Salmos 26:1-12
Salmo ndrígóo David.
26 Atayáá xóo nindxu̱ʼ, Jeobá, numuu rí nijngruigo̱ʼ xó má kaʼyoo,+táni a̱jma̱ a̱jkiu̱nʼ rí maku̱mu̱ʼ ka̱ya̱a̱ʼ Jeobá.+
2 Jeobá, atangujmún, atayáá xóo phú nindxu̱ʼatani̱ kaʼwi̱i̱ rí xóo endxa̱ʼwamínáʼ asndu náa rí itháán mi̱jnu̱ʼ* ga̱jma̱a̱ a̱jkiu̱nʼ.+
3 Numuu rí nandxaʼwamínáʼ má xúʼko̱ numuu ngajua rí tsétumuu* dí xtaʼdáá,ikhúún najngruigo̱ʼ má xúʼko̱ náa rí gajkhun.+
4 Na̱nguá eʼgúnʼ gajmíʼ xa̱bu̱ bi̱ nanigu̱u̱nʼ muni̱ nduwaʼ+ga̱jma̱a̱ tsémbájxu̱ʼ gajmíʼ bi̱ nurkaʼwu xóo nindxu̱ún.
5 Tsénigu̱ʼ maxtáá gajmíʼ xa̱bu̱ ra̱míjíinʼ+ga̱jma̱a̱ na̱ni̱ gaʼduunʼ maʼgúnʼ gajmíʼ xa̱bu̱ xkawi̱i̱nʼ.+
6 Majña̱a̱ ñawúnʼ mu masngajmá rí nda̱a̱ aʼkhúnʼga̱jma̱a̱ maʼgá mbájndi náa níjniúu dí nakarámáʼ tsigijñaʼ ndrígáaʼ, Jeobá,
7 mu mawáán ajngáa rí naxna̱a̱ʼ núma̱aʼ+ma̱ngaa mu ma̱ta̱ xúgíʼ dí mitsaanʼ* rí natani̱.
8 Ra̱ʼkhá tháán eyoʼ ka̱yo̱o̱ guʼwá náa xtaa Jeobá,+náa mbaaʼ dí rígá tsiaki̱i̱ ndrígáaʼ.+
9 Xátaxíñu̱u̱n gajmíʼ xa̱bu̱ bi̱ nuni̱ aʼkhá+ni má xátríya káʼyúʼ vida ndrígóʼ mbóó gajmíʼ xa̱bu̱ xkawi̱i̱nʼ.
10 Ñawúúnʼ naʼni rí xkawiʼ,ga̱jma̱a̱ ñawún mújúúnʼ nundrigú regalo mu muni̱ dí raʼkhí.
11 Mú ikhúún, ikhúún ma̱ni̱* rí jmbu.
Atani̱ kríñu̱u̱nʼ ga̱jma̱a̱ gaʼni a̱jkia̱a̱nʼ xtayoʼ.
12 Rajkúʼ wíji̱ náa ku̱ba̱ʼ gújkhúʼ,*+ma̱ni̱ mba̱a̱ Jeobá náa nagimbíi̱n mbaʼin xa̱bu̱.+
