Salmos 37:1-40
-
Makuwá májánʼ bi̱ nakumu̱ún kuyáá Jeobá
Salmo ndrígóo David.
א [álef]
37 Xákásnga̱ña̱a̱ʼ gúni̱ xa̱bu̱ ra̱míjíinʼni má xáxíguáaʼ xtañún bi̱ nuni̱ dí ra̱májánʼ.+
2 Majnduxtíin mbá nacha̱ xóo iná,+xóo iná maxaʼ dí ruduʼ, mujnduwiinʼ.
ב [bet]
3 Gakuma̱a̱ʼ xtayáá Jeobá ga̱jma̱a̱ atani̱ dí májánʼ,+araxtaa tsímáá náa tsu̱du̱u̱ ku̱ba̱ʼ ga̱jma̱a̱ atani̱ dí jmbu.+
4 Gaʼdxaaʼ ga̱jma̱a̱ numuu Jeobá,ga̱jma̱a̱ ikhaa maxnáaʼ rí nandoo a̱jkia̱a̱nʼ.
ג [guímel]
5 Atatsíñáánʼ kamba̱a̱ʼ náa ñawúunʼ* Jeobá,+gakuma̱a̱ʼ xtayáá, ga̱jma̱a̱ ikhaa mambáyáaʼ.+
6 Rí natani̱ xó má kaʼyoo mambiʼi xóo índo̱ najtsiri̱ga̱ga̱jma̱a̱ májánʼ dí natani̱ maʼni dí mambiʼi xóo nambiʼii a̱jkha̱ʼ dí ta̱pha̱ mbiʼi.
ד [dálet]
7 Gáʼngo̱o̱ a̱jkia̱a̱nʼ maraʼti̱i̱n Jeobá,+araʼthi̱i̱n ga̱jma̱a̱ gagi.
Xákásnga̱ña̱a̱ʼ gáʼni xa̱bu̱bi̱ nagájnuu májánʼ awan rí naríyaʼ maʼni dí ra̱májánʼ.+
ה [he]
8 Atatsíñáánʼ dí najmangua̱a̱ʼ ga̱jma̱a̱ rí nakiʼnáá,+xákásnga̱ña̱a̱ʼ, raʼkháa gáʼni dí matani̱ mbá dí ra̱májánʼ.*
9 Numuu dí xa̱bu̱ ra̱míjíinʼ maguma gámbíin,+mú bi̱ naguáʼthi̱i̱n Jeobá makána̱án ku̱ba̱ʼ.+
ו [waw]
10 Gítháán má tígo̱o̱ dí xa̱bu̱ ra̱míjíinʼ ní xákúwá,+ikháán matiejxi̱ náa nikúwámú ní xátañu̱u̱n ikhí.+
11 Xa̱bu̱ guabiinʼ makána̱án ku̱ba̱ʼ+ga̱jma̱a̱ ra̱ʼkhá tháán tsímáá gákuwá.+
ז [zayin]
12 Xa̱bu̱ ra̱míjíinʼ nuri̱ya̱ʼ awan muniu̱u̱n dí raʼkhí bi̱ míjíinʼ,+naʼpuduun iñúúnʼ índo̱ nduñún.
13 Mú Jeobá manduʼwájmiin xa̱bu̱ ra̱míjíinʼ,numuu rí ndaʼyoo dí maʼga̱nú mbiʼi rí makhañún.+
ח [jet]
14 Xa̱bu̱ ra̱míjíinʼ nurawíi espada ndrígu̱únga̱jma̱a̱ nuxumáán* xkamídún mu muradíin bi̱ ngíníi ga̱jma̱a̱ bi̱ tséjmiin gúmbayímijná,mu muradíin bi̱ jngruigu̱u̱n náa kamba̱a̱ dí jmbu.
15 Mú espada ndrígu̱ún má gáfraʼa jngaa náa a̱jkiu̱ún,+xkamídún mamigajngaa.
ט [tet]
16 Itháan májánʼ dí gíʼdoo xa̱bu̱ májáanʼ maski má nguéjma̱ki xóo mbaʼa dí guáʼdáá xa̱bu̱ ra̱míjíinʼ.+
17 Numuu dí ñawúúnʼ xa̱bu̱ ra̱míjíinʼ majmigu,mú Jeobá mambáyúu bi̱ naʼni rí májánʼ.
י [yod]
18 Jeobá ndaʼyoo xúgíʼ dí naguáʼníí* bi̱ nda̱a̱ aʼkhúún,ga̱jma̱a̱ dí mudrigúu ikhiin marigá asndu kámuu.+
19 Xágájnuu gamajkhún mbiʼi dí gárígá gamiéjunʼ,mbiʼi dí gáʼni ewiʼ, ikhiin maguaʼdáá wéñuuʼ.
כ [kaf]
20 Mú xa̱bu̱ ra̱míjíinʼ maʼga̱nú mbiʼi rí makhañún,+xa̱bu̱ sia̱nʼ ndrígóo Jeobá mambíin xóo námbáa ra̱jxa̱ dí mitsaanʼ,*xóo gúní dí námbári̱ga̱a̱.
ל [lámed]
21 Xa̱bu̱ ra̱májáanʼ natíʼñuu, mú tséntanga̱a̱ rí natíʼñuu,mú bi̱ májáanʼ naxná ga̱jma̱a̱ xúgíʼ a̱jkiu̱u̱n.+
22 Bi̱ Dios naʼni tsajkurámiinʼ makána̱án ku̱ba̱ʼ,mú bi̱ ikhaa naʼtátsríguíin maguma gámbíin.+
מ [mem]
23 Índo̱ Jeobá nanigu̱u̱ʼ xóo jngrui̱go̱o̱ mbáa xa̱bu̱,+naxnúu ikha náa maʼga.+
24 Maski ajndu maxpátri̱ga̱a̱, xámbáti̱go̱o̱ mbayííʼ,+numuu dí Jeobá kuajthun ñawúunʼ.+
נ [nun]
25 Ninindxu̱ʼ dxámá ga̱jma̱a̱ dí xúgi̱ nikiu̱u̱n má,mú nditháan táyóo dí niniña̱a̱nʼ mbáa xa̱bu̱ májáanʼ+ni má dí e̱ji̱i̱n nunda̱ʼa̱ ganitsu.+
26 Ikhaa naxnátíʼña má xúʼko̱ ga̱jma̱a̱ xúgíʼ a̱jkiu̱u̱n,+ga̱jma̱a̱ e̱ji̱i̱n maguma tsajkurámiinʼ.
ס [sámekh]
27 Atani̱ tsíngumínáʼ náa dí ra̱májánʼ, atani̱ dí májánʼ,+mu xúʼko̱ maraxtaa kámuu.
28 Numuu dí Jeobá nanigu̱u̱ʼ índo̱ naguma dí májánʼga̱jma̱a̱ xániñúúnʼ bi̱ naguájun jmbu náa ikhaa.+
ע [ayin]
Ikhiin mixtiewu̱u̱n má xúʼko̱,+mú e̱jñu̱ún xa̱bu̱ ra̱míjíinʼ maguma gámbíin.+
29 Xa̱bu̱ míjíinʼ makána̱án ku̱ba̱ʼ+ga̱jma̱a̱ makuwá kámuu ikhí.+
פ [pe]
30 Náa rawuunʼ xa̱bu̱ májáanʼ nagájnuu dí najmañuu*ga̱jma̱a̱ naʼthí rí maguma dí májánʼ.+
31 Náa a̱jkiu̱u̱n gíwánʼ xtángoo ndrígóo Dios,+índo̱ na̱jkha̱ tsémíñuu dí maxpátri̱ga̱a̱.+
צ [sadé]
32 Bi̱ ra̱májáanʼ nayamaa bi̱ májáanʼga̱jma̱a̱ nagíʼ maxíyáa,
33 mú Jeobá xániñuuʼ náa ñawúunʼ+ni má xáʼthí dí gíʼdoo aʼkhúun índo̱ gámbánúu numuu.+
ק [qof]
34 Araʼti̱i̱n náa Jeobá ga̱jma̱a̱ xúgíʼ a̱jkia̱a̱nʼ, ayuʼ náa kambo̱o̱,ikhaa maʼni dí matrigú gamajkhu mu makhánáaʼ ku̱ba̱ʼ.
Ikháán ma̱ta̱ya̱a̱ índo̱ gáguma gámbíin xa̱bu̱ ra̱míjíinʼ.+
ר [resh]
35 Ndi̱yo̱o̱ xa̱bu̱ xkawi̱i̱ʼ ga̱jma̱a̱ ra̱májáanʼnaʼni xóo eʼni ixi̱ mba̱a̱ dí maxaʼ dí narugoo náa xúgíʼ mbayuuʼ.+
36 Mú mbá nacha̱ nindáti̱ga̱a̱ ga̱jma̱a̱ ni ndáwa̱a̱ ikhí,+ndiʼyáaʼ, mú nánguá nixka̱ma̱a̱.+
ש [shin]
37 Atayáá májánʼ xóo eʼni mbáa xa̱bu̱ bi̱ ragíʼdoo aʼkhúun,atiejxi̱i̱ má xúʼko̱ bi̱ naʼni dí májánʼ,+numuu dí xa̱bu̱ buʼko̱ maxtáa tsímáá nda̱wa̱á.+
38 Mú xúgíinʼ xa̱bu̱ aʼkhá maguma gámbíin,xa̱bu̱ ra̱míjíinʼ nda̱a̱ dí guáʼti̱i̱n mundrígúu.+
ת [taw]
39 Dí maguma káwíin bi̱ nuni̱ dí májánʼ na̱ʼkha̱ náa Jeobá,+náa ikhaa nuni̱ kawúmíjná* índo̱ narígá gamiéjunʼ.+
40 Jeobá mambáñún ga̱jma̱a̱ maʼni káwíin.+
Maʼni káwíin náa xa̱bu̱ ra̱míjíinʼ ga̱jma̱a̱ mambáñún,numuu dí numbayúmíjná náa ikhaa.+
Mbaʼa nota
^ Náa ajngáa hebreo naʼthí, “Atarmbíjxi̱ kamba̱a̱ʼ náa”.
^ O mbáa “xákásnga̱ña̱a̱ʼ numuu dí rúʼko̱ i̱ndó naʼni dí marigá dí raʼkhí”.
^ O “nuxuda̱a̱ʼ cuérdóo”.
^ Náa ajngáa hebreo naʼthí, “naninuuʼ mbiʼi ndrígu̱ún”.
^ O “nagui̱i̱”.
^ O “naʼthí mañúú dí najmañuu”.
^ Xóo muʼthá, mbá castillo, o mbá xuajin dí kúgumaʼá.
