Salmos 118:1-29
118 Guxna̱a̱ núma̱aʼ Jeobá numuu rí májánʼ a̱jkiu̱u̱n,+dí nandoo kaʼyulú* ndajyúuʼ asndu kámuu.
2 Rí xúgi̱, xa̱bu̱ xuajin Israel guthi:
“Dí nandoo kaʼyulú ndajyúuʼ asndu kámuu”.
3 Rí xúgi̱, bi̱ naguwáʼ náa Aarón guthi:
“Dí nandoo kaʼyulú ndajyúuʼ asndu kámuu”.
4 Rí xúgi̱, bi̱ namíñúún kuyáá Jeobá guthi:
“Dí nandoo kaʼyulú ndajyúuʼ asndu kámuu”.
5 Índo̱ nixtáá ngíná nindxa̱ʼo̱o̱ Jeobá,*Jeobá niriʼñunʼ ga̱jma̱a̱ ni̱jkha̱ kañún náa nda̱a̱ rí gágíʼnuʼ.+
6 Jeobá xtáa ga̱jma̱á nindxu̱ʼ, xámíñúʼ.+
Ndiéjunʼ lá gándoo maʼniuʼ mbáa xa̱bu̱ú rá.+
7 Jeobá xtáa ga̱jma̱á nindxu̱ʼ, ikhaa nindxu̱u̱ bi̱ nambáyúʼ,*+ikhúún mba̱ñu̱u̱n xa̱bu̱ bi̱ nawiñu̱u̱nʼ kuyoʼ rí táʼngu̱u̱n gúdaaʼ.+
8 Itháán májánʼ rí matambáyuminaʼ náa Jeobáki xóo náa xa̱bu̱ numbaaʼ.+
9 Itháán májánʼ rí matambáyuminaʼ náa Jeobáki xóo náa príncipes.+
10 Mbá xúgíinʼ xa̱bu̱ bi̱ kúwá náa i̱ʼwáʼ xuajin niruguamu̱ʼu̱u̱n,mú ga̱jma̱a̱ tsiaki̱i̱ rí gíʼdoo mbiʼyuu Jeobánigúun skidiʼ.+
11 Niruguamu̱ʼu̱u̱n, gajkhun dí niruguamu̱ʼu̱u̱n mbá kayuuʼ,mú ga̱jma̱a̱ tsiaki̱i̱ dí gíʼdoo mbiʼyuu Jeobánigúun skidiʼ.
12 Niruguamu̱ʼu̱u̱n xóo eni̱ a̱ʼma,mú mbá nacha̱ niguma gámbíin xóo índo̱ aguʼ tséjyúuʼ juíyúuʼ índo̱ nakha tsuwanʼ.
Mú ga̱jma̱a̱ tsiaki̱i̱ dí gíʼdoo mbiʼyuu Jeobánigúun skidiʼ.+
13 Gakhi̱i̱ nirmajngu̱u̱n’* mu maxpátri̱gu̱u̱n,mú Jeobá nimbáyuʼ.
14 Jeobá* nindxu̱u̱ tsiaki̱i̱ ndrígóʼ ga̱jma̱a̱ náa nambáyuminaʼ,ikhaa ni̱jkha̱nú ninindxu̱u̱ bi̱ naʼni kríñu̱u̱nʼ.+
15 Aʼwá gagi ga̱jma̱a̱ aʼwá rí niʼngu̱u̱n nidaaʼnawáán náa guʼwá xtíin ndrígu̱ún xa̱bu̱ míjíinʼ.
Ñawún mújúunʼ Jeobá ra̱ʼkhá tháán gíʼdoo tsiaki̱i̱.+
16 Ñawún mújúunʼ Jeobá frígu rijma̱a̱ numuu rí niʼngo̱o̱ nidaaʼ,ñawún mújúunʼ Jeobá ra̱ʼkhá tháán gíʼdoo tsiaki̱i̱.+
17 Ikhúún xákháñúʼ, maxtáá má xúʼko̱,mu xúʼko̱ ma̱ndoo ma̱ta̱ rí niʼni Jeobá.*+
18 Jeobá* gakhi̱i̱ nixprígúʼ,+mú tániñuuʼ makhañúʼ.+
19 Gurmbáʼtáá xkrugua náa natu̱ʼu̱u̱n xa̱bu̱ míjíinʼ,+ikhí mato̱ʼo̱ʼ mu ma̱ni̱ mba̱a̱ Jeobá.*
20 Rígi̱ nindxu̱u̱ xkrugoo Jeobá.
Ikhí matu̱ʼu̱u̱n xa̱bu̱ míjíinʼ.+
21 Ma̱ni̱ mba̱a̱n numuu rí nitriʼñuʼ+ga̱jma̱a̱ ni̱dxu̱ʼnú ninindxa̱a̱ʼ bi̱ naʼni kríñu̱u̱nʼ.
22 Itsí rí táʼndún gájmúún bi̱ nuni̱ guʼwá,ikhaa rúʼko̱ ni̱jkha̱nú ninindxu̱u̱ itsí rí itháan gíʼdoo numuu.+
23 Rígi̱ ni̱ʼkha̱ náa Jeobá,+ga̱jma̱a̱ ikháanʼ nduʼyáá rí mitsaanʼ* nindxu̱u̱.+
24 Mbiʼi rígi̱, rí Jeobá nigíʼ,mu makuwáanʼlu gagi ga̱jma̱a̱ tsímáá.
25 ¡Jeobá, mbá péñu* nutakáñaanʼxu̱ rí matani̱ káwáanʼxu̱!
¡Mbá péñu Jeobá, atani̱ rí maʼngu̱xu̱ mudaaʼ!
26 Gaguma tsajkurámaaʼ bi̱ na̱ʼkha̱ ga̱jma̱a̱ mbiʼyuu Jeobá,+ikháanʼxu̱ mu̱ni̱ tsajkurámáanʼla asndu náa goʼwóo Jeobá.
27 Jeobá nindxu̱u̱ Dios ndrígúlú,ikhaa naxnúlú aguʼ.+
Mbiʼi rí nagumariya̱a̱ʼ ndxa̱a̱, gudala ñawúunʼ ixi̱,guʼgua ragúunʼ má xúʼko̱+ asndu náa nakarámáʼ tsigijñaʼ.+
28 Ikháán nindxa̱a̱ʼ Dios ndrígóʼ ga̱jma̱a̱ ikhúún maxna̱a̱ʼ gamajkhu,Dios ndrígóʼ, ma̱ni̱ mba̱a̱n.+
29 Guxna̱a̱ núma̱aʼ Jeobá+ numuu rí májánʼ a̱jkiu̱u̱n,dí nandoo kaʼyulú ndajyúuʼ asndu kámuu.+
Mbaʼa nota
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O mbáa “xtáa mbóó gajmíi̱n bi̱ numbayúʼ”.
^ O mbáa “nitarmajngu̱u̱nʼ”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “nagui̱i̱”.
^ O “atani̱ mbá rí májánʼ”.
