Salmos 91:1-16
91 Bi̱ gámbáyuminaʼ náa* bi̱ phú Mba̱a̱+maxtáa náa agoo ndájkhoo bi̱ gíʼdoo xúgíʼ Tsiaki̱i̱.+
2 Mathu̱u̱n Jeobá: “Ikháán nindxa̱a̱ʼ náa nambáyuminaʼ, mbá xuajin rí kúgumaʼá,*+Dios ndrígóʼ, bi̱ naku̱mu̱ʼ ka̱yo̱o̱”.+
3 Numuu rí ikhaa maʼni kríña̱a̱nʼ náa tsáʼkhá dí nagrui̱ga̱ bi̱ naguguin ñu̱ʼu̱,ma̱ngaa náa gamiéjunʼ rí naʼni gámbáa.
4 Dios, gajkhun rí mañewa̱a̱nʼ xóo mbá escudo mba̱a̱ ga̱jma̱a̱ xóo mbá xtájtsí,+xniuunʼ mañewa̱a̱nʼ,
náa agoo xpíjpiúu gátambáyuminaʼ.+
5 Xáʼnimíñaaʼ gamíi dí narígá mbruʼun,+ni má flecha rí na̱jkha̱ mbiʼi,+
6 xáʼnimíñaaʼ gamiéjunʼ dí na̱ʼkha̱ mbruʼunni má rí nagudíin xa̱bu̱ dí ta̱pha̱ mbiʼi.
7 Mil xa̱bu̱ makhañún náa inaaʼ,diez mil náa ñawúunʼ májáanʼ,mú náa ikháán nimbá dí ra̱májánʼ xáʼka̱nú inaaʼ.+
8 Ikháán i̱ndó ma̱ta̱ya̱a̱,índo̱ gáʼni inaaʼ xóo gúmíniiʼ* xa̱bu̱ ra̱míjíinʼ.
9 Numuu dí ikháán niratá: “Jeobá nindxu̱u̱ náa nambáyuminaʼ”,
nitani̱ rí náa bi̱ phú Mba̱a̱ mani̱ndxu̱u̱ náa maraxtaa,*+
10 nimbá dí ra̱májánʼ xáʼkhanú inaaʼ+ga̱jma̱a̱ nimbá gamiéjunʼ xáʼkha̱ náa guʼwá xtíin rí xtaa.
11 Numuu rí ikhaa makungui̱i̱nʼ ángeles ndrígióo+mu muñewa̱a̱nʼ náa xúgíʼ kamba̱a̱ʼ.+
12 Murtuwíín ga̱jma̱a̱ muxujxi̱i̱n+mu xáxnúu nimbá itsí rajkuáaʼ.+
13 Midxu̱ʼ kruámaaʼ náa tsu̱du̱u̱ león gújkuiiʼ ga̱jma̱a̱ náa tsu̱du̱u̱ a̱bu̱nʼ mbiiʼ,*mataxujmbíi león bi̱ gíʼdoo tátsiu̱u̱n náa aphuu ga̱jma̱a̱ a̱bu̱nʼ mba̱a̱.+
14 Dios niʼthí: “Numuu rí ikhaa nandoo kaʼyoʼ* ikha jngóo ma̱ni̱ kríya̱a̱ʼ.+
Mañewu̱u̱n numuu rí naninuuʼ mbiʼyuʼ.+
15 Ikhaa mandxaʼwóʼ ga̱jma̱a̱ ikhúún mariʼñuu.+
Maxtáá ga̱jmu̱ʼ náa awúu̱n gamiéjunʼ.+
Ma̱ni̱ kríya̱a̱ʼ ga̱jma̱a̱ ma̱ni̱ rí magiʼdoo numuu.
16 Ma̱ni̱ rí maxtáa májánʼ mba̱yu̱u̱ʼ mbiʼi+ga̱jma̱a̱ rí mbaʼyoo xóo gáni̱ kríya̱a̱ʼ”.+
