Salmos 36:1-12
Dí na̱jkha̱ inuu bi̱ kayá edxu̱u̱ náa ajmúú. Salmo ndrígóo David, xa̱bi̱i̱ Jeobá.
36 Aʼkhá nandxa̱ʼóo asndu náa a̱jkiu̱u̱n xa̱bu̱ ra̱májáanʼ,ikhaa tsémíñuu kaʼyoo Dios.+
2 Numuu rí ikhaa naku̱mu̱u̱ dí ra̱ʼkhá tháán gíʼdoo numuudí asndu tséʼyoo rí nakiéʼkúun ni má tséwi̱yu̱u̱ʼ eʼni.+
3 Ajngáa rí nagájnuu náa rawuunʼ naʼni gawúúnʼ eʼwíinʼ ga̱jma̱a̱ minduwaʼ nindxu̱u̱,tséjmañuu maʼni rí májánʼ.
4 Asndu náa xia̱wuu kaʼmáaʼ randxaʼwáminaʼ maʼni dí ra̱májánʼ.
Na̱jkha̱ má xúʼko̱ náa mbá kamba̱a̱ dí raʼkhí,tséwi̱yu̱u̱ʼ dí xkawiʼ.
5 Jeobá, ngajua rí tsétumuu* dí xtaʼdáá na̱jkha̱núu asndu náa mekhu,+rí májánʼ a̱jkia̱a̱nʼ natambáñúún xa̱bia̱a̱ʼ, na̱jkha̱núu asndu náa du̱u̱n.
6 Rí natani̱ xó má kaʼyoo nindxu̱u̱ xó mbá kúbá mitsaanʼ,*+kiʼtáñajunʼ ndrígáaʼ nindxu̱u̱ xóo iyaʼ dí ra̱ʼkhá tháán mba̱a̱ ga̱jma̱a̱ mi̱jnu̱ʼ.+
Jeobá, ikháán naraxnún rí nda̱ñúunʼ xa̱bu̱ ga̱jma̱a̱ xujkhúʼ mu ma̱ndoo makuwá.+
7 Dios ndrígóʼ ¡ra̱ʼkhá tháán mitsaanʼ nindxu̱u̱ ngajua rí tsétumuu rí xtaʼdáá!+
Náa ndájkhoo xpíjpiáaʼ numbayúmíjná xa̱bu̱ numbaaʼ.+
8 Naʼwa̱a̱n asndu nagiʼmún xúgíʼ dí májánʼ* rígá náa guʼwáaʼ,+naraxnún xúgíʼ enii dí májánʼ ga̱jma̱a̱ natani̱ dí muwa̱a̱n iyaʼ náa mañu dí na̱jkha̱ mba̱ji̱nʼ iyaʼ.+
9 Náá ikháán na̱ʼkha̱ rí ndaʼya,+núma̱aʼ má ga̱jma̱a̱ numuu agiaaʼ nandoo ndu̱ya̱a̱xu̱ aguʼ.+
10 Atasngájmúún má xúʼko̱ ngajua rí tsétumuu bi̱ nuniʼnííʼ+ga̱jma̱a̱ atanimbáníí xó má kaʼyoo numún xa̱bu̱ bi̱ májáanʼ a̱jkiu̱ún.+
11 Xátatsiʼñááʼ dí xa̱bu̱ bi̱ naʼnimbamínáʼ maʼni ngínúnni má xátatsiʼñáanʼ dí xa̱bu̱ ra̱májáanʼ maxkriñu̱u̱nʼ.
12 A̱ʼkhu̱ kuíji̱i̱n bi̱ nuni̱ dí ra̱májánʼ,nisnguti̱gi̱i̱n mbayííʼ ga̱jma̱a̱ nánguá eʼngu̱u̱n gátujxi̱ín.+
