Salmos 30:1-12
-
Mbiʼi ngíná nigua̱jta̱a̱ mbiʼi gagi
-
Rí májánʼ a̱jkiu̱u̱n Dios ndajyúuʼ asndu kámuu (5)
-
Salmo ndrígóo David. Ajmúú índo̱ niguma ndxo̱o̱ guʼwá.
30 Ma̱ni̱ mba̱a̱n Jeobá, numuu rí ikháán nitaxújxu̱u̱n,na̱nguá nitatsíñáánʼ rí xa̱bu̱ sia̱nʼ maʼdxúún ga̱jma̱a̱ rí nigíʼnuʼ.+
2 Jeobá Dios ndrígóʼ, nindxa̱ʼwa̱a̱ʼ mu matambáyuʼ ga̱jma̱a̱ ikháán nitani̱i̱ a̱jkiu̱nʼ.+
3 Jeobá, nitríñuunʼ náa Iñá wajinʼ.*+
Nitani̱ kríñu̱u̱nʼ mu xáxpátúʼúún náa iñáʼ.*+
4 Gu̱ni̱ ajmúú* náa Jeobá ikháanʼ bi̱ gua̱jún jmbu,+guxna̱a̱ núma̱aʼ mbiʼyuu rí kaʼwu,*+
5 rí nakásngañu̱u̱ʼ tséjyúuʼ má mba̱yu̱u̱ʼ,+ mú dí májáanʼ a̱jkiu̱u̱n kaʼyaaʼ, mbajyúuʼ náá xúgíʼ mbiʼi dí gáraxtaa.+Rí wakíʼ mbáa marigá xtambiyaʼ,
mú rí miʼcha̱ marigá gitsaʼwá* gagi.+
6 Nákha nixtáá tsímáá, ni̱tha̱:
“Nda̱a̱ nimbá rí magíʼnuʼ”.
7 Jeobá, nákha naʼni a̱jkia̱a̱nʼ xtayoʼ, nitani̱ rí maʼni gújkiún xóo mbá kúbá.+
Mú índo̱ nitarkaʼwu inaaʼ náa ikhúún, ra̱ʼkhá tháán nimíñúʼ.+
8 Jeobá, nandxa̱ʼwa̱a̱ʼ má xúʼko̱,+nángi eʼni etakáñuu Jeobá mu mambáyuʼ.
9 Dí lá gákánáaʼ á mu nakháñúʼ* ga̱jma̱a̱ najnguáanʼ náa iñáʼ rá.+
Lá mbaʼyamajkuaaʼ yujndaʼ ráʼ.+ Lá maʼthí ga̱jma̱a̱ numuu rí natani̱ dí jmbu xáʼ.+
10 Atadxawunʼ Jeobá ga̱jma̱a̱ gaʼni a̱jkia̱a̱nʼ xtayoʼ.+
Atambáyúʼ Jeobá.+
11 Nitani̱ rí matsiá ga̱jma̱a̱ gagi, raʼkháa dí maxtáá ngíná,nitríya̱a̱ʼ xtíin mi̱du̱* rí kaʼgíʼ ga̱jma̱a̱ nitani̱ rí maxtáá gagi,
12 mú xáguanúʼ wíí, ma̱ni̱ ajmúú má xúʼko̱ náa inaaʼ.
Jeobá, Dios ndrígóʼ, ma̱ni̱ mba̱a̱n asndu kámuu.
