Salmos 25:1-22
Salmo ndrígóo David.
א [álef]
25 Jeobá natakháñaaʼ, náa ikháán exnajxíminaʼ.
ב [bet]
2 Dios ndrígóʼ, naku̱mu̱ʼ ka̱ya̱a̱ʼ ikháán.+Xátatsiʼñááʼ rí maguma majtiu̱u̱nʼ.+
Xátatsiʼñááʼ rí xa̱bu̱ sia̱nʼ maʼdxúún ga̱jma̱a̱ rí nagíʼnuʼ.+
ג [guímel]
3 Gajkhun rí xáguma majti̱i̱nʼ bi̱ naku̱mu̱ún kuyaaʼ ikháán,+mú bi̱ nuniu̱u̱n dí ra̱májánʼ eʼwíinʼ rí asndu nda̱a̱ mbá numuu, ma̱jti̱ʼ nindxu̱u̱ rí guáʼthi̱i̱n.+
ד [dálet]
4 Atatsíñúʼ maniʼnúuʼ kamba̱a̱ʼ Jeobá,+arasngóʼ xóo maʼgá náa kamba̱a̱ʼ.+
ה [he]
5 Atani̱ rí majngruigo̱ʼ náa ikha ndrígáaʼ rí nindxu̱u̱ gajkhun ga̱jma̱a̱ arasngóʼ,+numuu rí ikháán nindxa̱a̱ʼ Dios ndrígóʼ bi̱ naʼni kríñu̱u̱nʼ.
ו [waw]
Xúgíʼ mbiʼi naku̱mu̱ʼ kayaaʼ ikháán.
ז [zayin]
6 Jeobá garmáʼáan a̱jkia̱a̱nʼ rí ikháán nindxa̱a̱ʼ mbáa Dios bi̱ nagáwíinʼ a̱jkiu̱u̱n,+ga̱jma̱a̱ natasngájmún ngajua rí tsétumuu* xa̱bia̱a̱ʼ.+
ח [jet]
7 Xármáʼáan a̱jkia̱a̱nʼ aʼkhá rí nikuʼdáminaʼ nákha dxámá nindxu̱ʼ ni má rí nikiéʼkunʼ.
Ga̱jma̱a̱ numuu ngajua rí tsétumuu rí xtaʼdáá garmáʼáan a̱jkia̱a̱nʼ eni̱,+numuu rí ikháán májáanʼ a̱jkia̱a̱nʼ Jeobá.+
ט [tet]
8 Jeobá nindxu̱u̱ májáanʼ ga̱jma̱a̱ naʼni rí jmbu.+
Ikha jngóo naʼsngúún xa̱bu̱ aʼkhá náa biʼyaa kamba̱a̱ gíʼmaa magún.+
י [yod]
9 Ikhaa maxnún ikha xa̱bu̱ guabiinʼ mu muni̱ rí nindxu̱u̱ jmbu,*+xa̱bu̱ guabiinʼ nasngájmúún kambo̱o̱.+
כ [kaf]
10 Xúgíʼ náa kambo̱o̱ Jeobá rígá ngajua rí tsétumuu ga̱jma̱a̱ rí jmbumu makánún bi̱ nunimbu̱ún rí nimbánuu+ ga̱jma̱a̱ kiʼtáñajunʼ ndrígóo.+
ל [lámed]
11 Ga̱jma̱a̱ numuu mbiʼyaaʼ, Jeobá,+atani̱ mba̱a̱ a̱jkia̱a̱nʼ xtayáá dí nikiéʼkunʼ maski má mba̱a̱ nindxu̱u̱.
מ [mem]
12 Á mu mbáa xa̱bu̱ namíñuu kaʼyoo Jeobá,+
ikhaa masngájmuu kamba̱a̱ rí mbaʼyóoʼ maraʼwíí maʼga.+
נ [nun]
13 Ikhaa maʼni gagimina̱ʼ ga̱jma̱a̱ xúgíʼ rí májánʼ+ga̱jma̱a̱ e̱ji̱i̱n mundrígúu ku̱ba̱ʼ.+
ס [sámekh]
14 Bi̱ nambájxu̱u̱n májánʼ gajmiún Jeobá ni̱ndxu̱ún bi̱ namíñúún kuyáá,+ikhaa naʼsngúún ga̱jma̱a̱ numuu rí nimbánuu.+
ע [ayin]
15 Wíji̱ má xúʼko̱ iduʼ náa Jeobá+numuu rí ikhaa gámbríya̱a̱ʼ amaʼ náa rajkúʼ.+
פ [pe]
16 Atangáán atiejxu̱ʼ ga̱jma̱a̱ gaʼni a̱jkia̱a̱nʼ xtayoʼ,numuu rí mbáwún xtáá ga̱jma̱a̱ namínúuʼ.
צ [sadé]
17 Nimi̱dxu̱u̱ niʼni mbaʼa gajmá náa awúu̱n a̱jkiu̱nʼ,+atani̱ kríñu̱u̱nʼ náa awúu̱n gajmá rígi̱.
ר [resh]
18 Atayáá xóo emínuuʼ ga̱jma̱a̱ gamiéjunʼ dí naraʼnuu,+ma̱ngaa atani̱ mba̱a̱ a̱jkia̱a̱nʼ xtayáá xúgíʼ aʼkhá rí nikuʼdáminaʼ.+
19 Atayáá, ra̱ʼkhá tháán mbaʼin bi̱ nawiñu̱u̱nʼ kuyoʼra̱ʼkhá tháán kásngañu̱únʼ eni̱ rí asndu nandún muxnuʼ.
ש [shin]
20 Atiéjxi̱ nga̱jua̱a̱ vida ndrígóʼ ga̱jma̱a̱ atani̱ kríñu̱u̱nʼ.+
Xátatsiʼñáanʼ rí maguma májtiu̱u̱nʼ numuu rí náa ikháán nimbáyuminaʼ.
ת [taw]
21 Magúʼthu̱u̱n rí maxtiewu̱nʼ numuu rí kájxi̱ a̱jkiu̱nʼ eni̱ náa ikháán,+ga̱jma̱a̱ na̱ni̱ rí májánʼ numuu rí ikháán ku̱mu̱ʼ ka̱ya̱a̱ʼ.+
22 Dios ndrígóʼ, atani̱ kríya̱a̱ʼ Israel náa xúgíʼ rí xtáa ramínúuʼ.
Mbaʼa nota
^ Náa ajngáa hebreo naʼthí, “náa mixtanda̱ʼa̱a̱ cuenta”.
