Salmos 1:1-6
1 Gagi xtáa xa̱bu̱ bi̱ tséjkha̱ kidxuuʼ consejos rí nuxna xa̱bu̱ ra̱míjíinʼ,bi̱ tséwi̱ji̱ náa ikháá má kamba̱a̱ rí nagún xa̱bu̱ bi̱ nuni̱ aʼkhá,+bi̱ tségi̱ʼi̱ náa nutrigi̱i̱n xa̱bu̱ bi̱ nutsijma,+
2 rí naʼni, nanigu̱u̱ʼ xtángoo ndrígóo Jeobá,+mbiʼíí mbruʼun naguxnuu ga̱jma̱a̱ nandxaʼwáminaʼ* rí naʼthí ikhí.+
3 Maʼga̱nú mani̱ndxu̱u̱ xó mbá ixi̱ rí kiʼdu̱u̱ náa na̱jkha̱ iyaʼ,mbá ixi̱ rí naxná xndúu náa mbiʼi rí kaʼyoorí inúu tséjndujxtá.
Xúgíʼ rí gáʼni magajnúu májánʼ.+
4 Mú xa̱bu̱ ra̱míjíinʼ na̱nguá nindxu̱ún xúʼko̱ kaʼnii,nindxu̱ún xóo náskha rí na̱jkha̱ kayóo giñánʼ.
5 Ikha jngóo xa̱bu̱ ra̱míjíinʼ xáʼngu̱u̱n gúguajún náa majuiʼthá rí maguáʼníí,+ni má xa̱bu̱ bi̱ nuxudamíjna̱ aʼkhá xáʼngu̱u̱n gáguájun náa nagimbíi̱n xa̱bu̱ bi̱ nuni̱ rí jmbu.+
6 Numuu rí Jeobá ndaʼyoo kambu̱ún xa̱bu̱ jmbiin,+mú kambu̱ún xa̱bu̱ ra̱míjíinʼ mandáti̱ga̱a̱.+
Mbaʼa nota
^ O “tségujxnuu xígú”.
