Salmos 56:1-13
Rí na̱jkha̱ inuu bi̱ kayá edxu̱u̱ náa ajmúú, xó má ewán ajmúú “Paloma bi̱ xtáa wíí náa mitsínguánʼ”. Salmo ndrígóo David. Miktam. Índo̱ filisteos nirugua̱a̱ náa Gat.+
56 Natakáñaaʼ rí matambáyuʼ Dios ndrígóʼ, atambáyúʼ, numuu rí xa̱bu̱ numbaaʼ nandoo maxíñu̱u̱n.
Xúgíʼ mbiʼi nuxmijná ga̱jma̱á nindxu̱ʼ ga̱jma̱a̱ nuni̱ ngínún.
2 Xúgíʼ mbiʼi bi̱ tsíñún gúyoʼ nandún muxiñún,numuu rí kúwá mbaʼin bi̱ nuni̱ mbaʼumíjna̱ bi̱ nuxmijná ga̱jma̱á nindxu̱ʼ.
3 Índo̱ namíñúʼ,+ naku̱mu̱ʼ ka̱ya̱a̱ʼ.+
4 Naku̱mu̱ʼ ka̱yo̱o̱ Dios,naxna̱a̱ núma̱aʼ ga̱jma̱a̱ numuu ajngóo, tsémíñúʼ.
Ndiéjunʼ lá gándoo gáʼniuʼ mbáa xa̱bu̱ú* rá.+
5 Xúgíʼ mbiʼi nuni̱ ngínún,i̱ndó nundxaʼwamíjna̱ muniu̱ʼ dí ra̱májánʼ.+
6 Nurkaʼwumijná mu muxnuʼ,nuyamúún mu mbuyáá náa jngruigoʼ+nuguáʼtunʼ mu muxiñún.+
7 Dios ndrígóʼ, atani̱ ngíníin ga̱jma̱a̱ numuu rí nuni̱ dí ra̱májánʼ.
Índo̱ gákásngaña̱a̱nʼ, atani̱ gámbíin xa̱bu̱ xuajin.+
8 Ikháán natayáá májánʼ dí nindxu̱ʼ mbáa xa̱bu̱ bi̱ najnguʼúun.+
Ikha jngóo natakáñaaʼ dí mataxíñáʼ iyooʼ iduʼ náa kulámbra* ndrígáaʼ.+
Lá na̱nguá kiʼniraʼmáʼ náa libro ndrígáaʼ xúgíʼ dí nigíʼnuʼ ráʼ.+
9 Mbiʼi dí gánda̱ʼa̱a̱ʼ matambáyuʼ, xa̱bu̱ sia̱nʼ ndrígóʼ magúun skidiʼ.+
Nda̱yo̱o̱ gajkhun dí Dios xtáa ga̱jma̱á nindxu̱ʼ.+
10 Naku̱mu̱ʼ ka̱yo̱o̱ Dios, naxna̱a̱ núma̱aʼ ga̱jma̱a̱ numuu ajngóo,naku̱mu̱ʼ ka̱yo̱o̱ Jeobá, naxna̱a̱ núma̱aʼ ga̱jma̱a̱ numuu ajngóo,
11 naku̱mu̱ʼ ka̱yo̱o̱ Dios, ikha jngóo tsémíñúʼ.+
Ndiéjunʼ lá gándoo gáʼniuʼ mbáa xa̱bu̱ú rá.+
12 Dios ndrígóʼ, manimbánuu dí nikuʼdáminaʼ náa ikháán.+Maxna̱a̱ʼla núma̱aʼ.+
13 Numuu dí ikháán nitani̱ kríñu̱u̱nʼ mu xákháñúʼ+ga̱jma̱a̱ nitambáyúʼ mu xájpátrígu̱u̱n,+mu xúʼko̱ maxtáá ga̱jma̱a̱ majngruigoʼ náa inaaʼ, Dios ndrígóʼ.+
