Salmos 69:1-36
Rí na̱jkha̱ inuu bi̱ kayá edxu̱u̱ náa ajmúú, xó má nawáán ajmúú “Lirios”. Salmo ndrígóo David.
69 Dios ndrígóʼ atani̱ kríñu̱u̱nʼ, numuu rí na̱jkha̱ ramúʼúún náa iyaʼ, gamíi makhañúʼ.+
2 Nirmúʼúún náa gaʼcha̱ʼ rí mi̱jnu̱ʼ, náa nda̱a̱ ku̱ba̱ʼ gújkhúʼ.+
Nijngúnʼ náa iyaʼ mi̱jnu̱ʼ,ga̱jma̱a̱ jxu̱u̱ʼ iyaʼ ni̱jkha̱ kañún.+
3 Asndu néʼngo̱ʼ rí nandxa̱ʼwa̱ má xúʼko̱ mu mixtambáyúʼ,+nigúgoo aphuʼ ga̱jma̱a̱ numuu rí nandxa̱ʼwa̱.
Iduʼ nigaaʼ numuu rí nayejxi̱ ma xúʼko̱ mba̱yo̱o̱ náa e̱ʼkha̱ Dios ndrígóʼ mambáyuʼ.+
4 Itháan mbaʼin ki xóo xtásiu̱u̱n edxu̱ʼxa̱bu̱ bi̱ nda̱a̱ mbá numuu wi̱ñu̱u̱nʼ kuyoʼ.+
Ra̱ʼkhá tháan mbaʼin bi̱ nandún muxiñún,bi̱ nda̱a̱ mbá numuu wi̱ñu̱u̱nʼ kuyoʼ.
Nitsudúún maxnajxíi mbá rí ikhúún tani̱ kuʼwáʼ.
5 Dios ndrígóʼ, ikháán natayáá xóo skágiu̱u̱nʼ,rí nikiéʼkhúnʼ na̱nguá rígá ngu̱ʼwa̱ náa ikháán.
6 Tátá bi̱ itháan Mba̱a̱, Jeobá bi̱ naʼtáñajúúnʼ ángeles,raʼkháa ga̱jma̱a̱ numuu rí nikiéʼkhúnʼ gáʼni rí magajnúu gamajkhún bi̱ nakumu̱ún kuyaaʼ.
Raʼkháa ga̱jma̱a̱ numuu rí nikiéʼkhúnʼ gáʼni rí maguma majti̱i̱nʼ bi̱ nduñáánʼ,Dios ndrígóo Israel.
7 Xa̱bu̱ nutawéñúʼ numuu rí na̱ni̱ ñajuaanʼ,+rí xóo nuniu̱nʼ naʼni rí mati̱yu̱ʼ wéñuuʼ.+
8 A̱ngui̱nʼ nduyoʼ xóo mbáa xa̱bu̱ bi̱ tséniʼniiʼ,e̱ji̱i̱n ru̱dúʼ* nduyoʼ xó mbáa xa̱bu̱ bi̱ na̱ʼkháá.+
9 Ra̱ʼkhá tháán eyoʼ ka̱yo̱o̱ guʼwáaʼ rí asndu nindxu̱u̱ xóo aguʼ rí nakha náa a̱jkiu̱nʼ+rí nitha wéñaaʼ ikháán ni̱ʼkha̱nú náa ikhúún.+
10 Índo̱ nisngajmá rí nindxu̱ʼ xa̱bu̱ wabaaʼ ga̱jma̱a̱ nirkuéyiminaʼ,*niriya̱ʼ majkhuʼ ga̱jma̱a̱ numuu rígi̱.
11 Índo̱ niʼgíʼ xtíin mi̱du̱,*ikhiin niguánú ndiyoʼ xóo mbá rí xáʼndúún gúyáá.*
12 Bi̱ natri̱gi̱i̱n náa xkrugoo xuajin nuthi ga̱jma̱a̱ numuʼxa̱bu̱ najngi̱i̱n nuni̱ ajmúú ga̱jma̱a̱ numuʼ.
13 Jeobá, nandoʼ rí matadxawíín rí natakáñaaʼ+náa mbiʼi májánʼ gáta̱ya̱a̱ ikháán matadxawíín.
Ga̱jma̱a̱ numuu ngajua rí tsétumuu* rí xtaʼdáá Dios ndrígóʼ,atriʼñuʼ ga̱jma̱a̱ atasngájmuʼ dí gajkhun matani̱ kríñu̱u̱nʼ.+
14 Atani̱ kríñu̱u̱nʼ náa gaʼcha̱ʼ,xátatsiʼñááʼ rí marmúʼúún.
Atani̱ kríñu̱u̱nʼ náa xa̱bu̱ bi̱ na̱wi̱ñu̱u̱nʼ kuyoʼga̱jma̱a̱ náa iyaʼ mi̱jnu̱ʼ.+
15 Xátatsiʼñááʼ rí maʼga kañún yambo̱o̱ rí xkujyuʼ+ni má xátatsiʼñááʼ rí marmúʼúún náa iyaʼ mi̱jnu̱ʼ,xúʼko̱ má xátatsiʼñááʼ rí magugua múʼúún náa iñáʼ.+
16 Atriʼñuʼ Jeobá, numuu rí májánʼ nindxu̱u̱ ngajua rí tsétumuu rí xtaʼdáá.+
Ga̱jma̱a̱ numuu rí nagáwíinʼ a̱jkia̱a̱nʼ, atanga̱án gátayo̱ʼ+
17 ma̱ngaa xátatsiʼñááʼ ratiejxu̱ʼ.*+
Nacha̱ gátriʼñuʼ numuu rí naxmiéjunʼ wéñuuʼ.+
18 Ayi̱ gátani̱ kríñu̱u̱nʼ,atani̱ kríñu̱u̱nʼ náa ñawúúnʼ xa̱bu̱ sia̱nʼ.
19 Ikháán natatsinuuʼ xóo nigájnuu gamajkhuʼ ga̱jma̱a̱ xóo niguma májtiu̱u̱nʼ.+
Ikháán natañúún xúgíinʼ bi̱ nakiʼníin kuyoʼ.
20 Rí xóo nigájnuu gamajkhuʼ naʼni rí magawúunʼ a̱jkiu̱nʼ, nánguá kaʼnii maguma mandáa náa nigawúnʼ.
Nigúʼthu̱u̱n rí magáwíinʼ a̱jkiu̱ún kuyoʼ mú nimbáa tágáwíinʼ a̱jkiu̱nʼ kaʼyoʼ,+nigúʼthu̱u̱n rí mbáa maʼni̱i̱ a̱jkiu̱nʼ mú nimbáa táʼni̱i̱ a̱jkiu̱nʼ.+
21 Rí phú nini̱, túxnuʼ ganitsu miʼkhu, nixnuʼ iná mbi̱i̱ʼ,*+nixnuʼ vino miga̱ʼ ma̱ga̱nʼ mu mawiji̱ rakandawuʼ.+
22 Mesa ndrígu̱ún gaguajta̱a̱ mbá tsáʼkhá náa ikhiin,ga̱jma̱a̱ ganitsu ndrígu̱ún gaguajta̱a̱ xóo mbá ñuñuu.+
23 Gaʼni rí agiuuʼ idún mawiʼyúuʼ mu xúyejxi̱,ga̱jma̱a̱ atanimiñúún mu ikhiin* maguíʼiin.
24 Gakiʼnáán xtañún,atani̱ rí nakásngaña̱a̱ʼ maxkamari̱gi̱i̱n xóo aguʼ rí nakha.+
25 Gaʼni̱i̱ xóo ku̱ba̱ʼ mijxooʼ* náa gíi̱nʼ,nimbáa ní xáxtáa náa guʼwá xtíin ndrígu̱ún.+
26 Numuu rí ikhiin nuxkháá bi̱ ikháán niraxnáága̱jma̱a̱ nuthi má xúʼko̱ xóo nagawúúnʼ bi̱ ikháán nitani̱ gawúúnʼ.
27 Atani̱ rí muguáʼdáá itháán aʼkhúúnga̱jma̱a̱ xátañu̱u̱n rí nindxu̱ún xa̱bu̱ jmbiin.
28 Gajngudi̱i̱ mbiʼñún náa libro dí trámáʼ mbiʼñún bi̱ nduya+ga̱jma̱a̱ xágumarámáʼ mbiʼñún náa nigumarámáʼ mbiʼñún bi̱ nuni̱ dí májánʼ.+
29 Mú, ikhúún xtáá ramínúuʼ ga̱jma̱a̱ mbaʼa ga̱ʼkhu̱ rí gúʼdoʼ,+
Dios ndrígóʼ, atani̱ kríñu̱u̱nʼ ga̱jma̱a̱ atiewu̱nʼ.
30 Ma̱ni̱ ajmúú mu ma̱ni̱ mba̱a̱ mbiʼyuu Diosmaxna̱a̱ núma̱aʼ mu maxnu̱u̱ gamajkhu.
31 Rígi̱ mani̱ndxu̱u̱ itháán májánʼ gáʼyoo Jeobá, ki xóo mbáa toro,itháán ki xóo mbáa a̱ʼdá xédí bi̱ gíʼdoo chi̱jyu̱u̱ʼ ga̱jma̱a̱ tsójóo.+
32 Xa̱bu̱ guabiinʼ mbuyáá rí májánʼ a̱jkiu̱u̱n Dios ga̱jma̱a̱ maʼdxúún.
Ikháanʼla bi̱ nduʼyáaʼ Dios, gu̱ya̱a̱la tsiaki̱i̱.
33 Numuu rí Jeobá xtáa raʼdxawúún xa̱bu̱ bi̱ numíniiʼ+ga̱jma̱a̱ xániñúún xa̱bu̱ xuajñuu bi̱ ni̱jkha̱ kiʼdiin.+
34 Mekhu ga̱jma̱a̱ ku̱ba̱ʼ gúni̱ mba̱a̱ Dios+xúʼko̱ má lamáa* ga̱jma̱a̱ xúgíinʼ bi̱ kúwá ikhí.
35 Numuu rí Dios maʼni kríya̱a̱ʼ Sion+ga̱jma̱a̱ maʼni̱i̱ xuajin dí rígá náa Judá,ikhiin mudrigúu* ga̱jma̱a̱ makuwá ikhí.
36 E̱jñu̱ún xa̱bi̱i̱ mudrigúu ku̱ba̱ʼ+ga̱jma̱a̱ bi̱ nandún kuyáá mbiʼyuu+ makuwá ikhí.
Mbaʼa nota
^ O “náneʼ”.
^ O “ndiyamiʼchúu”. O mbáa “Índo̱ nimbi̱ya̱ʼ ga̱jma̱a̱ nirkuéyimina”.
^ Náa ajngáa hebreo naʼthí, “mbá proverbio”.
^ Náa ajngáa hebreo naʼthí, “xátarkaʼwu inaaʼ náa ikhúún”.
^ O “veneno”.
^ Náa ajngáa hebreo naʼthí, “itsu̱ tsagúúnʼ”.
^ O “desierto”.
^ O “mar”.
^ Xóo muʼthá, maʼni mbañúúnʼ.
