Salmos 4:1-8
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David. Mu mi̱ʼni̱ ga̱jma̱a̱ ajua̱nʼ rí gíʼdoo cuérdóo.
4 Dios ndrígóʼ bi̱ naʼni rí jmbu,+ atriʼñuʼ índo̱ nandxa̱ʼwa̱a̱ʼ.
Atríñu̱u̱nʼ náa ma̱ja̱nti̱ga̱ índo̱ xtáá ngíná.
Gaʼni a̱jkia̱a̱nʼ xtayoʼ ga̱jma̱a̱ atadxawíín rí natakáñaaʼ.
2 Xa̱bu̱ numbaaʼ, asndu nguáná guniʼñááʼ ruríya̱ʼ majkhuʼ rá.
Asndu nguáná guniʼñáánʼ raʼndala kuya̱a̱ dí nda̱a̱ rí ejmaa rá. Asndu nguáná guniʼñááʼ ruʼyáʼla dí minduwaʼ rá. (Sélah).
3 Gu̱ya̱a̱ rí Jeobá mbaʼya nga̱jua̱a̱ bi̱ naʼni rí jmbu,Jeobá maʼdxawuun índo̱ ikhúún gandxa̱ʼo̱o̱.
4 Xákiéʼkala índo̱ gákiʼnáaʼla.+
Guta̱la asndu ndiéjunʼ má eyala náa awúu̱n a̱jkia̱la índo̱ jngútámáanʼ náa xie̱wala mú wíí gáʼni. (Sélah).
5 Índo̱ guxnajxí tsigijñaʼ náa Dios guxnajxí ga̱jma̱a̱ xúgíʼ a̱jkia̱lama̱ngaa gakuma̱la kuya̱a̱ Jeobá.+
6 Mbaʼin bi̱ nuthi “tsáá gásngájmulú rí májánʼ rá.”
Jeobá, gaxpíbiri̱ga̱ náa ikháanʼxu̱ agiuuʼ inaaʼ.*+
7 Ra̱ʼkhá tháán mba̱a̱ gagi nitagíwánʼ náa awúu̱n a̱jkiu̱nʼitháán ki xóo bi̱ nagujxi̱i̱ mba̱a̱ tsígáʼ ga̱jma̱a̱ vino nuxi̱ʼ.
8 Mabo̱ʼ ga̱jma̱a̱ tsímáá gígú,+numuu rí i̱ndó ikháán Jeobá natani̱ rí nda̱a̱ dí gágíʼnuʼ maxtáá.+
Mbaʼa nota
^ O “atanduʼwá numuu rí naʼni a̱jkia̱a̱n e̱ni̱xu̱”.
