Salmos 39:1-13
Rí na̱jkha̱ inuu bi̱ kayá edxu̱u̱ náa ajmúú, ndrígóo Jedutún.*+ Salmo ndrígóo David.
39 Ikhúún ni̱tha̱: “Mañewu̱u̱n rí na̱ni̱mu xúʼko̱ xákiéʼkún’ ga̱jma̱a̱ ra̱ju̱nʼ.+
Marugoo rawunʼ ga̱jma̱a̱ mbá amaʼ+índo̱ xtáa mbáa xa̱bu̱ ra̱májáanʼ náa inuʼ”.
2 Maski ajndu nagawúnʼniguanúʼ wíí xóo mbáa chíjmáa,+ni má na̱nguá ni̱tha̱ rí nindxu̱u̱ májánʼ.
3 A̱jkiu̱nʼ nigíʼdu̱u̱ nikamuu* náa awúu̱n tsoxto̱ʼ.
Índo̱ xtáá randxa̱ʼwáminaʼ, nikamuu aguʼ.
Ikhú ni̱tha̱:
4 “Jeobá, atambáyúʼ mba̱yo̱o̱ náa gártumuu vida ndrígóʼga̱jma̱a̱ nguáthá mba̱yu̱u̱ʼ mbiʼi gáxtáá,+mu xúʼko̱ mba̱yo̱o̱ dí kááʼ mbá xngaa xtáá.
5 Xúʼko̱ kaʼnii, mbá xngaa* niraxnúʼ maxtáá,+nda̱a̱ káʼniín tayáá ikháán xúgíʼ mbiʼi rí maxtáá.+
Xúgíinʼ xa̱bu̱, maski ajndu nakujmaa rí májánʼ kúwá, nindxu̱ún xóo rujmbaaʼ.*+ (Sélah).
6 Mbá nujngo̱ó xtáa xa̱bu̱ xóo mbá ndájkua̱.
Nda̱a̱ má numuu dí na̱jkha̱ gi̱i̱ ñuʼún.*
Nagímbóó rí magiʼdoo mu tséʼyoo tsáa gáguanúu ga̱jma̱a̱ rí nagímbóó.+
7 Á mu xúʼko̱, Jeobá, ndiéjunʼ dí ma̱ndoo magúʼthu̱u̱n rá.
I̱ndó ikháán nindxa̱a̱ʼ bi̱ gúʼthu̱u̱n.
8 Atruguarámáá’ xúgíʼ rí nikiéʼkúnʼ.+
Xátatsiʼñááʼ rí xa̱bu̱ skágunʼ maʼniuʼ xóo mbáa bi̱ nda̱a̱ numuu.
9 Niguanúʼ chíjmáa,nánguá nindoo gámbáʼtoo rawunʼ,+numuu rí ikháán nitani̱ rí xúʼko̱ marigá.+
10 Atatsíñááʼ ratani̱ gínún.*
Néʼngo̱ʼ eʼni dí naraxnúʼ ga̱jma̱a̱ ñawáanʼ.
11 Nataxpriguii xa̱bu̱, índo̱ natani̱ rí mamínuuʼ ga̱jma̱a̱ numuu rí nikiéʼkúun,+xóo mbáa ruxi,* natani̱ gámbáa xúgíʼ rí ikhaa nagujxi̱i̱.
Xa̱bu̱ nindxu̱u̱ i̱ndó xóo mbá rujmbaaʼ.+ (Sélah).
12 Atadxawíín rí natakáñáaʼ, Jeobá,atadxawíín dí nandxa̱ʼwa̱a̱ʼ matambáyuʼ.+
Xátani̱ gújkhúʼ a̱jkia̱a̱nʼ índo̱ nambi̱ya̱ʼ.
Numuu dí ikháán natayáá rí i̱ndó nindxu̱ʼ xóo mbáa xa̱bu̱ na̱ʼkha̱á,+mbáa bi̱ nanújngoo, xó má xúgíinʼ wajin xiʼñúnʼ.+
13 Xátayo̱ʼ ga̱jma̱a̱ mijkoo mu ma̱ndoo mba̱ya̱a̱ tsiaki̱i̱nákha xóó tséjkha̱a̱ʼ ga̱jma̱a̱ tsékáñúnʼ”.
Mbaʼa nota
^ Náa ajngáa hebreo nathí, “nigigoo”.
^ Náa ajngáa hebreo naʼthí, “xóo mbá paskoo ñawúnʼ”.
^ Náa ajngáa hebreo naʼthí, “nawáán eʼni”.
^ Náa ajngáa hebreo naʼthí, “gamiéjunʼ”.
^ Ruxi bugi̱ nindxu̱u̱ xóo ruxi bi̱ xtáa náa Israel, mbáa xujkhúʼ chíʼgíiʼ bi̱ gíʼdoo a̱jkhu̱ xniuunʼ bi̱ xóo bijphí kaʼnii ga̱jma̱a̱ ikhaa na̱ʼkhu̱ xtíin.
