Salmos 113:1-9
113 ¡Gu̱ni̱ mba̱a̱la Jeobá!*
Ikháanʼla xa̱bi̱i̱ Jeobá, gu̱ni̱ mba̱a̱la,gu̱ni̱ mba̱a̱la mbiʼyuu Jeobá.
2 Gaguma mba̱a̱ mbiʼyuu Jeobá,xúgi̱ ga̱jma̱a̱ asndu kámuu.+
3 Gaguma mba̱a̱ mbiʼyuu Jeobá,+náa nagájnuu a̱jkha̱ʼ* asndu náa narámaaʼ a̱jkha̱ʼ.*
4 Jeobá xtáa itháán mitsídánʼ ki xóo xúgíʼ xuajin,+ikhaa nindxu̱u̱ itháán mba̱a̱ ki xóo mekhu.+
5 Tsáá imba̱a̱ nindxu̱u̱ xóo Jeobá Dios ndrígúlú,+bi̱ xtáa náa mitsídánʼ rá.
6 Ikhaa naginduti̱ga̱* mu mbaʼyoo mekhu ga̱jma̱a̱ ku̱ba̱ʼ,+
7 ikhaa nambáyúu bi̱ nduyáá dí ragíʼdoo numuu mu xágiʼi̱ itháán náa yujndaʼ.
Nakujxi̱i̱ xa̱bu̱ ngínáa mu xagiʼi̱ itháán náa idiʼ,*+
8 mu magíiʼ gajmíi̱n xa̱bu̱ ñajunʼ mbaʼwi̱i̱n,xa̱bu̱ ñajunʼ mbaʼwi̱i̱n bi̱ kúwá náa xuajñuu.
9 Ikhaa naʼni rí a̱ʼgu̱ bi̱ tségiʼdiin e̱ji̱n ma̱ndoo magiʼdiin e̱ji̱i̱n,ga̱jma̱a̱ ikhaa naʼni rí maxtáa gagi gajmíi̱n e̱ji̱i̱n náa goʼwóo.+
¡Gu̱ni̱ mba̱a̱la Jeobá!*
Mbaʼa nota
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “este”.
^ O “oeste”.
^ O “naxngutigamínáʼ”.
^ O mbáa “nagadíi náskha”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
