Salmos 11:1-7
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
11 Náa Jeobá embáyuminaʼ.+
Na̱nguá e̱yo̱o̱ náá numuu rí naʼngo̱o̱ a̱jkia̱la nuthu̱nʼ xígi̱ kaʼnii:
“¡Atagáyáaʼ* xóo mbáa ñu̱ʼu̱ bi̱ najkha̱a̱ náa kúbá rí xtáa!
2 Atayáá xóo xu̱máá xkamídún xa̱bu̱ ra̱míjíinʼ,nugida̱ʼ flecha náa xkamídúnasndu náa mikína nuxnún xa̱bu̱ bi̱ májáanʼ a̱jkiu̱ún.
3 Índo̱ naguma gámbáa rí wíji̱ jxa̱ʼ,dí lá gándoo xóó gáʼni xa̱bu̱ jmbii rá.”
4 Jeobá xtáa náa goʼwóo rí nindxu̱u̱ mikaʼwu.+
Mekhuíí rígá xíliu̱u̱* Jeobá.+
Iduu ndaʼyoo xúgíʼ, nangujmiin májánʼ* e̱jñu̱ún xa̱bu̱ numbaaʼ.+
5 Jeobá nangujmaa xa̱bu̱ jmbii ga̱jma̱a̱ xa̱bu̱ ra̱májáanʼ,+ikhaa nawi̱yu̱u̱ʼ kaʼñún xúgíinʼ bi̱ nandún kuyáá dí ra̱májánʼ.+
6 Ikhaa magruiga̱ tsáʼkhá* náa inún xa̱bu̱ ra̱míjíinʼ,maʼni rí majngutígú aguʼ ga̱jma̱a̱ azufre+ xóo ruʼwa ma̱ngaa mbá giñán jxooʼ rí mudrigú.*
7 Numuu rí Jeobá nindxu̱u̱ jmbii,+ ikhaa nandoo kaʼñún xa̱bu̱ bi̱ nuni̱ rí jmbu.+
Bi̱ nuni̱ dí májánʼ mbuyáá inuu.*+
