Salmos 84:1-12
Rí na̱jkha̱ inuu bi̱ kayá edxu̱u̱ náa ajmúú, ga̱jma̱a̱ numuu guitit. Salmo ndrígu̱ún e̱ji̱i̱n Coré.+
84 ¡Ra̱ʼkhá tháán mitsaanʼ* guʼwá xtíin ndrígáaʼ,+Jeobá bi̱ naʼtáñajúúnʼ ángeles!
2 Ra̱ʼkhá tháán eʼyáaʼ maxtáánáa rexo̱o̱ guʼwáaʼ Jeobá.Ra̱ʼkhá tháán eyoʼ mba̱yo̱o̱ dí asndu nakamíndúʼ.+
Na̱ni̱ ajmúú ga̱jma̱a̱ xúgíʼ a̱jkiu̱nʼ ma̱ngaa tsiaki̱i̱ rí gúʼdoo náa inuu Dios bi̱ ndaʼya.
3 Náa guʼwáaʼ asndu ñu̱ʼu̱ naxkamaa náa maxtáa,mijngii náa nakarámáʼ tsigijñaʼ ndrígáaʼ Jeobá bi̱ naʼtáñajúúnʼ ángeles,ñu̱ʼu̱ golondrina naʼni xújúunʼnáa mañewu̱u̱n e̱ji̱i̱n.¡Rey ndrígóʼ, Dios ndrígóʼ!
4 ¡Ra̱ʼkhá tháán edxún bi̱ kúwíin náa guʼwáaʼ!+
Numuu dí ikhiin nuni̱ mba̱a̱n má xúʼko̱.+ (Sélah).
5 Gagi kúwá xa̱bu̱ bi̱ nduyáá rí náa ikháán e̱ʼkha̱ tsiaki̱i̱ ndrígu̱ún,+bi̱ nandún magún ga̱jma̱a̱ xúgíʼ a̱jkiu̱ún náa kamba̱a̱ rí na̱jkha̱ náa guʼwáaʼ.
6 Índo̱ nanújngúún náa mata* ndrígóo Bacá,*nakumu̱ún dí ikhí tri̱ga̱ iduu iyaʼga̱jma̱a̱ índo̱ naxnúu ruʼwa waphoo naʼni dí maguma tsajkurámuuʼ ku̱ba̱ʼ.*
7 Índo̱ kúwá ragún naʼni rí maguáʼdáá itháán tsiaki̱i̱,+mambáa dí ikhiin nuxnáximíjna̱ náa inuu Dios náa kúbá Sion.
8 Jeobá Dios bi̱ naʼtáñajúúnʼ ángeles, atadxawíín rí natajkháan,atadxawunʼ Dios ndrígóo Jacob. (Sélah).
9 Ikháán Dios bi̱ nindxa̱a̱ʼ escudo ndrígúxu̱,*+atambáyíí bi̱ nitraʼwíi.+
10 ¡Dí maxtáá náa rexo̱o̱ guʼwáaʼ mbá mbiʼi nindxu̱u̱ itháan májánʼ ki xóo maxtáá mba̱yu̱u̱ʼ* mbiʼi i̱mba̱ níʼkhá!+
Ikhúún itháán nandoʼ maxtáá náa riejuun goʼwóo Dios ndrígóʼki xóo maxtáá náa guʼwá xtíin náa naguma dí ra̱májánʼ.
11 Numuu dí Jeobá Dios nindxu̱u̱ xóo a̱jkha̱ʼ+ ga̱jma̱a̱ escudo,+ikhaa nagáwíinʼ a̱jkiu̱u̱n ga̱jma̱a̱ naʼni dí maguaʼdáá numulúʼ.
Jeobá nditháan xárikoo dí marigá dí májánʼnáa xa̱bu̱ bi̱ nuni̱ kájxi̱ a̱jkiu̱ún kuyáá.+
12 ¡Jeobá bi̱ naʼtáñajúúnʼ ángeles,gagi xtáa xa̱bu̱ bi̱ naku̱mu̱u̱ kaʼyaaʼ ikháán!+
