Salmos 97:1-12
97 ¡Jeobá ni̱jkha̱nú ninindxu̱u̱ rey!+
Gaʼdxuu a̱jkiu̱u̱n ku̱ba̱ʼ.+
Gakuwá gagi xúgíʼ islas.*+
2 Náa xtáa ikhaa mikína kri̱ga̱ ga̱jma̱a̱ kajnííʼ du̱u̱n skuniʼ,+ikhaa nindxu̱u̱ mbáa xa̱bu̱ ñajunʼ bi̱ naʼni rí jmbu ga̱jma̱a̱ naʼni xó má kaʼyoo.+
3 Náa inuu ikhaa na̱jkha̱ mbá aguʼ,+rí natsikhíin xa̱bu̱ sia̱nʼ ndrígóo asndu náá.+
4 Agiuuʼ a̱jkhu̱u̱n* rí ikhaa nakuʼma naʼni rí mambiʼiti̱ga̱ náa numbaaʼ,ku̱ba̱ʼ ndaʼyoo rígi̱ ga̱jma̱a̱ naguáʼáan.+
5 Kúbá nijuiya̱a̱ʼ xóo éjthi̱i̱n náa inu Jeobá,+Tátá bi̱ xtáa náa xúgíʼ tsu̱du̱u̱ ku̱ba̱ʼ.
6 Mekhu naʼthí rí ikhaa naʼni xó má kaʼyooxúgíinʼ xa̱bu̱ xuajin nduyáá tsiaki̱i̱ ndrígóo.+
7 Gatiñu̱u̱nʼ xúgíinʼ bi̱ nduyamajkhún xándú bi̱ kiʼniwíin,+xúʼko̱ má bi̱ nuni̱ mbaʼumíjna̱ ga̱jma̱a̱ numún dioses bi̱ nda̱a̱ rí ejmiin.+
Xúgiáanʼ ikháanʼla bi̱ guáʼdáá tsiaki̱i̱* gusmbatígala náa inuu ikhaa.+
8 Jeobá, Sion naxtáa gagi índo̱ naʼdxun,+xa̱bu̱ xuajin* bi̱ kúwá náa Judá nakúwá gaginumuu rí ikháán nitani̱ xó má kaʼyoo.+
9 Numuu rí ikháán, Jeobá, nindxa̱a̱ʼ bi̱ phú Mba̱a̱ náa xúgíʼ tsu̱du̱u̱ ku̱ba̱ʼ,ikháán xtaa náa itháán mitsídánʼ, ki xóo xúgíinʼ dioses.+
10 Ikháanʼla bi̱ nandala kuya̱a̱ Jeobá, gawi̱ya̱la kuya̱a̱ dí ra̱májánʼ.+
Ikhaa nañewu̱u̱n bi̱ wájun jmbu náa ikhaa,+naʼni káwíin náa ñawúúnʼ xa̱bu̱ xkawi̱i̱nʼ.+
11 Aguʼ nambiʼiti̱ga̱ mu mambiʼñún xa̱bu̱ míjíinʼ,+ga̱jma̱a̱ xa̱bu̱ bi̱ májáanʼ a̱jkiu̱ún makuwá gagi.
12 Ikháanʼla bi̱ nindxa̱la xa̱bu̱ míjíinʼ gákuwáanʼla gagi ga̱jma̱a̱ numuu Jeobá,ga̱jma̱a̱ guxna̱a̱ núma̱aʼ mbiʼyuu rí kaʼwu.*
