Salmos 138:1-8
Salmo ndrígóo David.
138 Ma̱ni̱ mba̱a̱n ga̱jma̱a̱ xúgíʼ a̱jkiu̱nʼ.+
Náa inún eʼwíinʼ diosesma̱ni̱ ajmúú mu ma̱ni̱ mba̱a̱n.*
2 Masmbatígo̱ʼ náa guʼwá rí nduyamajkuaaʼ rí kaʼwu+ma̱ni̱ mba̱a̱ mbiʼyaaʼ+ ga̱jma̱a̱ numuu ngajua rí tsétumuu* rí xtaʼdáá ma̱ngaa gajkhun nindxu̱u̱ rí naratá.Nitani̱ rí mbiʼyaaʼ ga̱jma̱a̱ rí nitaxúdaminaʼ matani̱
magiʼdoo itháán numuu náa xúgíʼ dí rígá.
3 Mbiʼi rí nindxa̱ʼwa̱a̱ʼ, ikháán nitriʼñuʼ,+nitani̱ rí mani̱ndxu̱ʼ mbáa xa̱bu̱ bi̱ tsémíñuu ga̱jma̱a̱ gíʼdoo tsiaki̱i̱.+
4 Xúgíinʼ reyes bi̱ kúwá náa tsu̱du̱u̱ ku̱ba̱ʼ muni̱ mba̱a̱n Jeobá,+numuu rí nidxawíín rí nitaxúdaminaʼ matani̱ dí ikháán má niratá.
5 Muni̱ ajmúú ga̱jma̱a̱ numuu kambo̱o̱ Jeobá,numuu rí Jeobá nindxu̱u̱ mba̱a̱.+
6 Maski má mitsídánʼ xtáa Jeobá, naxmiéjuunʼ kaʼyoo xa̱bu̱ wabaaʼ,+mú tsémbájxu̱u̱ ga̱jma̱a̱ xa̱bu̱ bi̱ naʼnimbamínáʼ.+
7 Maski ajndu ikhúún maxtáá náa rígá gamíi,+ ikháán xátatsiʼñááʼ rí makhañúʼ.
Najmaaʼ tsiaki̱i̱ ndrígáaʼ mu matrikúún xa̱bu̱ sia̱nʼ ndrígóʼ bi̱ najmangu̱u̱nʼ,ñawún májáanʼ maʼni kríñu̱u̱nʼ.
8 Jeobá naʼnimbánuu náa ikhúún xúgíʼ rí ikhaa nandoo.
Jeobá, ngajua rí tsétumuu rí xtaʼdáá ndajyúuʼ asndu kámuu.+Xámbumaaʼ xtayáá ñajunʼ rí nitani̱ ga̱jma̱a̱ ñawáanʼ.+
Mbaʼa nota
^ O mbáa “Matsijmíin eʼwíinʼ dioses, madu̱u̱ ajmúú mu ma̱ni̱ mba̱a̱n”.
