Salmos 55:1-23
Rí na̱jkha̱ inuu bi̱ kayá edxu̱u̱ náa ajmúú. Mu mi̱ʼni̱ ga̱jma̱a̱ ajua̱nʼ dí gíʼdoo cuérdóo. Maskil. Salmo ndrígóo David.
55 Dios ndrígóʼ, atadxawíín rí natajkháan,+xátani̱ gaʼduunʼ matadxawíín rí natakháñaaʼ índo̱ na̱nda̱ʼa̱a̱ʼ rí magáwíinʼ a̱jkia̱a̱nʼ xtayoʼ.+
2 Atagíʼ edxa̱a̱ʼ matadxawunʼ ga̱jma̱a̱ atriʼñuʼ.+
Na̱nguá xtáá tsímáá numuu rí najmúʼ,+ra̱ʼkhá tháán ngíná xtáá
3 ga̱jma̱a̱ numuu rí naʼthí xa̱bu̱ sia̱nʼma̱ngaa rí nuni̱ ngínún xa̱bu̱ ra̱míjíinʼ.
Numuu rí nuni̱ magúʼdoo xkujnduga̱jma̱a̱ asndu nakásngañu̱únʼ rí nawiñu̱u̱nʼ kuyoʼ.+
4 A̱jkiu̱nʼ ra̱ʼkhá tháán ngíná xtáa+ga̱jma̱a̱ namíñúʼ rí makhañúʼ.+
5 Asndu naguʼwún rí namíñúʼ,ga̱jma̱a̱ asndu naʼdurigu̱u̱n.
6 Nángí eʼni e̱tha̱: “¡Májánʼ gaʼni á mu gúʼdoo xpíjpiúʼ xóo mbáa paloma!
Magajnúʼ maʼgá rijma̱a̱ ga̱jma̱a̱ nda̱a̱ gamíi gáxtáá.
7 ¡Atayáá! Magajnúʼ maʼgá mitsínguánʼ+
maguanúʼ náa ku̱ba̱ʼ mijxooʼ.*+ (Sélah).
8 Maʼgá ragayúʼ náa mambáyuminaʼ,ma̱ni̱ tsíngumínáʼ náa rígá xkujndu rí nindxu̱u̱ xóo giñámbiʼ”.
9 Jeobá, atani̱ jnga̱wi̱i̱n ga̱jma̱a̱ xagájnuu májánʼ awan* ndrígu̱ún,+numuu rí ndi̱yo̱o̱ rí nagiʼdu̱u̱n xa̱bu̱ ga̱jma̱a̱ rígá xkujndu náa xuajin.
10 Mbiʼi mbruʼun jngruámúúnʼ náa tsu̱du̱u̱ xtájtsí ndrígu̱ún,mú náa awúu̱n rígá dí ra̱májánʼ ga̱jma̱a̱ gaʼkhu.+
11 Náa awúu̱n xuajin rúʼko̱ rígá dí naguma gámbáa,náa xuáá ndrígóo xa̱bu̱ naguma ngíníin ga̱jma̱a̱ naguma nduwiinʼ.+
12 Numuu rí bi̱ naʼthá wéñuuʼ na̱nguá nindxu̱u̱ mbáa bi̱ sia̱nʼ.+Á mu nindxu̱u̱ mbáa xa̱bu̱ sia̱nʼ, maʼngo̱ʼ rí naʼthá wéñuuʼ.
Na̱nguá nindxu̱u̱ mbáa bi̱ nakiʼnáa kaʼyoʼ, bi̱ nitu̱jxu̱u̱ maxmína̱ʼ ga̱jmu̱ʼ.Á mu nindxu̱u̱ bi̱ nakiʼnáa kaʼyoʼ, ikhúún mbaʼyóoʼ markaʼwuminaʼ náa inuu.
13 Mú ikháán nindxa̱a̱ʼ mbáa xa̱bu̱ xó má ikhúún,+mbáa bi̱ nambájxu̱ʼ ga̱jmu̱ʼ, bi̱ naniʼníiʼ májánʼ.+
14 Nimbájxu̱xu̱ májánʼ,naguʼwunxu natu̱ʼu̱xu náa goʼwóo Dios gajmiúxu mbaʼin xa̱bu̱.
15 ¡Nda̱a̱ tsu̱ma̱ gáguma gámbíin!+
Asndu nduya gájngún náa Iñá wajinʼ,*numuu dí ra̱májánʼ rígá náa majñu̱únʼ ikhiin ga̱jma̱a̱ náa awúu̱n a̱jkiu̱ún.
16 Mú ikhúún mandxa̱ʼo̱o̱ Dios,ga̱jma̱a̱ Jeobá maʼni kríñu̱u̱nʼ.+
17 Dí mbruʼun, miʼcha̱ ga̱jma̱a̱ rí ta̱pha̱ mbiʼi i̱ndó naxmiéjúnʼ ga̱jma̱a̱ naguwanʼ+ma̱ngaa Dios naʼdxuun aʼwóʼ.+
18 Ikhaa maʼni rí maxtáá tsímáá índo̱ maʼni kríñu̱u̱nʼ náa inún bi̱ naguwáʼ muxmijná ga̱jma̱á nindxu̱ʼ,numuu rí mbaʼin naguwáʼ muxmijná ga̱jma̱á nindxu̱ʼ.+
19 Dios maʼdxawuun ga̱jma̱a̱ maʼni rí mumíniiʼ,+bi̱ gíʼ náa xíliu̱u̱* dí naʼtáñajunʼ asndu nákha wajyúuʼ.+ (Sélah).
Ikhiin xáʼndúún gúriʼkumijnáa,bi̱ nditháan má támiñún kuyáá Dios.+
20 Bi̱ nambájxu̱ʼ ga̱jmu̱ʼ* niʼniún dí raʼkhí bi̱ nambájxu̱u̱ gajmíi̱n,+táʼnimbánuu rí nikudaminaʼ maʼni.+
21 Ajngóo nindxu̱u̱ itháán wabaʼ ki xóo mantequilla,+mú náa a̱jkiu̱u̱n nagua̱ʼa̱ rí maxmína̱ʼ.
Ajngóo nindxu̱u̱ itháán wabaʼ ki xóo aceite,mú nindxu̱u̱ xóo espada rí mixíníʼ.+
22 Atatsíñááʼ náa Jeobá dí ki̱wu̱n xta+ga̱jma̱a̱ ikhaa gámbáyáaʼ.+
Nditháan xániñuuʼ dí maxpátriga̱a̱ʼ xa̱bu̱ jmbii.+
23 Mú ikháán Dios ndrígóʼ, matani̱ rí ikhiin majngún náa iñáʼ rí itháán mi̱jnu̱ʼ.+
Bi̱ niradíin xa̱bu̱ ga̱jma̱a̱ nininduwaʼ, tikhu xa̱bu̱ú gákháñún.+
Mú ikhúún, maku̱mu̱ʼ ka̱ya̱a̱ʼ.
Mbaʼa nota
^ O “desierto”.
^ Náa ajngáa hebreo naʼthí, “ataruiʼtha̱a̱ raju̱u̱n”.
^ O “trono ndrígóo”.
^ Xóo muʼthá, bi̱ nimbájxu̱u̱ ga̱jma̱a̱ nákha ginii, bi̱ naʼthí náa versículo 13 ga̱jma̱a̱ 14.
