Salmos 105:1-45
-
Rí májánʼ niʼni Jeobá ga̱jma̱a̱ numuu xuajñuu
105 ¡Guxna̱a̱ núma̱aʼ Jeobá,+ gugríga̱a̱* mbiʼyuu,gu̱ni̱ dí xa̱bu̱ xuajin mbuyáá dí ikhaa naʼni!+
2 Gu̱ni̱ ajmúú, ga̱jma̱a̱ gu̱di̱i̱ ajmúú náa ikhaa,gundxaʼwamíjna̱* náa xúgíʼ rí mitsaanʼ* niʼni.+
3 Gu̱ni̱ mba̱a̱ mbiʼyuu dí kaʼwu.+
Gaʼdxuu a̱jkiu̱ún bi̱ nduyáaʼ Jeobá.+
4 Guʼyáaʼ Jeobá+ ga̱jma̱a̱ guʼyáʼ tsiaki̱i̱ ndrígóo.
Guʼyáaʼ má xúʼko̱ mu mambáyala.*
5 Garmáʼáan a̱jkia̱la xúgíʼ rí mitsaanʼ niʼni,milagro ga̱jma̱a̱ dí xóo májánʼ naraʼwíí dí maʼni,+
6 ikháanʼla bi̱ naguwa̱ʼ náa Abrahán bi̱ nindxu̱u̱ xa̱bi̱i̱,+ikháanʼla e̱ji̱i̱n Jacob, bi̱ niraʼwáanʼla.+
7 Ikhaa nindxu̱u̱ Jeobá Dios ndrígúlú.+
Xtángoo ndrígóo rígá náa xúgíʼ numbaaʼ.+
8 Dios tsémbumuu rí nikudaminaʼ maʼni,+ikhaa narmáʼáan ma xúʼko̱ a̱jkiu̱u̱n rí nimbánuu ga̱jma̱a̱ xuajñuu,+
9 dí nimbánuminaʼ ga̱jma̱a̱ Abrahán,+ga̱jma̱a̱ ajngóo dí nixná náa Isaac,+
10 ikhaa niʼthúu̱n Jacob ga̱jma̱a̱ mbá xtángooga̱jma̱a̱ xóo mbá rí nimbánuu rí mbajyúuʼ asndu kámuu náa Israel,
11 índo̱ niʼthí “Maxna̱a̱’ ku̱ba̱ʼ dí rígá náa Canaán,+rí kaʼyala mundrígúu ikháanʼla”.+
12 Rígi̱ nirígá nákha nguéjmi̱i̱n,+xúʼko̱ nákha rambáʼin ga̱jma̱a̱ xóo xa̱bu̱ naguwaáʼ náa ku̱ba̱ʼ rúʼko̱.+
13 Ikhiin nigún rajnguʼwún náa mámbá xuajin,ga̱jma̱a̱ náa mámbíin xa̱bu̱ ñajunʼ.+
14 Ikhaa na̱nguá niniñuuʼ dí nimbáa xa̱bu̱ maʼni ngíníin,+rí phú niʼni nixprigún reyes ga̱jma̱a̱ numún ikhiin.+
15 Niʼthí: “Xúrugui̱i̱n bi̱ ikhúún niraʼwi̱i̱nga̱jma̱a̱ xúniu̱u̱n nimbá dí ra̱májánʼ profetas* ndrígióʼ”.+
16 Niʼni dí marigá ewiʼ náa xuajin,+niʼni rí ni xárígá ganitsu.*
17 Nikuʼmaa maʼga ginii nákha xóó tségún ikhiin mbáa xa̱bu̱bi̱ nixtangujua̱a̱ xóo ñumbáá: José.+
18 Niruʼwa̱a̱* rajkhúu ga̱jma̱a̱ cadena,+ma̱ngaa nixuda̱ʼ aphuu náa ajua̱nʼ.
19 Asndu mbiʼi rí nimbánuu ajngóo,+ajngáa rí niʼthí Jeobá niʼni kaʼwi̱i̱.
20 Rey niʼtáñajunʼ rí maxtajkuíi,+xa̱bu̱ ñajunʼ niniñuuʼ rí magajnáa.
21 Nigíiʼ xóo bi̱ mbayáa edxu̱u̱ náa goʼwóo,ga̱jma̱a̱ nirajkuáa ñawúunʼ xúgíʼ rí gíʼdoo,+
22 mu maʼtáñajúúnʼ príncipes xó má gáʼndoo ikhaaga̱jma̱a̱ maʼsngúún xabuanii muguaʼdáá ku̱ma̱.+
23 Ikhú Israel ni̱jkha̱ náa Egipto,+Jacob nixtáa xóo xa̱bu̱ na̱ʼkháá náa ku̱bo̱o̱ʼ Cam.
24 Dios niʼni rí xa̱bu̱ xuajñuu maʼni itháán mbaʼin,+niʼni rí muguaʼdáá itháán tsiaki̱i̱ ki xóo xa̱bu̱ sia̱nʼ,+
25 ga̱jma̱a̱ niniñuuʼ rí xa̱bu̱ sia̱nʼ mawiñu̱u̱nʼ kuñún xa̱bu̱ xuajñuuma̱ngaa rí muri̱ya̱ʼ awan muniu̱u̱n dí ra̱májánʼ.+
26 Nikuʼmaa Moisés bi̱ nindxu̱u̱ xa̱bi̱i̱,+ma̱ngaa Aarón,+ bi̱ ikhaa niraʼwíi.
27 Nájmi̱i̱n nini̱ milagros ndrígóo Dios náa majñu̱únʼ ikhiin,*nini̱ milagros náa ku̱bo̱o̱ʼ Cam.+
28 Ikhaa niʼni rí ku̱ba̱ʼ rúʼko̱ maʼni kína+na̱nguá nixujximíjna̱* ga̱jma̱a̱ ajngáa rí niʼthí.
29 Niʼni dí iyaʼ rí guáʼdáá xa̱bu̱ egipcios magutajxi̱i̱ eʼdiga̱jma̱a̱ niʼni rí e̱gi̱ʼ makhañún.+
30 Náa xuajñuu rey nijtíin gu̱boo,+asndu náa goʼwóo.
31 Niʼni dí rixta̱ga̱jma̱a̱ e̱xu̱nʼ matu̱ʼu̱u̱n náa xúgíʼ mbayuuʼ.+
32 Niʼni dí ruʼwa maguajta̱a̱ eʼtsíga̱jma̱a̱ niʼni dí muguajtáa a̱jkhu̱u̱n* náa ku̱bo̱o̱ʼ.+
33 Niʼni gámbóo náa kiʼdu ixi̱ uva ga̱jma̱a̱ náa kiʼdu ixi̱ higo,ga̱jma̱a̱ niʼni gámbóo ixi̱ dí rígá náa ku̱bo̱o̱ʼ.
34 Ikhaa niʼthí rí majtíin tsíʼbu,*ra̱ʼkhá tháán mbaʼin tsíʼbu bi̱ xóó nda̱a̱ xniúúʼ,+
35 niguámbu̱u̱n xúgíʼ iná maxaʼ dí rígá náa xuajin,ga̱jma̱a̱ xúgíʼ rí najma̱a̱ náa ku̱ba̱ʼ.
36 Ikhú nigudíin xúgíinʼ e̱jín giʼnuu bi̱ kúwá náa xuajin,+timbíin e̱jñu̱ún bi̱ niguáʼdiin.
37 Niʼni rí xa̱bu̱ xuajñuu magajnáán kudúún plata ga̱jma̱a̱ oro,+ga̱jma̱a̱ nimbáa bi̱ xtáa náa xuajin majkhaʼ* tákanájkooʼ.
38 Nidxúún xa̱bu̱ Egipto índo̱ nigájnún xa̱bu̱ Israel,*numuu rí nimíñúún kuñúún.+
39 Ikhaa nigíʼ mbá du̱u̱n rí mañewu̱u̱n,+
ga̱jma̱a̱ mbá aguʼ rí mambiʼñún dí mbruʼun.+
40 Índo̱ ikhiin ninda̱ʼa̱a̱ xuwiʼ, ikhaa nixniún ñu̱ʼu̱ rami̱xti̱ muphu̱u̱n,+nixnúún má xúʼko̱ mu̱phu̱ ganitsu rí nagajtaa mekhuíí.+
41 Nixpíʼtá itsí ga̱jma̱a̱ nigájnuu iyaʼ+ rí ni̱jkha̱ kúʼwúun náa ku̱ba̱ʼ mijxooʼ*xóo mbá mañu.+
42 Nirmáʼáan a̱jkiu̱u̱n kaʼyoo rí mitsúʼkháan dí nimbánuu ga̱jma̱a̱ʼ Abrahán bi̱ nindxu̱u̱ xa̱bi̱i̱.+
43 Ikhú niguwíin xa̱bu̱ xuajñuu, ra̱ʼkhá tháán edxún índo̱ nigájnún,+niguwíin bi̱ niraʼwíin bi̱ asndu nundxa̱ʼwa̱ rí kúwá gagi.
44 Nixnúún ku̱bu̱únʼ xa̱bu̱ bi̱ kúwá náa i̱ʼwáʼ xuajin,+ikhiin nindrigúu rí eʼwíinʼ xa̱bu̱ xuajin niñajunʼ gakhi̱i̱ mu makánún,+
45 mu munimbáníí kiʼtáñajunʼ ndrígóo+ga̱jma̱a̱ mu munimbu̱u̱n xtángoo ndrígóo.
¡Gu̱ni̱ mba̱a̱la Jeobá!*
Mbaʼa nota
^ O “gajmala”.
^ O “nagui̱i̱”.
^ O mbáa “gu̱tha̱”.
^ Náa ajngáa hebreo naʼthí, “Guʼyáʼ má xúʼko̱ inuu”.
^ O “gaʼyee”, “bi̱ nuthi dí marigá”.
^ Náa ajngáa hebreo naʼthí, “majkúmigu xkuíyóo pan”. Mbáa nandoo gáʼthúu̱n xkuíyá dí nujngrigú ga̱jma̱a̱ pan mu murajxi̱i̱.
^ Náa ajngáa hebreo naʼthí, “Nini̱ ngínáa”.
^ Mbáa nindxu̱ún xa̱bu̱ egipcios.
^ Mbáa nindxu̱u̱ Moisés ga̱jma̱a̱ Aarón.
^ O “bi̱gu̱”.
^ O “tribu”.
^ Náa ajngáa hebreo naʼthí, “ikhiin”.
^ O “desierto”.
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
