Salmos 12:1-8
-
Jeobá natu̱jxu̱u̱ mu mayambáá
-
“Ajngóo Jeobá nindxu̱u̱ kaʼwu” (6)
-
Rí na̱jkha̱ inuu bi̱ kayá edxu̱u̱ náa ajmúú, mu mawáán ga̱jma̱a̱ ajua̱nʼ dí gíʼdoo cuérdóo, seminit.* Salmo ndrígóo David.
12 Atani̱ kríñu̱u̱nʼ Jeobá, numuu rí nánguá xtáa bi̱ naʼni rí jmbu,náa majñu̱únʼ xa̱bu̱ ndawi̱i̱n bi̱ naguájun jmbu.
2 Nuni̱ nduwamijná kaníkiin,nuxnún gamajkhu eʼwíinʼ ga̱jma̱a̱ rí nuthi* mu muni̱ nduwiinʼ.+
3 Jeobá marugoo rawúúnʼ xúgíinʼ bi̱ nuthi ajngáa mitsaanʼ* mu muninduwiinʼ eʼwíinʼ,ma̱ngaa marugoo rawúúnʼ bi̱ nuthi ajngáa rí nuni̱ mbaʼumíjna̱,+
4 bi̱ nuthi: “Maʼngulú muʼdaaʼ ga̱jma̱a̱ rawunlú.
Guʼthá asndu ndiéjunʼ má eyulú,tsáá gáʼtáñajunlú rá.”+
5 “Ga̱jma̱a̱ numuu rí naguma ngíníi xa̱bu̱ bi̱ numíníiʼ,ma̱ngaa numuu rí nutsiná xa̱bu̱ ngíníi,+matujxu̱ʼ ga̱jma̱a̱ mambáñún”, eʼthí Jeobá.
“Ma̱ni̱ káwíin náa bi̱ tsíñún gúñún”.
6 Ajngóo Jeobá nindxu̱u̱ kaʼwu,+nindxu̱u̱ xóo plata rí naguma kaʼwi̱i̱ náa horno rí ku̱ba̱ʼ,* rí niguma kaʼwi̱i̱ mbá juwan nuthu.
7 Jeobá, ikháán matangawiin,+mámbáa gátiewa̱a̱n náa xa̱bu̱ bi̱ kúwá xúgi̱, xúʼko̱ má asndu kámuu.
8 Xa̱bu̱ ra̱míjíinʼ mbaʼ jngrui̱gu̱ún asndu náá,numuu rí e̱jñu̱ún xa̱bu̱ numbaaʼ nuni̱ marigá dí xkawiʼ.+
