Salmos 51:1-19
Rí na̱jkha̱ inuu bi̱ kayá edxu̱u̱ náa ajmúú. Salmo ndrígóo David, índo̱ profeta Natán nito̱ʼo̱o̱ náa ikhaa xtáa, nda̱wa̱á dí David nibóoʼ ga̱jma̱a̱ Bat-Seba.+
51 Dios ndrígóʼ, ga̱jma̱a̱ numuu rí xtaʼdáá ngajua rí tsétumuu,* gaʼni a̱jkia̱a̱nʼ xtayoʼ.+
Agáwíinʼ a̱jkia̱a̱nʼ xtayoʼ, atani̱ mba̱a̱ a̱jkia̱a̱nʼ xtayáá aʼkhúnʼ.+
2 Arajñárígúu aʼkhúnʼ xó má mbáa xa̱bu̱ najñárígúu náa niguma tsagáá,+ikha jngóo atrígúu aʼkhúnʼ.+
3 Numuu rí nda̱yo̱o̱ májánʼ náa nikiéʼkunʼ,aʼkhá dí nikuʼdáminaʼ gíwánʼ má xúʼko̱ náa edxu̱ʼ.+
4 Nikuʼdáminaʼ aʼkhá náa ikháán,+nini̱ mbá rí ikháán natayáá dí ra̱májánʼ nindxu̱u̱.+
Gajkhun nindxu̱u̱ dí natraʼwíí magíʼnuʼnumuu dí naratá nindxu̱u̱ jmbu.+
5 Asndu nákha mbiʼi rí nigumún gúʼdoo má aʼkhúnʼ,nindxu̱ʼ xa̱bu̱ aʼkhá asndu nákha kuʼwu̱u̱n náa awúu̱n ru̱dúʼ.*+
6 Ikháán nanigua̱a̱ʼ mataxkamaa rí gajkhun náa awúu̱n a̱jkiu̱u̱n mbáa xa̱bu̱,+asndu náa awúu̱n a̱jkiu̱nʼ arasngáá ku̱ma̱ rí gajkhun.
7 Atani̱ kaʼwu̱ún náa aʼkhúnʼ ga̱jma̱a̱ hisopo* mu maxtáá kaʼwu,+arajñárígúun mu maʼni̱i̱ itháán kaʼwún.+
8 Atani̱ rí maʼdxuʼ índo̱ nadxáun aʼwá rí gagi mu xúʼko̱ maxtáá gagi,maski ajndu nitáxpígaʼ itsuʼ.+
9 Xáta̱ya̱a̱* aʼkhá rí nikuʼdáminaʼ+ga̱jma̱a̱ ní xármáʼáan a̱jkia̱a̱nʼ xúgíʼ rí nikiéʼkhúnʼ.+
10 Mbá péñu* Dios ndrígóʼ, atani̱ rí magúʼdoo mbá a̱jkiu̱nʼ kaʼwu+ga̱jma̱a̱ rí magua̱ʼa̱ ma̱ni̱ má xúʼko̱ rí májánʼ.+
11 Xátaxkri̱ñu̱u̱ʼ náa inaaʼxátríyaʼ káʼyúʼ espíritu santo* ndrígáaʼ.
12 Atani̱ rí matangaán magúʼdoo mbu̱júu̱ gagi rí niku̱mu̱ʼ índo̱ nitani̱ kríñu̱u̱nʼ,+atani̱ rí magua̱ʼa̱ manimbo̱ʼ ka̱ya̱a̱ʼ.
13 Masngúún kiʼtáñajunʼ ndrígáaʼ xa̱bu̱ aʼkhá+mu matangi̱ín náa ikháán.
14 Dios ndrígóʼ, ikháán natani̱ kríñu̱u̱nʼ,+ atani̱ mba̱a̱ a̱jkia̱a̱nʼ rí nixíyáa mbáa xa̱bu̱,+mu xúʼko̱ ma̱ta̱ ga̱jma̱a̱ gagi rí natani̱ xó má kaʼyoo.+
15 Jeobá atambáyúʼ mu ma̱ta̱,mu xúʼko̱ ma̱ndoo mbuyamajkuaaʼ.+
16 Numuu rí ikháán tsíyáaʼ mbá tsigijñaʼ, á mu dí xúʼko̱ ikhúún ma̱ndoo maxna̱a̱ʼ,+tséʼni maʼdxa̱a̱ʼ mbá tsigijñaʼ dí nakarámáʼ.+
17 Dios ikháán natandri̱gú tsigijñaʼ ndrígu̱ún bi̱ phú gajkhun natanga̱a̱ a̱jkiu̱ún,mbáa xa̱bu̱ bi̱ natanga̱a̱ a̱jkiu̱u̱n, Dios ndrígóʼ ikháán matándríguíi.+
18 Atasngájma rí nagáwíinʼ a̱jkia̱a̱nʼ ga̱jma̱a̱ atani̱ rí májánʼ Sion,atani̱i̱ xtájtsí ndrígóo Jerusalén.
19 Ikháán nanigua̱a̱ʼ tsigijñaʼ rí nuxnajxi̱ bi̱ nuni̱ rí jmbu,tsigijñaʼ rí nakarámáʼ ga̱jma̱a̱ xujkhúʼ bi̱ najuixnájxi̱i̱n kañiiʼ,ikhú majuixnájxi̱i̱n xedi̱ náa nakarámáʼ tsigijñaʼ.+
