Salmos 73:1-28
-
Mbáa xa̱bu̱ bi̱ wíji̱ jmbu natanga̱a̱ nambájxu̱u̱ ga̱jma̱a̱ Dios
Salmo ndrígóo Asaf.+
73 Dios ra̱ʼkhá tháán májánʼ a̱jkiu̱u̱n kaʼyoo Israel, xúʼko̱ má bi̱ kaʼwu a̱jkiu̱ún.+
2 Ikhúún ni’gíʼ magajnúri̱yo̱ʼ náa kamba̱a̱ rí májánʼ,ni’gíʼ maxnúʼndiu̱u̱nʼ.+
3 Numuu rí nijkhánú nixígúʼ ka̱ñu̱u̱n bi̱ nuni̱ mbaʼumíjna̱índo̱ ndi̱yo̱o̱ rí tsímáá kúwá xa̱bu̱ xkawi̱i̱nʼ.+
4 Numuu rí tsémíníiʼ índo̱ ekáñúnní ma tséʼniún nandii,+
5 ní ma tséxmiéjuunʼ xóo eʼwíinʼ xa̱bu̱+ní ma na̱nguá emíníiʼ xóo eʼwíinʼ xa̱bu̱.+
6 Ikha jngóo nusngajma pa̱jnu rí nuni̱ mbaʼumíjna̱ xóo mbá cadena rí kra̱ʼngu̱u̱n,+rí xóo nuni̱ ngíníin eʼwíinʼ nindxu̱u̱ asndu xóo xtíin rí kugíʼ.
7 Ra̱ʼkhá tháán mbaʼwi̱i̱n rí asndu gi̱í trámáʼ idún,mbaʼ nújngo̱ó nini̱ rí xóo nigua̱ʼa̱ a̱jkiu̱ún.
8 Nanigu̱u̱nʼ mutsijma ga̱jma̱a̱ nuthi dí ra̱májánʼ,+
ra̱ʼkhá tháán eni̱ mbaʼumíjna̱, nunimiñún eʼwíinʼ dí muni̱ ngíníin.+
9 Ra̱ʼkhá tháán eni̱ mbaʼumíjna̱ rí naku̱mu̱ún dí asndu mekhuíí trámiinʼikha jngóo asndu náá jngruigu̱u̱n ruthi xó má eñún.
10 Ikhaa numuu rúʼko̱, xa̱bu̱ xuajñuu Dios* nagún kidxu̱únʼga̱jma̱a̱ naʼwa̱a̱n iyaʼ dí ra̱ʼkhá tháán mba̱ji̱nʼ dí ikhiin guáʼdáá.
11 Ikhiin nuthi: “Xú káʼnii gándoo gáʼyoo Dios dí xtáa rarígá rá.+
Lá gajkhun ndaʼyoo xúgíʼ rígi̱ bi̱ phú Mba̱a̱ ráʼ.”
12 Xúʼko̱ nindxu̱ún xa̱bu̱ xkawi̱i̱nʼ, xúgíʼ ragákhi̱i̱ eyáá ikhiin.+
Ra̱ʼkhá tháán mbaʼa egimbóó rí muguaʼdáá.+
13 Nakujmaa kaʼwu rí nda̱a̱ má numuu rí maʼni kaʼwu a̱jkiu̱nʼ,ni má rí majñáa ñawúnʼ mu masngajmá dí ragúʼdoo aʼkhúnʼ.+
14 Kañiiʼ mbiʼi naxmiéjunʼ,+mámbá miʼcha̱ i̱ndó namínúuʼ.+
15 Á mu ikhúún ni̱tha̱ xúgíʼ rígi̱,ni̱ni̱ nduwiinʼ xa̱bu̱ xuajñaanʼ.*
16 Índo̱ niniminaʼ mikro̱ʼo̱’,niʼni maxtáá ngíná...,
17 asndu índo̱ nito̱ʼo̱ʼ náa goʼwóo Dios rí kaʼwu ga̱jma̱a̱ mitsaanʼ*ikhú nijkhánú ndi̱yo̱o̱ rí wíji̱ maguáʼníí xa̱bu̱ xkawi̱i̱nʼ.
18 Gajkhun rí ikháán natatsuaju̱u̱n náa maxnúndi̱i̱nʼ.+
Natani̱ rí majnguti̱gi̱i̱n ga̱jma̱a̱ maguma gámbíin.+
19 ¡Mbá na̱cha̱á eguma gámbíin!+
¡Nda̱a̱ tsu̱ma̱ ekháñúún, gamíi xóo eguma gámbíin!
20 Jeobá, ikhiin nindxu̱ún xóo mbá xnuʼndaa rí nimbáa tsérmáʼáan a̱jkiu̱u̱n índo̱ ndajui̱i̱,xúʼko̱ má ikháán mambumaaʼ xtañún* índo̱ gátujxa̱a̱ʼ.
21 Raʼkháa tháán xtáa ngíná a̱jkiu̱nʼ+ga̱jma̱a̱ ra̱ʼkhá tháán e̱ʼkhu̱ náa awúu̱n tso̱jxto̱ʼ.*
22 Ninindxu̱ʼ mbáa xa̱bu̱ bi̱ tséjmaa gándxaʼwáminaʼ ni má tsékro̱ʼo̱o̱ nimbá,náa inaaʼ ikháánʼ ninindxu̱ʼ xóo mbáa xujkhúʼ bi̱ tséndxaʼwamínaʼ.
23 Mú rí xúgi̱ xtáá má xúʼko̱ ga̱jma̱á nindxa̱a̱ʼ,ga̱jma̱a̱ ikháán xtajthuun ñawúnʼ mújúnʼ.+
24 Naraxná ikhoʼ ga̱jma̱a̱ consejo ndrígáaʼ,+ma̱ngaa naʼni a̱jkia̱a̱nʼ xtayoʼ.+
25 Ikhúún nda̱yo̱o̱ rí náa mekhuíí ndawa̱a̱ imba̱a̱ bi̱ itháán gíʼdoo numuu ki xóo ikháán.
Nda̱a̱ i̱mba̱ rí eyoʼ náa tsu̱du̱u̱ ku̱ba̱ʼ á mu xtaa ga̱jma̱á nindxu̱ʼ.+
26 Xuyuʼ ga̱jma̱a̱ a̱jkiu̱nʼ ma̱ndoo makáwabaaʼ,mú Dios nindxu̱u̱ xóo mbá itsí rí ma̱ndoo maku̱mu̱ʼ ka̱yo̱o̱ ga̱jma̱a̱ xúgíʼ a̱jkiu̱nʼ, ikhaa nindxu̱u̱ bi̱ kaʼyoʼ asndu kámuu.+
27 Gajkhun rí makhañún xúgíinʼ bi̱ kúwá mitsínguánʼ náa ikháán.
Matani̱ gámbíin* bi̱ nambumún kuyaaʼ bi̱ tséguájun jmbu náa ikháán.*+
28 Mú ikhúún nda̱yo̱o̱ rí májánʼ nindxu̱u̱ rí maʼgá kanuu náa Dios.+
Nimbáyuminaʼ náa Tátá Jeobá bi̱ itháán Mba̱a̱mu ma̱ta̱ xúgíʼ rí niʼni.+
Mbaʼa nota
^ Náa ajngáa hebreo naʼthí, “xuajñuu”.
^ Náa ajngáa hebreo naʼthí, “bi̱ naguwáʼ náa e̱jña̱a̱ʼ”.
^ O “nagui̱i̱”.
^ Náa ajngáa hebreo naʼthí, “xáʼndaaʼ xtañún”.
^ Náa ajngáa hebreo naʼthí, “riñón ndrígóʼ”.
^ Náa ajngáa hebreo naʼthí, “Matani̱ rí maguanún wíí”.
^ O “xóo eʼni mbáa xa̱bu̱ bi̱ nakudaminaʼ aʼkhá ga̱jma̱a̱ i̱mba̱a̱”.
