Salmos 147:1-20
147 ¡Gu̱ni̱ mba̱a̱la Jeobá!*
Májánʼ nindxu̱u̱ rí mu̱ʼni̱ ajmúú* mu muxnáá gamajkhu Dios ndrígúlú.¡Gíʼmaa rí mu̱ʼni̱ mba̱a̱ numuu rí mitsaanʼ* nindxu̱u̱!+
2 Jeobá xtáa ra̱ʼni̱i̱ Jerusalén,+xtáa ragímbi̱ín xa̱bu̱ Israel bi̱ nijuidáríʼiin.+
3 Naʼni rí maʼni̱i̱ a̱jkiu̱ún bi̱ kúwá ngínága̱jma̱a̱ naʼni thanuu náa nigawúúnʼ.
4 Ndaʼyoo nguáthi̱i̱n a̱ʼgua̱a̱n kúwá,mámbáa naʼthúu̱n ga̱jma̱a̱ mbiʼyuu.+
5 Ra̱ʼkhá tháán mba̱a̱ nindxu̱u̱ Dios ndrígúlú, tsiaki̱i̱ ndrígóo nindxu̱u̱ mba̱a̱ wéñuuʼ,+nditháan tsétumuu rí najmañuu.+
6 Jeobá nakujxíín xa̱bu̱ guabiinʼ,+mú xa̱bu̱ ra̱míjíinʼ nadati̱gi̱i̱n mbayííʼ.
7 Gu̱ni̱la̱ ajmúú náa inuu Jeobá mu muxna̱a̱ núma̱aʼ,gu̱ni̱la̱ ajmúú ga̱jma̱a̱ arpa mu muxna̱a̱ gamajkhu Dios ndrígúlú,
8 bi̱ naʼni rí mata̱ʼa̱a̱ du̱u̱n náa mekhuíí,bi̱ naʼni dí maxnúu ruʼwa náa ku̱ba̱ʼ,+bi̱ naʼni rí makráʼáan iná+ náa kúbá.
9 Naxnún rí mu̱phu̱ xujkhú’,+e̱jñu̱ún yu̱wa̱ʼ bi̱ nundxa̱ʼwa̱ numuu rí naxkidxu̱u̱n.+
10 Nda̱a̱ káʼnii eʼyoo tsiaki̱i̱ rí gíʼdoo mbáa wáyú,+xúʼko̱ má tsiaki̱i̱ rí gíʼdoo* mbáa xa̱biya̱.+
11 Jeobá nadxuu a̱jkiu̱u̱n eni̱ bi̱ namíñúún kuyáá,+bi̱ guáʼthi̱i̱n ngajua rí tsétumuu* dí ikhaa gíʼdoo.+
12 Jerusalén, araxnáá gamajkuu Jeobá,
Sion, atani̱ mba̱a̱ Dios ndrígáaʼ.
13 Ikhaa naʼni rí maʼni gújkhúʼ ixi̱ rí nagúguáa ga̱jma̱a̱ xkrugoo xuajñaanʼma̱ngaa naʼni tsajkurámíinʼ e̱jña̱a̱ʼ.
14 Naʼni dí marigá rí tsímáá náa ku̱ba̱a̱ʼ,+ga̱jma̱a̱ naxnáa’ trigo rí itháán májánʼ.+
15 Nakuʼma náa tsu̱du̱u̱ ku̱ba̱ʼ rí niʼtáñajunʼ,nacha̱ e̱ʼkha̱ ajngóo.
16 Naʼni rí magajtaa idiʼ xóo mugu̱,+naxidíraʼa xóo idiʼ mbajtsuunʼ.+
17 Nada̱ʼ eʼtsí xóo xójóo pan.+
Tsáá gáʼngo̱o̱ gáʼni ga̱jma̱a̱ migúwán rí naʼni marigá xá.+
18 Índo̱ naʼtáñajunʼ, eʼtsí najuiya̱a̱ʼ.
Naʼni rí maxnúu giñánʼ+ ga̱jma̱a̱ naʼni rí iyaʼ maʼga kúʼwúun.
19 Jacob nixnúu ikha,Israel nixnúu kiʼtáñajunʼ ndrígóo ga̱jma̱a̱ niʼthúu̱n dí niraʼwíí maʼni.+
20 Táʼni xígi̱ kaʼnii ga̱jma̱a̱ i̱mba̱ xuajin,+ikhiin tséyáá nimbá dí niraʼwíí maʼni.
¡Gu̱ni̱ mba̱a̱la Jeobá!*+
Mbaʼa nota
^ O “nagui̱i̱”.
^ O “muʼdi̱i̱ ajmúú”.
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ Náa ajngáa hebreo naʼthí, “xtiyuu”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
