Salmos 112:1-10
112 ¡Gu̱ni̱ mba̱a̱la Jeobá!*+
א [álef]
Gagi xtáa xa̱bu̱ bi̱ namíñuu kaʼyoo Jeobá,+ב [bet]bi̱ nanigu̱u̱ʼ maʼnimbánuu kiʼtáñajunʼ ndrígóo.+
ג [guímel]
2 E̱jñu̱ún muguáʼdáá tsiaki̱i̱ náa tsu̱du̱u̱ ku̱ba̱ʼ,ד [dálet]e̱jñu̱ún xa̱bu̱ bi̱ nuni̱ rí májánʼ maguma tsajkurámiinʼ.+
ה [he]
3 Náa goʼwóo kajtíí rí gíʼdoo numuu,ו [waw]marmáʼáan má xúʼko̱ a̱jkiu̱ún kuyáá asndu kámuu ga̱jma̱a̱ numuu rí májánʼ naʼni.
ז [zayin]
4 Bi̱ nuni̱ rí májánʼ, nduyáá rí ikhaa nindxu̱u̱ xóo mbá aguʼ rí nambiʼi náa mikína.+
ח [jet]
Naʼngo̱o̱ a̱jkiu̱u̱n, nagáwíinʼ a̱jkiu̱u̱n+ ga̱jma̱a̱ naʼni rí májánʼ.
ט [tet]
5 Xtáa tsímáá xa̱bu̱ bi̱ naxnátíʼñuun ga̱jma̱a̱ xúgíʼ a̱jkiu̱u̱n bi̱ ndayóoʼ.+
י [yod]
Xúgíʼ rí naʼni, naʼni xó má kaʼyoo.
כ [kaf]
6 Ikhaa nditháan xáxtáa ngíná maski ajndu narígá dí ra̱májánʼ.+
ל [lámed]
Dios marmáʼáan a̱jkiu̱u̱n kaʼyoo xa̱bu̱ májáanʼ asndu kámuu.*+
מ [mem]
7 Xámíñuu índo̱ gáʼdxawun ajngáa dí ra̱májánʼ.+
נ [nun]
Naku̱mu̱u̱ kaʼyoo Jeobá, mbóó a̱jkiu̱u̱n eʼni náa ikhaa.+
ס [sámekh]
8 Mbóó a̱jkiu̱u̱n e’ni, nditháan tsémiñuu,+ע [ayin]nda̱wa̱á ikhaa mbaʼñúún xa̱bu̱ sia̱nʼ ndrígóo rí táʼngu̱u̱n gúdaaʼ.+
פ [pe]
9 Ikhaa naxná ga̱jma̱a̱ xúgíʼ a̱jkiu̱u̱n rí gíʼdoo, naxnún xa̱bu̱ ngíníin.+
צ [sadé]
Marmáʼáan má xúʼko̱ a̱jkiu̱ún kuyáá asndu kámuu.+
ק [qof]
Ga̱jma̱a̱ numuu rí májánʼ naʼni magiʼdoo itháán tsiaki̱i̱* ga̱jma̱a̱ xúgíinʼ mbuyamajkuíí.
ר [resh]
10 Índo̱ xa̱bu̱ ra̱májánʼ gáʼyoo rígi̱, makásngañu̱u̱ʼ.
ש [shin]
Mikuduun iñuuʼ ga̱jma̱a̱ makhañúu.
ת [taw]
Xágájnuu májánʼ rí nagua̱ʼa̱ maʼni xa̱bu̱ ra̱májáanʼ.+
