Salmos 8:1-9
Rí na̱jkha̱ inuu bi̱ kayá edxu̱u̱ náa ajmúú, ga̱jma̱a̱ numuu guitit.* Salmo ndrígóo David.
8 Jeobá, Tátá ndrígúxu̱ ¡ra̱ʼkhá tháán mba̱a̱n ga̱jma̱a̱ gamíi nindxu̱u̱ mbiʼyaaʼ náa xúgíʼ tsu̱du̱u̱ ku̱ba̱ʼ!¡Nitani̱ rí naxpíbínʼ marigá asndu náa mitsídánʼ mekhu!*+
2 Náa rawúúnʼ e̱ji̱n bi̱ majkhiinʼ ga̱jma̱a̱ bi̱ kaʼníí nuxúúnʼ,+ nitani̱ dí marigá tsiaki̱i̱ga̱jma̱a̱ numún xa̱bu̱ sia̱nʼ ndrígáaʼ,mu xúʼko̱ maguanúu wíí xa̱bu̱ sia̱nʼ bi̱ xkawiʼ a̱jkiu̱u̱n.*
3 Índo̱ nda̱yo̱o̱ mekhu ndrígáaʼ ga̱jma̱a̱ ñajunʼ rí niʼni e̱ji̱i̱n ñawáanʼ,gu̱nʼ ga̱jma̱a̱ a̱ʼgua̱a̱n bi̱ ikháán nitani̱i̱,+
4 tsáá lá nindxu̱u̱ xa̱bu̱ mu magiwa̱a̱nʼ a̱jkia̱a̱nʼ xtayáá rá.O tsáá lá nindxu̱u̱ a̱ʼdióo xa̱bu̱ numbaaʼ mu matiewa̱a̱n rá.+
5 Na̱nguá gíʼdoo wéñuuʼ numuu nitani̱i̱ ikhaa, ki xóo ángeles,nitani̱ rí magruigú gamajkhu ga̱jma̱a̱ rí naxpíbínʼ.
6 Niraxnájxi̱i̱ ñajunʼ rí nitani̱ ga̱jma̱a̱ ñawáanʼ,+xúgíʼ nitastiga̱ náa agoo rajkhúu:
7 Xúgíinʼ mugu̱ ga̱jma̱a̱ xedi̱,ma̱ngaa xujkhú xáná,+
8 xujkhú xnaʼ bi̱ jngruigu̱u̱n mekhuíí ga̱jma̱a̱ e̱gi̱ʼ bi̱ kúwá náa lamáa,*xúgíʼ rí najnguʼúun náa lamáa.
9 Jeobá, Tátá ndrígúxu̱, ¡ra̱ʼkhá tháán mba̱a̱n ga̱jma̱a̱ gamíi nindxu̱u̱ mbiʼyaaʼ náa xúgíʼ tsu̱du̱u̱ ku̱ba̱ʼ!
