Salmos 61:1-8
-
Dios, nañewu̱nlú xóo mbá torre rí wíji̱ gújkhúʼ náa xa̱bu̱ sia̱nʼ
-
“Maxtáá má xúʼko̱ náa guʼwáaʼ” (4)
-
Rí na̱jkha̱ inuu bi̱ kayá edxu̱u̱ náa ajmúú. Mu mi̱ʼni̱ ga̱jma̱a̱ ajua̱nʼ dí gíʼdoo cuérdóo. Salmo ndrígóo David.
61 Dios ndrígóʼ, atadxawíín rí nandxa̱ʼwa̱a̱ʼ matambáyuʼ.
Araxnátíʼñaminaʼ matadxawíín dí natakáñaaʼ.+
2 Asndu náa naguámbári̱go̱o̱ ku̱ba̱ʼ mandxa̱ʼwa̱a̱ʼ rí matambáyuʼíndo̱ a̱jkiu̱nʼ nakáguabaaʼ.+
Araxná ikhoʼ maʼgá náa gíʼ mbá itsí mba̱a̱ ga̱jma̱a̱ ataxújxu̱u̱n ga̱jma̱a̱ atatsrigún ikhí.+
3 Numuu rí ikháán nindxa̱a̱ʼ náa nambáyuminaʼ,mbá torre rí wíji̱ gújkhúʼ náa nambáyuminaʼ índo̱ xa̱bu̱ sia̱nʼ na̱ʼkha̱ gáʼni gínún.+
4 Maxtáá má xúʼko̱ náa guʼwáaʼ,+mambáyuminaʼ náa agoo xpíjpiáaʼ.+ (Sélah).
5 Numuu rí ikháán Dios ndrígóʼ nitadxawíín rí nikuʼdáminaʼ ma̱ni̱.
Niraxnúʼ mangúún dí kaʼñún mudrigúu bi̱ namíñúún kuyáá mbiʼyaaʼ.+
6 Atani̱ rí xóó maxtáa mba̱yu̱u̱ʼ rey,+dí maxtáa má xúʼko̱ mba̱yu̱u̱ʼ tsiguʼ.
7 Ikhaa magi̱ʼi̱ náa xílí* mu maʼtáñajunʼ asndu kámuu+ ma̱ngaa maxtáa ga̱jma̱a̱ Dios,gaʼndaaʼ xtayáá* má xúʼko̱, nditháan xátatsíʼñááʼ, mu xúʼko̱ maxtiewa̱a̱n.+
8 Índo̱ gátani̱ rígi̱, ikhúún ma̱ni̱ ajmúú* asndu kámuu mu maxnu̱u̱ gamajkhu mbiʼyaaʼ+mámbá mbiʼi gánimbánuu rí nikuʼdáminaʼ ma̱ni̱.+
