱gu̱u̱n náa ku̱ba̱ʼga̱jma̱a̱ maʼni rí gamajkhu ndrígóʼ mandáti̱ga̱a̱ náa ku̱ba̱ʼ. (Sélah).
6 Asndu nakásnga̱ña̱a̱ʼ gátujxa̱a̱ʼ Jeobá,ariejún mu matrikhúún xa̱bu̱ sia̱nʼ bi̱ nakiʼníin kuyoʼ,+gatujxa̱a̱ʼ mu matambáyuʼ ga̱jma̱a̱ atandaʼa dí maguma rí jmbu ga̱jma̱á numuʼ.+
7 Muruguama̱ʼa̱a̱n xa̱bu̱ xuajin,ga̱jma̱a̱ ikháán, asndu náa mitsídánʼ, marata rí mugíʼníí.
8 Jeobá maʼthí rí mugíʼníí xa̱bu̱ xuajin.+
Atanimbáníí numuʼ, Jeobá, atayáá rí nindxu̱ʼ xa̱bu̱ jmbii,ga̱jma̱a̱ dí nda̱a̱ aʼkhúnʼ.+
9 Mbá péñu’,* atani̱ gámbáa xúgíʼ dí ra̱májánʼ rí nuni̱ xa̱bu̱ ra̱míjíinʼ,
mú atie̱wu̱u̱n xa̱bu̱ bi̱ nuni̱ rí jmbu,+numuu rí ikháán nindxa̱a̱ʼ Dios bi̱ jmbii,+ bi̱ ndaʼyoo rí gíwánʼ náa a̱jkiu̱ún xa̱bu̱+ ga̱jma̱a̱ rí endxaʼwamíjna̱ náa rí itháan mi̱jnu̱ʼ.*+
10 Dios nindxu̱u̱ escudo ndrígóʼ,+ bi̱ Naʼni káwíin xa̱bu̱ bi̱ májáanʼ a̱jkiu̱ún.+
11 Dios nindxu̱u̱ mbáa bi̱ naʼnimbánuu xkujndu xó má kaʼyoo,+xúgíʼ mbiʼi Dios naʼthí rí mugíʼníí xa̱bu̱ xkawi̱i̱nʼ.
12 Á mu mbáa tsétanga̱a̱ a̱jkiu̱u̱n,+ ikhaa naʼnu̱u̱ espádóo,+naxúmuu xkamídá ndrígóo ga̱jma̱a̱ naʼni jmbuu.+
13 Naʼniratoo ajua̱nʼ rí nagudíin xa̱bu̱,naniñuuʼ xawii fléchóo rí gíʼdoo aguʼ.+
14 Gu̱ya̱a̱ bi̱ naríyaʼ awan maʼni dí ra̱májánʼ,gíwánʼ gamiéjunʼ náa awúu̱n ga̱jma̱a̱ ada̱ bi̱ naxtáa nindxu̱u̱ minduwaʼ.+
15 Naʼndii mbá iñáʼ dí ra̱ʼkhá tháán mi̱jnu̱ʼ,mú ikhaa má naxpátuáʼáan náa iñáʼ rí niʼni.+
16 Gamiéjunʼ rí naʼni marigá, majngutámáaʼ má náa edxu̱u̱,+náa nuʼwu̱u̱n má gájngutaʼmáʼ dí raʼkhí eʼni.
17 Ma̱ni̱ mba̱a̱ mbiʼyuu Jeobá numuu rí nindxu̱u̱ jmbii,+ma̱ni̱ ajmúú mu maxnu̱u̱ gamajkhu* mbiʼyuu Jeobá,+ bi̱ phú Mba̱a̱.+
