Salmos 95:1-11
95 ¡Gaguwaʼ, gundxa̱ʼwa̱lú ga̱jma̱a̱ gagi náa inuu Jeobá!
Gundxa̱ʼwa̱lú ga̱jma̱a̱ gagi mu muxnáá gamajkhu bi̱ nindxu̱u̱ Itsí mba̱a̱ ndrígúlú bi̱ naʼni káwáanʼ.+
2 Guʼgua̱ náa inuu mu muxnáa núma̱aʼ,+guʼni ajmúú ga̱jma̱a̱ gagi mu muxnáá gamajkhu mbiʼyuu.
3 Jeobá nindxu̱u̱ mbáa Dios bi̱ itháán mba̱a̱,mbáa Rey bi̱ itháán mba̱a̱ ki xóo eʼwíinʼ dioses.+
4 Ikhaa kaʼyoo xúgíʼ ku̱ba̱ʼ,náa itháán mi̱jnu̱ʼ asndu náa inuu kúbá dí itháan mitsídánʼ.+
5 Ikhaa niʼni lamáa* ga̱jma̱a̱ ikhaa kaʼyoo,+ñawúunʼ niʼni ga̱jma̱a̱ ku̱ba̱ʼ mijxooʼ.+
6 Gusmbatígulu náa inuu Jeobá bi̱ Niʼniwáánʼlú,gaguwaʼ mbuʼyamajkuíí ga̱jma̱a̱ guxurígú edxulú náa ikhaa.+
7 Numuu rí ikhaa nindxu̱u̱ Dios ndrígúlúga̱jma̱a̱ ikháanʼ nindxu̱lú xa̱bu̱ xuajñuu,ikhaa nañewu̱nlú xóo mugu̱ náa rajxo̱o̱.*+
Á mu ikháanʼ xúgi̱ nudxawíín aʼwóo, ikhaa niʼthí,+
8 xúni̱ gújkhúʼ a̱jkia̱la xó má nini̱ wajin xiʼñála náa Meribá,*+xó má nini̱ nákha ikhú náa Masá,* náa ku̱ba̱ʼ mijxooʼ,*+
9 índo̱ wajin xiʼñála nigíʼ tsáʼkhá náa ikhúún,+ninújngurámúúnʼ náa inuʼ maski ajndu ndiyáá rí ni̱ni̱.+
10 Mbá cuarenta tsiguʼ niwi̱yu̱ʼ ka̱ñu̱u̱n xa̱bu̱ bi̱ nikúwá nákha ikhú, ga̱jma̱a̱ ni̱tha̱:
“Nu̱ni̱ má xúʼko̱ xó má exnáa a̱jkiu̱ún ikhiinga̱jma̱a̱ táguánú muniʼnuuʼ kambo̱ʼ”.
11 Ikha jngóo índo̱ nikásngañu̱nʼ nikuʼdáminaʼ ma̱ni̱ rígi̱:
“Xáta̱ʼa̱án náa rí nda̱ya̱a̱ jxu̱ʼ”.+
