Salmos 102:1-28
Rí niʼtájkháan mbáa xa̱bu̱ bi̱ nixtáa ngíná índo̱ nikáwábaaʼ ga̱jma̱a̱ niʼthúu̱n Jeobá xúgíʼ rí niʼni maxmiéjuunʼ.+
102 Jeobá, atadxawíín rí natakáñaaʼ,+atadxawíín rí nandxa̱ʼwa̱a̱ʼ matambáyúʼ.+
2 Xátatsiʼñúʼ mbáwún* índo̱ xtáá ramínúuʼ.+
Araʼnduti̱ga̱ mu matadxawunʼ,nacha̱ gátriʼñuʼ índo̱ gándxa̱ʼwa̱a̱ʼ.+
3 Mbiʼi rí xtáá nindxu̱u̱ xóo gúní rí na̱jkha̱ ga̱jma̱a̱ naguámbá,naku̱mu̱ʼ rí itsuʼ nakha xóo ixi̱ dí jngútáʼa náa mbajtsuunʼ.+
4 Nánguá edxuu a̱jkiu̱nʼ, nindxu̱u̱ xóo iná rí nijndooʼ ga̱jma̱a̱ a̱jkha̱ʼ,+asndu nánguá eʼni a̱jkiu̱nʼ makuíʼtsú.
5 I̱ndó itsuʼ kri̱gu̱u̱n,+numuu dí ra̱ʼkhá tháán mínuuʼ.*+
6 Mbáwún xtáá xóo mbáa pelícano bi̱ xtáa náa ku̱ba̱ʼ mijxooʼ,*nindxu̱ʼ xóo mbáa xmédá bi̱ xtáa náa mbá xuajin rí niguma gámbáa.
7 Tsíyoo gígú,*nindxu̱ʼ xóo mbáa ñu̱ʼu̱ bi̱ grígu mbáwíí náa tsu̱du̱u̱ guʼwá.+
8 Kañiiʼ mbiʼi nuta wéñuʼ bi̱ tsíñún gúyoʼ.+
Bi̱ nutsijmún najmún mbiʼyuʼ mu mutatsrígú.
9 Numuu rí idiʼ nindxu̱u̱ rí nakhu,+náa iyaʼ rí na̱ga̱nʼ ka̱jnu̱ʼ iyooʼ iduʼ,+
10 numuu dí ra̱ʼkhá tháán kasngáña̱a̱nʼ e̱ni̱,nitaxújxu̱u̱n mu mataʼgiúunʼ kanííʼ.
11 Xó má ndájkua̱ rí na̱jkha̱ randáti̱ga̱a̱, xúʼko̱ nindxu̱u̱ mbiʼi rí xtáá,+na̱jkha̱ randujtsiún xóo mbá iná rí nujnduxtá.+
12 Mú, ikháán Jeobá, maraxtaa má xúʼko̱ asndu kámuu,+ga̱jma̱a̱ muniʼnuuʼ má xúʼko̱ mbiʼyaaʼ* bi̱ gáguwáʼ rakúwá nda̱wa̱á.+
13 Gajkhun rí matujxa̱a̱ʼ ga̱jma̱a̱ magáwíinʼ a̱jkia̱a̱nʼ xtayáá Sion,+numuu rí ni̱jkha̱nú má mbiʼi rí magáwíinʼ a̱jkia̱a̱nʼ eʼni,+ni̱jkha̱nú má mbiʼi rí nijuaxtaʼwíí.+
14 Numuu rí xa̱bu̱ xuajñaanʼ nandún kuyáá itsí dí niguma ga̱jma̱a̱ xtájtsí dí niguma gámbáa,+ga̱jma̱a̱ asndu nadxún kuyáá idiuuʼ.+
15 Xa̱bu̱ bi̱ kúwá náa i̱ʼwáʼ xuajin, mamiñún kuyáá Jeobá,ga̱jma̱a̱ xúgíinʼ reyes bi̱ kúwá náa tsu̱du̱u̱ ku̱ba̱ʼ, mamiñún gáʼni tsiaki̱i̱ ndrígóo.+
16 Numuu rí Jeobá maʼni̱i̱ Sion,+ikhaa masngájma nguáthá mba̱a̱ tsiaki̱i̱ gíʼdoo.+
17 Maxnátiʼñaminaʼ maʼdxuun dí nutajkháan xa̱bu̱ ngíníin,+ikhaa xáʼni gaʼduunʼ rí nitakáñíí.+
18 Rígi̱ nigumarámáʼ mu mbuyáá bi̱ gáguwáʼ rakúwá nda̱wa̱á,+mu xa̱bu̱ bi̱ makuwá náa xuajin rí ndiʼkúú magi̱ʼi̱ muni̱ mba̱a̱ Jeobá.*
19 Numuu rí asndu mekhuíí, Jeobá nayejxi̱ náa ku̱ba̱ʼ,asndu náa kaʼwu rí ikhaa xtáa nayejxi̱ mu mbaʼyoo dí narígá,+
20 mu maʼdxawuun xóo numbi̱ya̱ʼ bi̱ ni̱jkha̱ kiʼdiin+ga̱jma̱a̱ maʼni káwíin bi̱ kúwá makhañún,+
21 mu xúʼko̱ mbiʼyuu Jeobá majuiʼthá náa Sion+ga̱jma̱a̱ mbuyamajkuíí náa Jerusalén,
22 índo̱ xúgíinʼ xa̱bu̱ ga̱jma̱a̱ xa̱bu̱ ñajunʼmbuwi̱i̱n mu muni̱ ñajuunʼ Jeobá.+
23 Ikhaa wapháá niríyaʼ káyúʼ tsiaki̱i̱ ndrígóʼga̱jma̱a̱ niʼni rí wapháá gártumuu mbiʼi rí maxtáá.
24 Ikhúún ni̱tha̱: “Dios ndrígóʼ,xátatsiʼñúʼ makhañúʼ wapháá,ikháán maraxtaa má xúʼko̱ náa xúgíinʼ bi̱ gáguwáʼ rakúwá nda̱wa̱á.+
25 Nákha wajyúuʼ ikháán nitagíʼ ku̱ba̱ʼga̱jma̱a̱ ñawáanʼ nitani̱ mekhu.+
26 Rígi̱ ma̱ndoo mandáti̱ga̱a̱, mú ikháán maraxtaa má xúʼko̱.Maʼguuʼ xó má naguuʼ mbá xtíin rí nugíʼ,
matriʼkuwíi xó má mbá xtíin ga̱jma̱a̱ mandáti̱ga̱a̱.
27 Mú ikháán tsétriʼkuminaʼ ga̱jma̱a̱ nditháan xátumuu tsiguaaʼ.+
28 E̱jñu̱ún xa̱bia̱a̱ʼ xákúwá ga̱jma̱a̱ gamíima̱ngaa bi̱ gáguwáʼ náa ikhiin makuwá tsímáá náa inaaʼ”.+
