Salmos 148:1-14
148 ¡Gu̱ni̱ mba̱a̱la Jeobá!*
Ikháanʼ bi̱ kuwáanʼla mekhuíí gu̱ni̱ mba̱a̱la Jeobá,+ikháanʼla bi̱ kuwáanʼ rijma̱a̱ gu̱ni̱ mba̱a̱la.
2 Xúgiáanʼ ikháanʼ ángeles gu̱ni̱ mba̱a̱la.+
Xúgiáanʼ ikháanʼ gu̱ni̱ mba̱a̱la.+
3 A̱jkha̱ʼ ga̱jma̱a̱ gu̱nʼ gu̱ni̱ mba̱a̱la.
Xúgiáanʼ ikháanʼla a̱ʼgua̱a̱n bi̱ nambiʼiin gu̱ni̱ mba̱a̱la.+
4 Ikháán mekhu rí itháán mitsídánʼ, atani̱ mba̱a̱ga̱jma̱a̱ du̱u̱n dí rígá mekhuíí gu̱ni̱ mba̱a̱la.
5 Xúgíʼ rígi̱ gaʼni mba̱a̱ mbiʼyuu Jeobá,numuu rí ikhaa niʼtáñajunʼ ikha jngóo ni̱jkha̱nú nirígá.+
6 Ikhaa niʼni dí marigá asndu kámuu,+nigíʼ mbá xtángoo rí xáʼganú mambáa.+
7 Xúgiáanʼ bi̱ kuwáanʼ náa ku̱ba̱ʼ gu̱ni̱ mba̱a̱la Jeobá,xúʼko̱ má xujkhúʼ mbaʼwi̱i̱n bi̱ kúwá náa lamáa* ga̱jma̱a̱ xúgíʼ iyaʼ mi̱jnu̱ʼ,
8 ikháanʼla a̱jkhu̱u̱n,* eʼtsí, idiʼ ga̱jma̱a̱ du̱u̱n skuniʼ,mangáán giñámbiʼ bi̱ naʼnimbánuu ajngóo,+
9 ikháanʼla kúbá, ga̱jma̱a̱ xúgíʼ bíjní,+ixi̱ dí naxná xndúu ga̱jma̱a̱ xúgíʼ cedros,+
10 xujkhú xáná+ ga̱jma̱a̱ xúgíinʼ xujkhúʼ kraʼdiin,xujkhúʼ bi̱ nuxmajtamijná* ga̱jma̱a̱ xujkhú xnaʼ,
11 reyes bi̱ kúwá náa tsu̱du̱u̱ ku̱ba̱ʼ ga̱jma̱a̱ xúgíinʼ xa̱bu̱ xuajin,príncipes ga̱jma̱a̱ xúgíinʼ bi̱ nunimbáníí xkujndu bi̱ kúwá náa tsu̱du̱u̱ ku̱ba̱ʼ,+
12 jiámá ga̱jma̱a̱ wa̱ʼxa̱ʼ,*xabuanii ga̱jma̱a̱ e̱ji̱n.
13 Xúgíinʼ ikhiin guni̱ mba̱a̱ mbiʼyuu Jeobánumuu rí mbiʼyuu ikhaa nindxu̱u̱ itháan mba̱a̱.+
Ikhaa nindxu̱u̱ itháan mba̱a̱ ki xóo ku̱ba̱ʼ ga̱jma̱a̱ mekhu.+
14 Ikhaa maʼni rí xa̱bu̱ xuajñuu muguaʼdáá itháán tsiaki̱i̱,*mu xúgíinʼ bi̱ guájun jmbu mundrígú gamajkhu,ikhiin nindxu̱ún e̱ji̱i̱n Israel, xa̱bu̱ xuajñuu bi̱ kúwá mijngii náa ikhaa.
¡Gu̱ni̱ mba̱a̱la Jeobá!*
Mbaʼa nota
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “mar”.
^ O “bi̱gu̱”.
^ O “bi̱ nubañimi̱jna̱”, “bi̱ nagamidun”.
^ O “i̱jín go̱ʼo̱”.
^ Náa ajngáa hebreo naʼthí, “makujxí chijñúúnʼ”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
