Salmos 146:1-10
146 ¡Gu̱ni̱ mba̱a̱la Jeobá!*+
Xúgíʼ xóo nindxu̱ʼ gaʼni mba̱a̱ Jeobá.+
2 Xúgíʼ mbiʼi rí gáxtáá ma̱ni̱ mba̱a̱ Jeobá.
Nákha xóó xtáá ma̱ni̱ ajmúú mu maxnu̱u̱ gamajkhu* Dios ndrígóʼ.
3 Xaku̱mala ku̱ñu̱u̱n príncipes ni má imba̱a̱ xa̱bu̱ numbaaʼ,numuu rí ikhiin xándoo muni̱ káwáánʼlú.+
4 Numuu rí índo̱ xa̱bu̱ naniñuuʼ rayá jxu̱u̱ʼ, najkha̱a̱ náa yujndaʼ,+mbiʼi má rúʼko̱ naguámbáa ku̱ma̱ ndrígóo.+
5 Gagi xtáa xa̱bu̱ bi̱ gíʼdaa Dios ndrígóo Jacob mu mambáyúu,+bi̱ nagi̱ʼthu̱u̱n Jeobá Dios ndrígóo mu mambáyúu,+
6 bi̱ niʼni mekhu ga̱jma̱a̱ ku̱ba̱ʼ,lamáa* ga̱jma̱a̱ xúgíʼ dí rígá ikhí,+ga̱jma̱a̱ bi̱ gajkuwiin má xúʼko̱,+
7 bi̱ naʼnimbánuu xó má kaʼyoo numún bi̱ numíníiʼ,naxnún ganitsu mu̱phu̱ bi̱ naxkidxu̱u̱n.+
Jeobá naʼni káwíin bi̱ kajchún náa guʼwá e̱jua̱nʼ.*+
8 Jeobá narmbáʼtáa idún bi̱ tsékruigu̱u̱n,+Jeobá nakujxi̱ín bi̱ na̱ʼkha̱ ndi̱jtsu̱ún,+Jeobá nandoo kaʼñún xa̱bu̱ míjíinʼ.
9 Jeobá nañewu̱u̱n xa̱bu̱ bi̱ naguwaáʼ,nambáñúún e̱jín wáʼa ga̱jma̱a̱ gu̱ʼú xuáʼa,+mú naʼni rí xagájnuu májánʼ awan ndrígu̱ún xa̱bu̱ ramíjíin.+
10 Jeobá mani̱ndxu̱u̱ Rey asndu kámuu+Dios ndrígáaʼ Sion, mani̱ndxu̱u̱ Rey náa xúgíinʼ bi̱ gaguwaʼ rakúwá nda̱wa̱á.
¡Gu̱ni̱ mba̱a̱la Jeobá!*
Mbaʼa nota
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “madu̱u̱ ajmúú náa inuu”.
^ O “mar”.
^ Náa ajngáa hebreo naʼthí, “kaxtuʼún”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
