Salmos 49:1-20
Rí na̱jkha̱ inuu bi̱ kayá edxu̱u̱ náa ajmúú. Salmo ndrígu̱ún e̱ji̱i̱n Coré.+
49 Gudxawíín rígi̱ xúgiáanʼlá xa̱bu̱ xuajin.
Guxnatíʼñamijná mudxawíín xúgiáanʼ ikháanʼla, bi̱ kuwáanʼ náa numbaaʼ,
2 xó má xúgíinʼ xa̱bu̱,*xó má bi̱ guáʼdáá ga̱jma̱a̱ bi̱ mingíníi.
3 Ma̱ta̱ ga̱jma̱a̱ ku̱ma̱ga̱jma̱a̱ rí nandxaʼwamínáʼ náa a̱jkiu̱nʼ+ masngájma rí nakro̱ʼo̱ʼ.
4 Maxnatíʼñaminaʼ madxawun mbá proverbio,ma̱ta̱ mbá rí gíwánʼ ngu̱ʼwa̱ índo̱ xtáá radu̱u̱ arpa.
5 Xámíñúʼ náa mbiʼi mingíjyúuʼ,+índo̱ xa̱bu̱ bi̱ ra̱míjíinʼ* naruguamu̱ʼu̱u̱n ga̱jma̱a̱ nandún muniu̱ʼ dí ra̱májánʼ.
6 Bi̱ nakumu̱ún kuyáá rí guáʼdáá+ga̱jma̱a̱ nuni̱ mbaʼumíjna̱ rí guáʼdáá wéñuuʼ...,+
7 nimbáa rí ikhiin xándoo maʼni kríya̱a̱ʼ* ndxájuuni má xándoo maxnúu Dios mbá rí ma̱ʼtsi̱ríya̱a̱ʼ ndxájuu+
8 (rí mutsiríya̱a̱ʼ mbáa xa̱bu̱ ra̱ʼkhá tháán minumuurí ndítháan má xáʼngu̱u̱n gúni̱ numáá)
9 mu xúʼko̱ maxtáa asndu kámuu ga̱jma̱a̱ xáʼga̱a̱ náa iñá wajinʼ.+
10 Xa̱bu̱ ndaʼyoo rí asndu bi̱ najmañún nakháñún,bi̱ skágunʼ ga̱jma̱a̱ bi̱ tséndxa̱ʼwa̱a̱ májánʼ edxu̱ún ikháá má ekháñún,+eʼwíinʼ eguanún ga̱jma̱a̱ rí guáʼdáá.+
11 Náa awúu̱n a̱jkiu̱ún nandún rí guʼwún marigá má xúʼko̱, mbajyúuʼ asndu kámuu,guʼwá xtíin ndrígu̱ún nandún dí marigá asndu kámuu.*
Asndu nigiʼma mbiʼñún náa ku̱bu̱únʼ.
12 Maski ajndu xa̱bu̱ mbaʼa gamajkhu rí nagruigú, mú xándoo maxtáa má xúʼko̱,+ikhaa nindxu̱u̱ xó má xujkhúʼ bi̱ nakháñún.+
13 Rígi̱ nindxu̱u̱ kambu̱ún bi̱ skágunʼ+ga̱jma̱a̱ bi̱ nagún kidxúúnʼ, bi̱ nunimbu̱ún ajngún rí nuthi mbá rí nda̱a̱ numuu. (Sélah).
14 Makhañún xóo mugu̱ bi̱ na̱jkha̱ kiʼdiin náa Iñá wajinʼ.*
Rí nakháñulú nindxu̱u̱ xóo baxtúu bi̱ naxná ikha,bi̱ naguajún jmbu mutañajúúnʼ ikhiin índo̱ gájtsi.+
Mbájkhu gámbati̱gi̱i̱n,+guʼwún mani̱ndxu̱u̱ Iñá wajinʼ,+ raʼkháa náa mbá guʼwá ñajunʼ.+
15 Mú Dios maʼni kríñu̱u̱nʼ náa tsiaki̱i̱ ndrígóo* Iñá wajinʼ,*+numuu rí ikhaa gáríñu̱u̱nʼ ikhí. (Sélah).
16 Xáxmiéjuaanʼ* índo̱ xa̱bu̱ na̱jkha̱nú nagiʼdoo wéñuuʼ,ma̱ngaa índo̱ goʼwóo nanindxu̱u̱ itháán májánʼ
17 numuu rí índo̱ nakháñuu, xándoo maguéʼgaa nimbá,+xúgíʼ dí májánʼ xándoo maʼga̱a̱ ga̱jma̱a̱ náa iñá wajinʼ.+
18 Numuu rí índo̱ xtáa ndaʼya ikháá eʼnimbamínáʼ rí xtáa májánʼ.+
(Índo̱ xtaʼdáá xa̱bu̱ nduyamajkuaaʼ).+
19 Mú nda̱wa̱á ma̱ngaa makhañúu xó má wajin xiʼñúuʼ.
Ikhiin ni xátangi̱ín mbuyáá aguʼ.
20 Mbáa xa̱bu̱ bi̱ tsékro̱ʼo̱o̱ rígi̱, maski ajndu mbaʼa gamajkhu rí nagruigú,+ikhaa nindxu̱u̱ xó má xujkhúʼ bi̱ nakháñún.
Mbaʼa nota
^ Náa ajngáa hebreo naʼthí, “xó má e̱jñu̱ún xa̱bu̱ numbaaʼ ga̱jma̱a̱ e̱jñu̱ún xa̱bekha”.
^ Náa ajngáa hebreo naʼthí, “dí nikiéʼkúun”.
^ Náa ajngáa hebreo naʼthí, “ma̱ʼtsi̱ríya̱a̱ʼ”.
^ Náa ajngáa hebreo naʼthí, “náa bi̱ gáguwáʼ rakúwá nda̱wa̱á”.
^ Náa ajngáa hebreo naʼthí, “náa ñawúunʼ”.
^ Náa ajngáa hebreo naʼthí, “Seol”.
^ O “Maxáʼtá a̱jkia̱a̱nʼ”.
