Salmos 28:1-9
-
Naxtiʼña̱a̱ rí niʼtájkháan salmista
-
“Jeobá nindxu̱u̱ escudo ndrígóʼ ga̱jma̱a̱ naxnúʼ tsiaki̱i̱” (7)
-
Salmo ndrígóo David.
28 Nángi eʼni etakháñaaʼ Jeobá, Itsí mba̱a̱ ndrígóʼ,+xátani̱ rí xóo tsetadxa̱wíín rí natha̱nʼ.
Á mu tsítríʼñunʼ,mani̱ndxu̱ʼ xóo mbáa bi̱ nikháñuu.+
2 Atadxawíín rí natakháñaaʼ índo̱ nandxa̱ʼwa̱a̱ʼ rí matambáyúʼ,índo̱ nakujxi̱ ñawúnʼ náa guʼwáaʼ rí itháan mikaʼwu.+
3 Xádxúʼ jchún mbóó gajmíʼ xa̱bu̱ ra̱míjíinʼ, bi̱ naguʼwuun nu̱ni̱ dí ra̱májánʼ náa majuiʼthá rí mugíʼníí,+bi̱ nuthúún ajngáa mitsaanʼ* xa̱bu̱ numbaaʼ gajmiún mú náa a̱jkiu̱ún gíwánʼ dí ra̱májánʼ.+
4 Araxnún dí kaʼñún mundrígúga̱jma̱a̱ numuu dí raʼkhí nini̱.+
Aratá rí muguáʼnííxó má rí nini̱.+
5 Numuu rí tsíyejxi̱i̱ ñajunʼ dí naʼni Jeobá+ni má ñajunʼ rí naʼni ga̱jma̱a̱ ñawúunʼ.+
Ikhaa maʼni gámbíin ga̱jma̱a̱ xákujxi̱ín.
6 Gáguma mba̱a̱ Jeobá,numuu rí niʼdxawuun rí nitakáñuu mu mambáyuʼ.
7 Jeobá nindxu̱u̱ escudo ndrígóʼ+ ga̱jma̱a̱ naxnúʼ tsiaki̱i̱,+a̱jkiu̱nʼ naku̱mu̱u̱ kaʼyoo.+
Ikhaa nimbáyuʼ ga̱jma̱a̱ a̱jkiu̱nʼ xtáa gagi,ma̱ni̱ ajmúú mu ma̱ni̱ mba̱a̱.
8 Jeobá naxnún tsiaki̱i̱ xa̱bu̱ xuajñuu,nindxu̱u̱ xóo mbá xtájtsí,* naʼni kríya̱a̱ʼ bi̱ niraʼwíi.+
9 Atani̱ káwíin xa̱bu̱ xuajñaanʼ, atani̱ tsajkurámáánʼ rí kaʼyaaʼ.+
Atie̱wu̱u̱n ga̱jma̱a̱ adariʼiin má xúʼko̱ asndu kámuu.+
