Salmos 108:1-13
Ajmúú. Salmo ndrígóo David.
108 Mbóó a̱jkiu̱nʼ eni̱ náa ikháán, Dios ndrígóʼ.
Ga̱jma̱a̱ xúgíʼ a̱jkiu̱nʼ madu̱u̱ ga̱jma̱a̱ ma̱ni̱ ajmúú mu ma̱ni̱ mba̱a̱n.+
2 Magújxúunʼ nákha xóó tsejtsi.
Madu̱u̱ arpa ga̱jma̱a̱ i̱ʼwáʼ ajua̱nʼ rí gíʼdoo cuérdóo.+
3 Jeobá, ma̱ni̱ mba̱a̱n náa majñu̱únʼ xa̱bu̱ xuajin,ma̱ni̱ ajmúú* mu ma̱ni̱ mba̱a̱n náa majñu̱u̱ʼ i̱ʼwáʼ xuajin.
4 Ra̱ʼkhá tháán mba̱a̱ nindxu̱u̱ ngajua rí tsétumuu* rí xtaʼdáá, na̱jkha̱núu asndu náa mekhu,+ma̱ndoo maku̱mu̱xu̱ ku̱ya̱a̱ʼ asndu kámuu.*
5 Dios ndrígóʼ atasngájma xóo mba̱a̱n nindxa̱a̱ʼ náa mekhuíí,atasngájma tsiaki̱i̱ ndrígáaʼ náa xúgíʼ tsu̱du̱u̱ ku̱ba̱ʼ.+
6 Mu xúʼko̱ makáwíin bi̱ nandaaʼ xtañún,atriʼñuʼ ma̱ngaa atani̱ káwáanʼxu ga̱jma̱a̱ ñawún májáanʼ.+
7 Dios bi̱ mikaʼwii* niʼthí:
“Asndu gagi gákuíʼtháa mbayuuʼ xuajin Siquem+ mu maxnu̱u̱ xuajñunʼga̱jma̱a̱ magiéwan mata* ndrígóo Sucot.+
8 Ikhúún kaʼyoʼ Galaad+ ga̱jma̱a̱ Manasés,Efraín nindxu̱u̱ xóo casco* dí grígu náa edxu̱ʼ,+Judá nindxu̱u̱ ixi̱ rí natañájunʼ ga̱jma̱a̱.+
9 Moab nindxu̱u̱ náa najñáa rajkúʼ.+
Mada̱ʼ raxtóʼ* náa Edom.+
Náa Filistea mandxa̱ʼwa̱ rí niʼngo̱ʼ nidaaʼ”.+
10 Tsáá gáʼga kañúún náa xuajin dí kúgumaʼá rá.
Tsáá gáxnú’ ikha maʼgá asndu náa Edom rá.+
11 Ikháán Dios ndrígúxu̱, ndáwa̱a̱ imba̱a̱, ikháán bi̱ nitatsíñuxu̱.Ikháán Dios ndrígúxu̱, nánguá edxu̱ʼ ga̱jma̱á nindxu̱xu̱ náa guerra.+
12 Atambáyuxu̱ náa gamiéjunʼ dí nuraʼnííxu,+ndíí nindxu̱u̱ rí maraʼti̱i̱n mbáa xa̱bu̱ numbaaʼ mu maʼni kríña̱a̱nʼ.+
13 Dios má gáxnulú tsiaki̱i̱,+ikhaa má gakujmbirigi̱i̱n xa̱bu̱ sia̱nʼ.+
