Salmos 135:1-21
135 ¡Gu̱ni̱ mba̱a̱la Jeobá!*
Gu̱ni̱ mba̱a̱la mbiʼyuu Jeobá,ikháanʼla xa̱bi̱i̱ Jeobá, gu̱ni̱ mba̱a̱la ikhaa,+
2 ikháanʼla bi̱ nuñajunʼ* náa goʼwóo Jeobá,náa rexo̱o̱ goʼwóo Dios ndrígúlú.+
3 Gu̱ni̱ mba̱a̱la Jeobá,* numuu rí Jeobá májánʼ a̱jkiu̱u̱n.+
Gu̱ni̱ ajmúú* mu muni̱ mba̱a̱ mbiʼyuu, numuu rí mitsaanʼ* nindxu̱u̱.
4 Jeobá niraʼwíi Jacob mu mani̱ndxu̱u̱ xa̱bi̱i̱,niraʼwíí Israel mu mani̱ndxu̱u̱ xuajñuu rí kiejuunʼ.+
5 Ikhúún nda̱yo̱o̱ májánʼ rí Jeobá nindxu̱u̱ mba̱a̱,rí Dios ndrígúlú itháán mba̱a̱ ki xóo eʼwíinʼ dioses.+
6 Jeobá naʼni xúgíʼ rí nandoo+náa mekhu, náa ku̱ba̱ʼ, náa lamáa,* asndu náa rí itháán mi̱jnu̱ʼ.
7 Ikhaa naʼni rí iyu̱u̱ iyaʼ matujxu̱u̱ asndu náa naguámbári̱go̱o̱ ku̱ba̱ʼ.Naʼni dí maxpíbínʼ índo̱ naxnúu ruʼwaga̱jma̱a̱ narmbáʼtariya̱ʼ giñánʼ náa rígá.+
8 Náa Egipto niʼni gámbíin ejín giʼniún xa̱bu̱ga̱jma̱a̱ e̱jñu̱ún xujkhúʼ bi̱ nigumiin ginii.+
9 Náa majña̱a̱ʼ ikháán Egipto, niʼni marigá rí gamíi ga̱jma̱a̱ milagro+mu mamínuuʼ faraón ga̱jma̱a̱ xúgíinʼ xa̱bi̱i̱.+
10 Mbaʼa xuajin niʼni gámbóo+ga̱jma̱a̱ nigudíin reyes bi̱ guáʼdáá tsiaki̱i̱:+
11 Sehón, rey ndrígu̱ún xa̱bu̱ amorreos,+ga̱jma̱a̱ Og, rey ndrígu̱ún xa̱bu̱ Basán,+ga̱jma̱a̱ xúgíinʼ bi̱ nutañajunʼ náa Canaán.
12 Ku̱bu̱únʼ ikhiin nixnájxu̱u̱n xa̱bu̱ Israel,bi̱ nindxu̱ún xa̱bu̱ xuajñuu mu maʼni mbañúúnʼ.+
13 Jeobá, mbiʼyaaʼ mbajyúuʼ asndu kámuu.
Jeobá, majmaʼníí* náa xúgíinʼ bi̱ maguwáʼ rakúwá nda̱wa̱á.+
14 Numuu rí Jeobá mambáñún xa̱bu̱ xuajñuu,+magáwíinʼ a̱jkiu̱u̱n kaʼñún xa̱bi̱i̱.+
15 Xándiu̱ún xa̱bu̱ bi̱ kúwá náa i̱ʼwáʼ xuajin nindxu̱ún plata ga̱jma̱a̱ oro,ñajunʼ rí nini̱ xa̱bu̱ú.+
16 Guáʼdáá rawúúnʼ, mú tséthi,+guáʼdáá idún, mú tsíyejxi̱,
17 guáʼdáá cháʼwúún, mú tsédxawíín,
ni ma na̱nguá eyajxu̱únʼ.+
18 Xúʼko̱ gáguánú mani̱ndxu̱ún xa̱bu̱ bi̱ nuniwíin,+ma̱ngaa xúgíinʼ bi̱ naku̱mu̱ún kuñúún.+
19 Ikháanʼla xa̱bu̱ Israel, gu̱ni̱ mba̱a̱la Jeobá.
Ikháanʼla bi̱ naguwa̱ʼ náa Aarón, gu̱ni̱ mba̱a̱la Jeobá.
20 Ikháanʼla bi̱ naguwa̱ʼ náa Leví, gu̱ni̱ mba̱a̱la Jeobá.+
Ikháanʼla bi̱ namíñala ku̱ya̱a̱ Jeobá, gu̱ni̱ mba̱a̱la Jeobá.
21 Gu̱ni̱ mba̱a̱la Jeobá asndu náa Sion,+ikhaa bi̱ xtáa náa Jerusalén.+
¡Gu̱ni̱ mba̱a̱la Jeobá!+
Mbaʼa nota
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ Náa ajngáa hebreo naʼthí, “kuajúnla”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “Gudi̱i̱ ajmúú”.
^ O “nagui̱i̱”.
^ O “mar”.
^ Náa ajngáa hebreo naʼthí, “marmáʼáan a̱jkiu̱ún kuyaaʼ”.
