Salmos 45:1-17
Rí na̱jkha̱ inuu bi̱ kayá edxu̱u̱ náa ajmúú, xó má nawáán ajmúú “Lirios”. Salmo ndrígu̱ún e̱ji̱i̱n Coré.+ Maskil. Ajmúú ndrígu̱ún gu̱ʼu̱ bi̱ nandún kuñún.
45 A̱jkiu̱nʼ nadxuu ga̱jma̱a̱ numuu mbá rí májánʼ.
Natha: “Ajmúú rí na̱ni̱ naʼthí ga̱jma̱a̱ numuu* mbáa rey”.+
Ra̱ju̱nʼ gánindxu̱u̱ xóo mbá xnaʼ*+ rí najmuu bi̱ najmañuu naʼnirámáʼ.+
2 Náa xúgíinʼ e̱jñu̱ún xa̱bu̱, ikháán itháán mitsiʼñán.
Náa rawaanʼ nagájnuu ajngáa rí mitsaanʼ.*+
Ikha jngóo Dios niʼni tsajkurámáánʼ asndu kámuu.+
3 Atruʼwáá espada náa smídaaʼ,+ ikháán bi̱ xkujiinʼ,+xtaʼdáá gamajkuaaʼ ga̱jma̱a̱ naxpíbíínʼ.+
4 Atasngájma rí naxpíbíínʼ, ayuʼ mu maʼngaaʼ,+adruwáan wáyáaʼ ayuʼ gátaxmína̱ʼ ga̱jma̱a̱ numuu rí gajkhun, atambáñúún xa̱bu̱ guabiinʼ ga̱jma̱a̱ atani̱ xó má kaʼyoo,+ñawún májáanʼ maʼngo̱o̱* maʼni rí gamíi.
5 Flecha ndrígáʼ ra̱ʼkhá tháán mixíníʼ, nafraʼa jnga̱a̱ náa a̱jkiu̱ún xa̱bu̱ sia̱nʼ ndrígóo rey,+naʼni rí majnguti̱gi̱i̱n xa̱bu̱ náa inaaʼ.+
6 Dios mani̱ndxu̱u̱ xília̱a̱ʼ* asndu kámuu,+ma̱ngaa maratañájunʼ xó má kaʼyoo.+
7 Nindaaʼ xtayáá dí májánʼ+ ga̱jma̱a̱ niwi̱ya̱a̱ʼ xtayáá dí ra̱májánʼ.+
Ikha jngóo, Dios ndrígáaʼ niraʼwíín+ ga̱jma̱a̱ aceite rí gagi,+ itháan ikháán ki xóo a̱ngia̱a̱nʼ.
8 Xúgíʼ xtíñáanʼ kagu̱u̱ mirra, áloe* ga̱jma̱a̱ canela* mu maʼni ndataun,asndu náa guʼwá ñajunʼ dí niguma ga̱jma̱a̱ marfil,* ikhí ajua̱nʼ dí gíʼdoo cuérdóo naʼni̱i̱ gagi a̱jkia̱a̱nʼ.
9 Náa majñu̱únʼ gu̱ʼu̱ bi̱ natayamajkún, kúwá wa̱ʼxiúúnʼ reyes.
Bi̱ nindxu̱u̱ reina niwi̱ji̱ náa níjniúu májáanʼ kijmarataa ga̱jma̱a̱ oro dí na̱ʼkha̱ náa Ofir.+
10 Wáxióʼ,* atagíʼ edxa̱a̱ʼ matadxawíín rí ma̱tha̱a̱nʼ,gambumaaʼ xtayáá xuajñaanʼ ga̱jma̱a̱ goʼwóo ana̱a̱ʼ.*
11 Rey manigu̱u̱ʼ rí xóo mitsiʼñán,numuu rí ikhaa nindxu̱u̱ tátiáaʼ,ikha jngóo atasmbátiga̱a̱ʼ náa inuu.
12 Wáxióo Tiro ma̱ʼkha̱ kayóo mbá regalo,xa̱bu̱ bi̱ itháán guáʼdáá, muni̱ rí maʼni a̱jkia̱a̱nʼ xtañún.
13 Náa guʼwá ñajunʼ,* wáxióo rey ra̱ʼkhá tháán mitsaanʼ xóo kijmarataa,xtíñuu kijmaratáá ga̱jma̱a̱* oro.
14 Magún kuya̱a̱ náa rey ga̱jma̱a̱ xtíin dí ra̱ʼkhá tháán mitsaanʼ kijñaráʼáá.*
Ga̱jma̱a̱ a̱ngui̱i̱n wa̱ʼxa̱ʼ bi̱ xóó tsébúún gajmiún xa̱bu̱, magún kuya̱a̱ náa ikháán.
15 Asndu tsímáá ga̱jma̱a̱ gagi gáguwáʼ kuya̱a̱matu̱ʼu̱u̱n náa guʼwá ñajunʼ ndrígóo rey.
16 E̱jña̱a̱ʼ mudrigúu ñajunʼ rí nini̱ wajin xiʼñáaʼ.
Ikháán matadri̱gi̱i̱n mani̱ndxu̱ún príncipes náa xúgíʼ ku̱ba̱ʼ.+
17 Ma̱ni̱ rí muniʼnuuʼ mbiʼyaaʼ xúgíinʼ bi̱ gáguwáʼ rakúwá nda̱wa̱á.+
Ikha jngóo xa̱bu̱ xuajin muni̱ mba̱a̱n asndu kámuu.
Mbaʼa nota
^ Náa ajngáa hebreo naʼthí, “Ñajunʼ rí na̱ni̱ nindxu̱u̱ ga̱jma̱a̱ numuu”.
^ O “nagui̱i̱”.
^ Náa ajngáa hebreo naʼthí, “masngáaʼ”.
^ O “trono ndrígáaʼ”.
^ Náa ajngáa hebreo naʼthí, “casia”.
^ Rígi̱ na̱ʼkha̱ náa iñúúnʼ dí miʼxá elefante ga̱jma̱a̱ eʼwíinʼ xujkhúʼ.
^ Xúʼko̱ mbiʼyuu mbá ixi̱ rí naxná wájyooʼ ga̱jma̱a̱ aceite dí najmún xa̱bu̱ nákha wajyúuʼ mu muni̱ rí ndataun.
^ O “A̱ʼdéʼ dxáʼgú”.
^ O “tátiáaʼ”.
^ Náa ajngáa hebreo naʼthí, “awúún”.
^ Náa ajngáa hebreo naʼthí, “kagu̱u̱”.
^ O mbáa “xtíñuu rí kiʼxmí”.
