Salmos 16:1-11
Miktam* Salmo ndrígóo David.
16 Atiewu̱nʼ Dios ndrígóʼ, numuu rí náa ikháán nambáyuminaʼ.+
2 Ni̱thu̱u̱n Jeobá: “Ikháán nindxa̱a̱ʼ Jeobá, náa na̱ʼkha̱ xúgíʼ rí májánʼ.
3 Bi̱ nindxu̱ún kaʼwiin bi̱ kúwá náa tsu̱du̱u̱ ku̱ba̱ʼ,bi̱ kaʼñún mudrigú gamajkhu, ra̱ʼkhá tháán eʼni a̱jkiu̱nʼ ka̱ñu̱u̱n”.+
4 Bi̱ nagún kidxúúnʼ dioses bi̱ ragájkhun nuni̱ mbajoo tsingíná ndrígu̱ún.+
Nditháan xáxidíí eʼdi xóo tsigijñaʼ dí nagadirámuuʼ,ni má náa rawuunʼ nditháan xágájnuu mbiʼñún.*+
5 Jeobá naxnúʼ xúgíʼ rí ndayóʼ, ikhaa nindxu̱u̱ bi̱ kaʼyoʼ,+ nindxu̱u̱ copa ndrígóʼ.+
Ikháán natiewa̱a̱n rí kaʼyoʼ magruigúu.
6 Ra̱ʼkhá tháán mitsaanʼ* nindxu̱u̱ náa mbri̱ga̱a̱ nitagiéwan maʼni mbayuʼ.
Gajkhun dí ra̱ʼkhá tháán edxuʼ ga̱jma̱a̱ rí nigruigúu.+
7 Ma̱ni̱ mba̱a̱ Jeobá bi̱ naxnúʼ consejo.+
Asndu dí mbruʼun, rí nandxa̱ʼwa̱mínáʼ* naxprígúʼ.+
8 Jeobá xtáa má xúʼko̱ ga̱jma̱á nindxu̱ʼ.+
Numuu rí ikhaa xtáa náa níjniú mújúnʼ, ikha jngóo nda̱a̱ nimbá rí magíʼnuʼ.+
9 Ikhaa numuu rúʼko̱ jngóo a̱jkiu̱nʼ xtáa gagi ga̱jma̱a̱ ikhúún nadxuʼ wéñuuʼ.
Maxtáá tsímáá nda̱a̱ rí gágíʼnuʼ.
10 Numuu rí xátatsiʼñúʼ náa Iñá wajinʼ.*+
Xátatsiʼñááʼ rí xa̱bia̱a̱ʼ bi̱ naʼni rí jmbu mbaʼyoo iñáʼ.*+
11 Natasngájmuʼ kamba̱a̱ rí maʼga kañún maxtáá.+
Rígá gagi náa xtaa,*+náa ñawún májáanʼ marigá dí tsímáá asndu kámuu.
