Salmos 67:1-7
Rí na̱jkha̱ inuu bi̱ kayá edxu̱u̱ náa ajmúú. Mu mi̱ʼni̱ ga̱jma̱a̱ ajua̱nʼ dí gíʼdoo cuérdóo. Salmo. Ajmúú.
67 Dios masngájmulú rí májáanʼ a̱jkiu̱u̱n ga̱jma̱a̱ maʼni tsajkurámáanʼlu,maʼdxuu a̱jkiu̱u̱n kaʼyulú.+ (Sélah).
2 Mu xúʼko̱ náa xúgíʼ tsu̱du̱u̱ ku̱ba̱ʼ majmaʼnuuʼ kamba̱a̱ʼ,+ma̱ngaa xúgíinʼ mbuyáá rí ikháán nindxa̱a̱ʼ bi̱ natani̱ káwíin xa̱bu̱.+
3 Dios ndrígóʼ, xa̱bu̱ xuajin muni̱ mba̱a̱n,xúgíinʼ muni̱ mba̱a̱n.
4 Gaʼdxúún xa̱bu̱ bi̱ kúwá náa xúgíʼ xuajin, gundxaʼwa̱ ga̱jma̱a̱ gagi,+numuu rí matandiʼíín cuenta xa̱bu̱ xó má kaʼyoo.+
Maraxnu̱u̱n ikha xa̱bu̱ bi̱ kúwá náa tsu̱du̱u̱ ku̱ba̱ʼ. (Sélah).
5 Dios ndrígóʼ, xa̱bu̱ xuajin muni̱ mba̱a̱n,xúgíinʼ muni̱ mba̱a̱n.
6 Náa ku̱ba̱ʼ ma̱jma̱a̱ ganitsu,+Dios ndrígúlú maʼni tsajkurámáanʼlu.+
7 Dios maʼni tsajkurámáanʼluga̱jma̱a̱ xúgíinʼ xa̱bu̱ bi̱ kúwá náa tsu̱du̱u̱ ku̱ba̱ʼ mamiñún kuyáá.*+
Mbaʼa nota
^ O “mbuyamajkuíí”.
