Salmos 60:1-12
Rí na̱jkha̱ inuu bi̱ kayá edxu̱u̱ náa ajmúú, xó má nawáán ajmúú “Lirio rí naʼni marmáʼáan a̱jkiu̱ún”. Miktam. Salmo ndrígóo David. Mu maʼsngáa. Índo̱ nixmínaʼ ga̱jma̱a̱ Aram-Naharaim ma̱ngaa Aram-Zobá, ga̱jma̱a̱ índo̱ Joab nitanga̱a̱ nigudíin mbá 12,000 edomitas náa mata rí mbiʼyuu Idú.+
60 Dios ndrígúxu̱, ikháán nitatsíñuxu̱, nitani̱ rí xáʼnguxuʼ náa tikhu rí nijkua gúxmíjnaxu̱.+
Ikháán nitatsíñuxu̱, mú rí xúgi̱ ¡atandriguáanʼxu̱ mbu̱júu̱!
2 Nitani̱ rí ku̱ba̱ʼ maʼba̱a̱n ga̱jma̱a̱ nigutsúwo̱o̱ʼ.
Atrugua̱a̱ tsúwo̱o̱ʼ, numuu rí najngudiri̱ga̱.
3 Nitani̱ rí xuajñaanʼ maraʼnuu gamiéjunʼ.
Niráxnuxu muwánxu̱ vino dí naʼni maguáʼáanʼxu̱.+
4 Araxnún* mbá tsinaʼ bi̱ namíñún kuyaaʼmu xúʼko̱ magañún ga̱jma̱a̱ xájngríguíin flecha.* (Sélah).
5 Mu xúʼko̱ makáwíin bi̱ nandaaʼ xtañún,atriʼñuxu̱ ma̱ngaa atani̱ káwáanʼxu ga̱jma̱a̱ ñawún májáanʼ.+
6 Dios bi̱ mikaʼwii* niʼthí:
“Asndu gagi gákuíʼtháa mbayuuʼ xuajin Siquem mu maxnu̱u̱ xuajñunʼ+ga̱jma̱a̱ magiéwan mata* ndrígóo Sucot.+
7 Ikhúún kaʼyoʼ Galaad ga̱jma̱a̱ Manasés,+Efraín nindxu̱u̱ xóo casco* dí grígu náa edxu̱ʼ,Judá nindxu̱u̱ ixi̱ rí natañájunʼ ga̱jma̱a̱.+
8 Moab nindxu̱u̱ náa najñáa rajkúʼ.+
Mada̱ʼ raxtóʼ* náa Edom.+
Náa Filistea mandxa̱ʼwa̱ rí niʼngo̱ʼ nidaaʼ”.+
9 Tsáá gáʼga kañúún náa xuajin dí niruguama̱ʼa̱a̱n* xá.
Tsáá gáxnú’ ikha maʼgá asndu náa Edom rá.+
10 Ikháán Dios ndrígúxu̱, ndáwa̱a̱ imba̱a̱, ikháán bi̱ nitatsíñuxu̱.Ikháán Dios ndrígúxu̱, nánguá edxu̱ʼ ga̱jma̱á nindxu̱xu̱ náa guerra.+
11 Atambáyuxu̱ náa gamiéjunʼ dí nuraʼnííxu,ndíí nindxu̱u̱ rí maraʼti̱i̱n mbáa xa̱bu̱ numbaaʼ mu maʼni kríña̱a̱nʼ.+
12 Dios má gáxnulú tsiaki̱i̱,+ikhaa má gakujmbirigi̱i̱n xa̱bu̱ sia̱nʼ.+
