Salmos 20:1-9
-
Rey bi̱ Dios niraʼwíi naguma kríya̱a̱ʼ
-
Tikhuun nakumu̱ún kuyáá carro ga̱jma̱a̱ wáyú, “mú ikháánʼlú nugríga̱a̱ mbiʼyuu Jeobá” (7)
-
Dí na̱jkha̱ inuu bi̱ kayá edxu̱u̱ náa ajmúú. Salmo ndrígóo David.
20 Gariʼñaaʼ Jeobá mbiʼi dí narígá gamiéjunʼ.
Gañewa̱a̱nʼ mbiʼyuu Dios ndrígóo Jacob.+
2 Ikhaa makuʼma rí mixtambáyáaʼ asndu náa rí mikaʼwu+ga̱jma̱a̱ mambáyáaʼ asndu náa Sion.+
3 Garmáʼáan a̱jkiu̱u̱n eʼni xúgíʼ tsigijñaʼ rí naraxnájxi̱,gagruigú ga̱jma̱a̱ xúgíʼ a̱jkiu̱u̱n* tsigijñaʼ ndrígáaʼ dí nakarámáʼ. (Sélah).
4 Gaxnáaʼ dí nagua̱ʼa̱ a̱jkia̱a̱nʼ maraʼdáá+ga̱jma̱a̱ gaʼni dí magajnúu májánʼ xúgíʼ rí gátraʼwi̱i̱ matani̱.
5 Mundxa̱ʼwa̱xu̱ ga̱jma̱a̱ gagi numuu rí natani̱ mu makáwáanʼxu̱,+muxújxíxu̱ mbá rí nasngájma rí nunixu̱ mba̱a̱ mbiʼyuu Dios ndrígúxu̱.+
Jeobá maʼnimbánuu xúgíʼ rí natanda̱ʼa̱a̱.
6 Rí xúgi̱ nda̱yo̱o̱ májánʼ dí Jeobá naʼni kríya̱a̱ʼ bi̱ niraʼwíi.+
Nariʼñuu asndu náa mekhu ndrígóo rí mikaʼwunaʼni kríya̱a̱ʼ ga̱jma̱a̱ ñawún mújúunʼ dí gíʼdoo tsiaki̱i̱.+
7 Tikhuun nakumu̱ún kuyáá carro ga̱jma̱a̱ eʼwíinʼ nakumu̱ún kuñún wáyú,+mú ikháánʼlú nugríga̱a̱ mbiʼyuu Jeobá Dios ndrígúlú.+
8 Ikhiin ningájxi̱i̱n ga̱jma̱a̱ nigándrigi̱i̱n,mú ikháánʼlú nitujxi̱i̱ʼ ga̱jma̱a̱ niguajún.+
9 ¡Jeobá, atani̱ kríya̱a̱ʼ rey!+
Ikhaa mariʼñulú mbiʼi rí gúʼtákáñíí mambáyulú.+
Mbaʼa nota
^ Náa ajngáa hebreo naʼthí, “gaʼyoo xóo tsébú”.
