Salmos 83:1-18
Ajmúú. Salmo ndrígóo Asaf.+
83 Mbá péñu* Dios, xáraʼwún wíí,+Dios ndrígóʼ, xáguanáaʼ wíyáaʼ raʼkháa i̱ndó natiejxíí.
2 Atiejxi̱ ma̱ta̱ya̱a̱, xa̱bu̱ sia̱nʼ ndrígáaʼ nakiʼníin wéñuuʼ,+bi̱ nawiñu̱u̱nʼ kuyaaʼ nuni̱ mbaʼumíjna̱.
3 Nguʼwáá embánumijná mu muni̱ gínáa xuajñaanʼ,nambánumijná muni̱ ngíníin bi̱ nangajua̱a̱ʼ xtañún.*
4 Ikhiin nuthi: “Guʼgua̱ gúʼni gámbíin mu ní xánindxu̱ún mbá xuajin,+mu xúʼko̱ mbiʼyuu Israel nimbáa xármáʼáan a̱jkiu̱u̱n kaʼyoo”.
5 Mbá kambájxu̱u̱n nuri̱ya̱ʼ awan,*niru̱wa̱míjna̱ muxmijná ga̱jma̱á nindxa̱a̱ʼ+
6 xa̱bu̱* Edom, ismaelitas, moabitas+ ga̱jma̱a̱ xa̱bu̱ hagritas,+
7 Guebal, Ammón+ ga̱jma̱a̱ Amalec,filisteos+ gajmiún xa̱bu̱ Tiro.+
8 Ma̱ngaa mbóó kúwá gajmiún xa̱bu̱ Asiria,+numbañún e̱ji̱i̱n Lot.+ (Sélah).
9 Ataniu̱u̱n xó má nitani̱i̱ Madián,+xó má nitani̱i̱ Sísara ga̱jma̱a̱ Jabín náa mata* Cisón.+
10 Náa En-Dor,+ niguma gámbíin,ikhí niguajti̱ín yuskoo ku̱ba̱ʼ.
11 Xó má nitani̱i̱ Oreb ga̱jma̱a̱ Zeeb,+ xúʼko̱ má gátániu̱u̱n xa̱biu̱ún bi̱ guáʼdáá numún,xúʼko̱ má príncipes ndrígu̱ún xó má nitani̱i̱ Zébah ga̱jma̱a̱ Zalmuná,+
12 numuu rí nithi: “Mundrígúlu ku̱ba̱ʼ náa xtáa Dios”.
13 Dios ndrígóʼ, mbá péñu, ataniu̱u̱n xó má iná tsuwanʼ nijndooʼ,*+xóo iná rí nijndooʼ rí giñánʼ na̱jkha̱ kayóo gi̱i̱ ñuʼún.
14 Xó má aguʼ rí natsikári̱ga̱a̱ xaná,xó má agiuuʼ mbajtsuunʼ dí natsikáa kúbá,+
15 ayuʼ raxkhúún ga̱jma̱a̱ ruʼwambiʼ ndrígáaʼ+atani̱miñúún ga̱jma̱a̱ giñámbiʼ dí natani̱ maxnúu.+
16 Jeobá, atríya̱ʼ majkhún,mú xúʼko̱ mbuñáanʼ ikháán.*
17 Gagajnúu gamajkhún ga̱jma̱a̱ gamiñún asndu kámuu,gatiñu̱u̱nʼ ga̱jma̱a̱ gaguma gámbíin mbá kayuuʼ.
18 Mu xúʼko̱ xa̱bu̱ mbuyáá rí ikháán mbiʼyaaʼ Jeobá,+rí i̱ndó ikháán nindxa̱a̱ʼ bi̱ phú Mba̱a̱ náa xúgíʼ tsu̱du̱u̱ ku̱ba̱ʼ.+
Mbaʼa nota
^ O “Ataniu̱ʼ mbá rí májánʼ”.
^ Náa ajngáa hebreo naʼthí, “bi̱ kúwá ngu̱ʼwa̱”.
^ Náa ajngáa hebreo naʼthí, “Mbóó a̱jkiu̱ún nurajximíjna̱”.
^ Náa ajngáa hebreo naʼthí, “guʼwá xtíin ndrígóo”.
^ O “bóo”.
^ O “mbá iná nijndooʼ dí na̱jkha̱ rambíjxi̱”.
^ Náa ajngáa hebreo naʼthí, “mu xúʼko̱ mbuya̱ʼ mbiʼyaaʼ”.
