Salmos 119:1-176

  • Nandoo kaʼyoo ajngóo Dios dí gíʼdoo numuu

    • “Xú káʼnii gándoo mbáa dxámá o mbáa dxáʼgú maʼni má xúʼko̱ rí nindxu̱u̱ májánʼ rá.” (9)

    • “Ra̱ʼkhá tháán eyoʼ ka̱yo̱o̱ kiʼtáñajunʼ ndrígáaʼ” (24)

    • “Numuu rí gúʼthu̱u̱n rí nitaxúdaminaʼ matani̱” (74, 81, 114)

    • “¡Ra̱ʼkhá tháán eyoʼ ka̱yo̱o̱ xtángoo ndrígáaʼ!” (97)

    • “Nakro̱ʼo̱ʼ itháan ki xóo xúgíinʼ bi̱ nusngóʼ” (99)

    • “Ajngáaʼ nindxu̱u̱ xóo mbá lámpara rí nambiʼi náa maʼgá” (105)

    • “Xúgíʼ ajngá rawaanʼ nindxu̱u̱ gajkhun’” (160)

    • Tsímáá kúwá bi̱ nandún kuyáá ajngóo Dios (165)

א [álef] 119  Gagi kúwá xa̱bu̱ bi̱ nda̱a̱ aʼkhúún bi̱ nagún náa kambo̱o̱,bi̱ nunimbu̱u̱n xó má naʼthí xtángoo ndrígóo Jeobá.+  2  Gagi kúwá xa̱bu̱ bi̱ nunimbáníí kiʼtáñajunʼ ndrígóo,+bi̱ nduyáaʼ ga̱jma̱a̱ xúgíʼ a̱jkiu̱ún.+  3  Tséni̱ dí ra̱májánʼ.Nagún má xúʼko̱ náa kambo̱o̱.+  4  Ikháán niratáñajunʼdí magumambáníí tsu̱ma̱á kiʼtáñajunʼ ndrígáaʼ.+  5  ¡Ra̱ʼkhá tháán eyoʼ dí magújun jmbu* náa ikháán+mu manimbánuu ikha ndrígáaʼ!  6  Mu xúʼko̱ xátiyu̱ʼ+índo̱ gániga̱jma̱a̱ kiʼtáñajunʼ ndrígáaʼ.  7  Ma̱ni̱ mba̱a̱n ga̱jma̱a̱ mbóó a̱jkiu̱nʼíndo̱ gájmañúʼ dí májánʼ nindxu̱u̱ dí natraʼwíí matani̱.  8  Manimbo̱ʼ kiʼtáñajunʼ ndrígáaʼ, xátatsiʼñúʼ mbáwún. ב [bet]  9  Xú káʼnii gándoo mbáa dxámá o mbáa dxáʼgú maʼni má xúʼko̱ rí nindxu̱u̱ májánʼ* rá. Ndayóoʼ rí maxtáa má xúʼko̱ xawii ga̱jma̱a̱ rí maʼnimbánuu xó má naʼthí náa ajngá rawaanʼ.+ 10  Ndaʼñáánʼ ga̱jma̱a̱ xúgíʼ a̱jkiu̱nʼ. Xátatsiʼñááʼ dí manujngurámuʼ kiʼtáñajunʼ ndrígáaʼ.+ 11  Náa awúu̱n a̱jkiu̱nʼ nayejxínga̱jo̱ʼ ajngá rawaanʼ,+mu xúʼko̱ xákiéʼkhúnʼ náa inaaʼ.+ 12  Gaguma mba̱a̱n Jeobá,arasngóʼ ikha ndrígáaʼ. 13  Ikhúún na̱tha̱mbá xúgíʼ kiʼtáñajunʼ dí niraxná. 14  Dí itháán má nadxuʼ eʼni nindxu̱u̱ kiʼtáñajunʼ ndrígáaʼ,+ki xóo i̱ʼwáʼ dí rígá dí gíʼdoo numuu.+ 15  Manigajma̱a̱ má xúʼko̱ kiʼtáñajunʼ ndrígáaʼ+ga̱jma̱a̱ mba̱yo̱o̱ májánʼ xóo nindxu̱u̱ kamba̱a̱ʼ.+ 16  Ra̱ʼkhá tháán eyoʼ ka̱yo̱o̱ kiʼtáñajunʼ ndrígáaʼ. Xámbumuʼ ajngá rawaanʼ.+ ג [guímel] 17  Ataniu̱ʼ rí májánʼmu xúʼko̱ maxtáá ga̱jma̱a̱ manimbo̱ʼ ajngá rawaanʼ.+ 18  Atambáʼtáá iduʼ mu xúʼko̱ mba̱yo̱o̱ kaʼwudí mitsaanʼ nindxu̱u̱ rí naʼthí náa xtángoo ndrígáaʼ. 19  Náa ku̱ba̱ʼ rígi̱ nindxu̱ʼ xóo mbáa xa̱bu̱ bi̱ na̱ʼkha̱á.+ Xátrikoʼ rí maniʼnúuʼ kiʼtáñajunʼ ndrígáaʼ. 20  Ra̱ʼkhá tháán eyoʼ maniʼnúuʼ dí nitraʼwíí matani̱,a̱jkiu̱nʼ nagua̱ʼa̱ wéñuuʼ mbaʼyoo. 21  Ikháán nataxprígún bi̱ nuni̱ mbaʼumíjna̱,xa̱bu̱ ra̱míjíinʼ bugi̱ nanújngurámún kiʼtáñajunʼ ndrígáaʼ.+ 22  Atani̱ rí xa̱bu̱ muniña̱a̱ʼ rutsijmún ga̱jma̱a̱ muniña̱a̱ʼ rawi̱ñu̱u̱nʼ kuyoʼ,numuu rí ninimbánuu kiʼtáñajunʼ ndrígáaʼ. 23  Maski má príncipes nutrigi̱i̱n mbóó nuthi dí raʼkhí ga̱jma̱a̱ numuʼ,mú ikhúún bi̱ nindxu̱ʼ xa̱bia̱a̱ʼ nanigajma̱a̱ má xúʼko̱ ikha ndrígáaʼ. 24  Ra̱ʼkhá tháán eyoʼ ka̱yo̱o̱ kiʼtáñajunʼ ndrígáaʼ,+numuu rí ikhaa nindxu̱u̱ xóo mbáa xa̱bu̱ bi̱ naxnúʼ consejo.+ ד [dálet] 25  Náa yujndaʼ kri̱gu̱u̱n.+ Atatsíñúnʼ maxtáá xó má nitaxúdaminaʼ matani̱.+ 26  Ikhúún ni̱tha̱a̱nʼ xúgíʼ rí na̱ni̱ ga̱jma̱a̱ ikháán nitriʼñúʼ,arasngóʼ ikha ndrígáaʼ.+ 27  Atani̱ mikro̱ʼo̱ʼ ndiéjunʼ phú eyoo gáʼthúu̱n kiʼtáñajunʼ ndrígáaʼ,mu xúʼko̱ mandxa̱ʼwa̱mínáʼ náa mbá xúgíʼ rí mitsaanʼ* nitani̱.+ 28  Nánguá eyoo gígú numuu dí ra̱ʼkhá tháán ngíná xtáá. Araxnúʼ tsiaki̱i̱ xó má nitaxúdaminaʼ matani̱. 29  Atambáyúʼ mu xánindxu̱ʼ mbáa xa̱bu̱ bi̱ naʼni nduwaʼ,+mbá péñu* arasngóʼ xtángoo ndrígáaʼ. 30  Niraʼwi̱i̱ maʼgá náa kamba̱a̱ rí májánʼ.+ Nda̱yo̱o̱ májánʼ rí nitraʼwíí marigá nindxu̱u̱ xó má kaʼyoo marigá. 31  Nanimbánuu má xúʼko̱ kiʼtáñajunʼ ndrígáaʼ.+ Jeobá, xátatsiʼñááʼ rí maguma májtiu̱u̱nʼ.+ 32  Manimbánuu kiʼtáñajunʼ ndrígáaʼ ga̱jma̱a̱ xúgíʼ a̱jkiu̱nʼ,numuu rí ikháán nitarmbáʼtháá a̱jkiu̱nʼ majngúun kiʼtáñajunʼ ndrígáaʼ.* ה [he] 33  Jeobá, arasngóʼ+ maxtáá xó má naʼthí ikha ndrígáaʼ,manimbánuu má xúʼko̱ náa xúgíʼ mbiʼi rí gáxtáá.+ 34  Atani̱ rí mikro̱ʼo̱ʼmu manimbo̱ʼ xtángoo ndrígáaʼga̱jma̱a̱ manimbánuu ga̱jma̱a̱ xúgíʼ a̱jkiu̱nʼ. 35  Araxná ikhoʼ maʼgá náa kamba̱a̱ʼ náa rígá kiʼtáñajunʼ ndrígáaʼ,+numuu rí ikhí naʼni rí maxtáá májánʼ. 36  Atambáyúʼ manigu̱ʼ manimbánuu kiʼtáñajunʼ ndrígáaʼ,xátatsiʼñááʼ magua̱ʼa̱ magúʼdoo i̱ndó rí nandoʼ ikhúún.+ 37  Atambáyúʼ mu xáyejxi̱ náa nda̱a̱ rí ejmaa nditháan,+atatsíñúnʼ maʼgá má xúʼko̱ náa kamba̱a̱ʼ, mu xúʼko̱ ma̱ndoo maxtáá. 38  Atanimbáníí rí nitaxúdaminaʼ matani̱ náa ikhúún,mu xúʼko̱ xa̱bu̱ mamíñúún kuyaaʼ.* 39  Xátani̱ rí ma̱ʼkha̱nú náa inuʼ majthi̱ʼ rí naʼni míñúʼ,numuu rí natraʼwíí matani̱ nindxu̱u̱ májánʼ.+ 40  Atayáá, ikhúún ra̱ʼkhá tháán eyoʼ ka̱yo̱o̱ kiʼtáñajunʼ ndrígáaʼ. Atatsíñúnʼ maxtáá má xúʼko̱ numuu rí ikháán natani̱ rí májánʼ. ו [waw] 41  Jeobá, atatsíñááʼ mba̱yo̱o̱ rí nandaaʼ xtayoʼ,*+ga̱jma̱a̱ rí natani̱ kríñu̱u̱nʼ xó má nitaxúdaminaʼ matani̱,+ 42  mu xúʼko̱ mariʼñuu bi̱ naʼthá wéñúʼ,numuu rí naku̱mu̱ʼ ka̱yo̱o̱ ajngá rawaanʼ. 43  Mbá péñu, atambáyúʼ ma̱ta̱ má xúʼko̱ ajngáa rí gajkhun,numuu rí nagúʼthu̱u̱n rí ikháán nitraʼwíí matani̱. 44  Manimbánuu má xúʼko̱ xtángoo ndrígáaʼ,asndu kámuu.+ 45  Majngruigoʼ má xúʼko̱ náa nda̱a̱ rí gágíʼnuʼ+numuu rí ndaʼyáʼ má xúʼko̱ manimbánuu kiʼtáñajunʼ ndrígáaʼ. 46  Xátiyuʼ ma̱ta̱,ga̱jma̱a̱ numuu kiʼtáñajunʼ ndrígáaʼ náa inún reyes.+ 47  Nangajo̱ʼ ka̱yo̱o̱ kiʼtáñajunʼ ndrígáaʼ,gajkhun rí nandoʼ ka̱yo̱o̱.+ 48  Índo̱ gátajkháan makujxí ñawúnʼ rijma̱a̱ numuu dí ra̱ʼkhá tháán eyoʼ ka̱yo̱o̱ kiʼtáñajunʼ ndrígáaʼ,+manigajma̱a̱ má xúʼko̱ ikha ndrígáaʼ.+ ז [zayin] 49  Garmáʼáan a̱jkia̱a̱nʼ rí nitaxúdaminaʼ matani náa ikhúún,dí naʼni marigá mbá rí magúʼthu̱u̱n. 50  Rígi̱ naʼni rí maʼni̱i̱ a̱jkiu̱nʼ índo̱ namínúuʼ,+numuu rí ajngáaʼ niʼni kríñu̱u̱nʼ. 51  Maski má bi̱ nuxujximíjna̱ nutsijmún asndu xó má eʼngu̱u̱n,mú ikhúún tsénújngurámúnʼ xtángoo ndrígáaʼ.+ 52  Jeobá, narmáʼáan a̱jkiu̱nʼ rí nitani̱ nákha wajyúuʼ,+rúʼko̱ naʼni rí maʼni̱i̱ a̱jkiu̱nʼ.+ 53  Ra̱ʼkhá tháán ekasngáñu̱ʼ ka̱ñu̱u̱n xa̱bu̱ ra̱míjíinʼ,numuu rí nuniña̱a̱nʼ xtángoo ndrígáaʼ.+ 54  Asndu náá má gáxtáá,ikhúún nda̱yo̱o̱ rí xtángoo ndrígáaʼ nindxu̱u̱ xóo ajmúú. 55  Rí mbruʼun, narmáʼáan a̱jkiu̱nʼ eʼni mbiʼyaaʼ Jeobá,+mu xúʼko̱ manimbánuu xtángoo ndrígáaʼ. 56  Rígi̱ dí naguʼunʼ na̱ni̱,numuu rí nani̱mbo̱ʼ kiʼtáñajunʼ ndrígáaʼ. ח [jet] 57  Jeobá nindxu̱u̱ bi̱ kaʼyoʼ,+nikuʼdáminaʼ rí maʼgíʼ manimbánuu ajngá rawaanʼ.+ 58  Nanda̱ʼa̱a̱ʼ ga̱jma̱a̱ xúgíʼ a̱jkiu̱nʼ rí maʼni a̱jkia̱a̱nʼ xtayoʼ.+Gaʼndaaʼ xtayoʼ+ xó má nitaxúdaminaʼ matani̱. 59  Niʼgúnʼ ndi̱yo̱o̱ xú káʼnii xtáámu xúʼko̱ matangu̱ún manimbánuu kiʼtáñajunʼ ndrígáaʼ.+ 60  Tséjyúuʼ ga̱jma̱a̱ mbá nacha̱nanimbánuu kiʼtáñajunʼ ndrígáaʼ.+ 61  Xa̱bu̱ ra̱míjíinʼ nundri̱ga̱ tsáʼkhá náa mbájndi xtáá,mú ikhúún tsémbumuʼ ka̱yo̱o̱ xtángoo ndrígáaʼ.+ 62  Tikhu nduʼun natujxu̱ʼ mu maxna̱a̱ʼ núma̱aʼ,+numuu rí májánʼ nindxu̱u̱ rí natraʼwíí matani̱. 63  Nambájxu̱ʼ gajmíʼ xúgíinʼ bi̱ namíñúún kuyaaʼga̱jma̱a̱ bi̱ nunimbu̱ún kuyáá kiʼtáñajunʼ ndrígáaʼ.+ 64  Jeobá, ngajua rí tsétumuu rí xtaʼdáá nakujmaa náa xúgíʼ tsu̱du̱u̱ ku̱ba̱ʼ,+arasngóʼ ikha ndrígáaʼ. ט [tet] 65  Jeobá, nitaniuʼ rí májánʼ,xó má nitaxúdaminaʼ matani̱. 66  Arasngóʼ mandxa̱ʼo̱o̱ májánʼ edxu̱ʼ ga̱jma̱a̱ rí magúʼdoo ku̱ma̱,+numuu rí naku̱mu̱ʼ ka̱yo̱o̱ kiʼtáñajunʼ ndrígáaʼ. 67  Nákha ginii nikiéʼkhúnʼ ga̱jma̱a̱ nimínuuʼ numuu rúʼko̱,mú rí xúgi̱ nanimbánuu ajngá rawaanʼ.+ 68  Májánʼ a̱jkia̱a̱nʼ+ ga̱jma̱a̱ májánʼ rí natani̱. Arasngóʼ ikha ndrígáaʼ.+ 69  Xa̱bu̱ bi̱ nuni̱ mbaʼumíjna̱ nuthi rí minduwaʼ ga̱jma̱a̱ numuʼ,mú ikhúún nanimbánuu ga̱jma̱a̱ xúgíʼ a̱jkiu̱nʼ kiʼtáñajunʼ ndrígáaʼ. 70  Ra̱ʼkhá tháán gújkhúʼ* a̱jkiu̱ún,+mú ikhúún nandoʼ ka̱yo̱o̱ xtángoo ndrígáaʼ.+ 71  Májánʼ rí nimínúuʼ,+numuu rí xúʼko̱ nijmañuʼ ikha ndrígáaʼ. 72  Ra̱ʼkhá tháán embáyuʼ xtángoo dí niraxná,+nindxu̱u̱ itháan májánʼ ikhaa ki xóo mbaʼa oro ga̱jma̱a̱ plata.+ י [yod] 73  Nitaniu̱u̱ ga̱jma̱a̱ ñawáanʼ ma̱ngaa nitani̱ rathúún. Araxnúʼ ku̱ma̱mu ma̱ndoo majmañuʼ kiʼtáñajunʼ ndrígáaʼ.+ 74  Nadxún bi̱ namíñúún kuyaaʼ índo̱ nduyoʼ,numuu rí gúʼthu̱u̱n rí nitaxúdaminaʼ matani̱.+ 75  Jeobá, ikhúún nda̱yo̱o̱ rí májánʼ nindxu̱u̱ rí natraʼwíí matani̱,+ikháán natani̱ xó má kaʼyoo ikha jngóo nitani̱ rí mamínuuʼ.+ 76  Mbá péñu, atani̱ rí maʼni̱i̱ a̱jkiu̱nʼ ga̱jma̱a̱ ngajua rí tsétumuu rí xtaʼdáá+xó má nitaxúdaminaʼ matani̱ náa ikhúún. 77  Agáwíinʼ a̱jkia̱a̱nʼ xtayoʼ mu xúʼko̱ ma̱ndoo maxtáá,+numuu rí nandoʼ ka̱yo̱o̱ xtángoo ndrígáaʼ.+ 78  Gagajnúu majkhúún bi̱ nuni̱ mbaʼumíjna̱,numuu rí nda̱a̱ mbá numuu* rí nuni̱ ngínún. Mú ikhúún manigajma̱a̱ má xúʼko̱ kiʼtáñajunʼ ndrígáaʼ.+ 79  Gatangi̱ín náa ikhúún bi̱ namíñúún kuyaaʼ,bi̱ nunimbáníí kiʼtáñajunʼ ndrígáaʼ. 80  Manimbánuu ikha ndrígáaʼ ga̱jma̱a̱ xúgíʼ a̱jkiu̱nʼ,+mu xúʼko̱ xágájnuu gamajkhuʼ.+ כ [kaf] 81  Ra̱ʼkhá tháán eyoʼ rí matani̱ kríñu̱u̱nʼ,+numuu rí gúʼthu̱u̱n rí nitaxúdaminaʼ matani̱. 82  Nagúʼthu̱u̱n má xúʼko̱ rí nitaxúdaminaʼ matani̱,+ikha jngóo na̱tha̱: “Nguáná gátani̱ rí maʼni̱i̱ a̱jkiu̱nʼ rá.”+ 83  Nindxu̱ʼ xóo mbá kulámbra* rí nindujtsí ga̱jma̱a̱ gúní,mú tsémbumuʼ ikha ndrígáaʼ.+ 84  Nguáthá mba̱yu̱u̱ʼ xóó gágúʼthu̱u̱n rá. Asndu nguáná gátani̱ rí nitraʼwíí matani̱ gajmiáanʼ bi̱ tsíñún gúyóʼ rá.+ 85  Bi̱ nuni̱ mbaʼumíjna̱, bi̱ nanújngurámún xtángoo ndrígáaʼ,nundii iñáʼ mu maxpátúʼúún. 86  Gajkhun nindxu̱u̱ xúgíʼ kiʼtáñajunʼ ndrígáaʼ. Kúwá tikhuun bi̱ nda̱a̱ mbá numuu nuni̱ ngínún, ¡atambáyúʼ!+ 87  Gítháán muxiñúun,mú ikhúún tániʼñúuʼ kiʼtáñajunʼ ndrígáaʼ. 88  Ga̱jma̱a̱ numuu ngajua rí tsétumuu rí xtaʼdáá atatsíñúnʼ maxtáámu xúʼko̱ manimbánuu kiʼtáñajunʼ dí ikháán niraxnúʼ. ל [lámed] 89  Jeobá, asndu kámuu gárígá ajngáaʼ,xó má mba̱yu̱u̱ʼ rígá mekhu.+ 90  Ga̱jma̱a̱ matanimbaníí má xúʼko̱ rí nitaxúdaminaʼ matani̱ náa xúgíinʼ bi̱ gáguwáʼ rakúwá nda̱wa̱á.+ Ikháán nitagíʼ jxa̱ʼ ku̱ba̱ʼ mu marigá má xúʼko̱.+ 91  Ga̱jma̱a̱ numuu rí ikháán niratañájunʼ xúgíʼ rí nitaniwíi rígá asndu mbiʼi xúgi̱,xúgíʼ rí nitaniwíi rígá mu maʼni ñajuaanʼ. 92  Nikháñuʼ índo̱ nimínuuʼ,á mu táʼndoʼ ka̱yo̱o̱ xtángoo ndrígáaʼ.+ 93  Nditháan xámbumuʼ kiʼtáñajunʼ ndrígáaʼ,ga̱jma̱a̱ numuu ikhaa nitatsíñáánʼ rí maxtáá.+ 94  Ikhúún nindxu̱ʼ xa̱bia̱a̱ʼ, atani̱ kríñu̱u̱nʼ+numuu rí ndiʼyáʼ manimbánuu kiʼtáñajunʼ ndrígáaʼ.+ 95  Xa̱bu̱ ra̱májáanʼ nagi̱ʼthu̱nʼ mu maxíñúun,mú ikhúún naʼgíʼ edxu̱ʼ mu mba̱yo̱o̱ rí eʼthí kiʼtáñajunʼ ndrígáaʼ. 96  Nijkhánú ndi̱yo̱o̱ rí xúgíʼ rí májánʼ rígá náa nartumuu,mú kiʼtáñajunʼ ndrígáaʼ na̱nguá gíʼdoo náa martumuu. מ [mem] 97  ¡Ra̱ʼkhá tháán eyoʼ ka̱yo̱o̱ xtángoo ndrígáaʼ!+ Kañiiʼ mbiʼi nandxa̱ʼwa̱mínáʼ ga̱jma̱a̱ numuu.+ 98  Kiʼtáñajunʼ ndrígáaʼ naʼni rí majmañuʼ itháan ki xóo xa̱bu̱ sia̱nʼ ndrígóʼ+numuu rí naxnúʼ ikha má xúʼko̱. 99  Ikhúún nakro̱ʼo̱ʼ itháan ki xóo xúgíinʼ bi̱ nusngóʼ,+numuu rí nanigajma̱a̱ má xúʼko̱ kiʼtáñajunʼ ndrígáaʼ. 100  Rí na̱ni̱ nasngájma rí itháán má nakro̱ʼo̱ʼ ikhúún ki xóo xabuaniinumuu rí nani̱mbo̱ʼ kiʼtáñajunʼ ndrígáaʼ. 101  Nani gaʼduunʼ ma̱ni̱ dí raʼkhí+mu xúʼko̱ manimbánuu ajngá rawaanʼ. 102  Tsénujngurámúnʼ xtángoo ndrígáaʼnumuu rí ikháán nirasngóʼ. 103  ¡Ra̱ʼkhá tháán mitaun ajngáaʼ e̱yo̱o̱,itháan mitaun ki xóo jyááʼ!+ 104  Núma̱aʼ má ga̱jma̱a̱ numuu kiʼtáñajunʼ ndrígáaʼ na̱ni̱ xóo mbáa xa̱bu̱ bi̱ nakro̱ʼo̱o̱.+ Ikha jngóo nawi̱yu̱ʼ ka̱yo̱o̱ xúgíʼ dí raʼkhí.+ נ [nun] 105  Ajngáaʼ nindxu̱u̱ xóo mbá lámpara rí nambiʼi náa maʼgáxóo mbá aguʼ rí nambiʼiti̱ga̱ náa kambo̱ʼ.+ 106  Nixna̱ ajngóʼ rí manimbo̱ʼ xtángoo ndrígáaʼ dí májánʼ,ikha jngóo manimbánuu. 107  Ra̱ʼkhá tháán nimínuuʼ.+ Jeobá, atatsíñúnʼ maxtáá xó má nitaxúdaminaʼ matani̱.+ 108  Mbá péñu atandrígú tsigijñaʼ rí ni̱ʼkha̱ a̱jkiu̱nʼ maxnajxí náa ikháán, mu maxna̱a̱ʼ gamajkhu*+ Jeobá,ga̱jma̱a̱ arasngóʼ rí nitraʼwíí matani̱.+ 109  Gamíi má xúʼko̱ xtáá rí makhañúʼ,mú ikhúún tsémbumuʼ eʼni xtángoo ndrígáaʼ.+ 110  Xa̱bu̱ ramíjíin nigíʼ mbá tsáʼkhá mu murugu̱u̱n,mú ikhúún na̱nguá ninujngurámúnʼ kiʼtáñajunʼ ndrígáaʼ.+ 111  Nditháan xániʼñúuʼ kiʼtáñajunʼ ndrígáaʼ,numuu rí ikhaa naʼni maʼdxuu a̱jkiu̱nʼ.+ 112  Niraʼwíí ga̱jma̱a̱ xúgíʼ a̱jkiu̱nʼ dí manimbánuu ikha ndrígáaʼ,náa xúgíʼ mbiʼi rí gáxtáá. ס [sámekh] 113  Nawi̱yu̱ʼ eni̱ bi̱ tséguájun jmbu náa ikháán,*+mú ikhúún nandoʼ ka̱yo̱o̱ xtángoo ndrígáaʼ.+ 114  Ikháán nindxa̱a̱ʼ náa nambáyuminaʼ ga̱jma̱a̱ escudo ndrígóʼ,+numuu rí gúʼthu̱u̱n rí nitaxúdaminaʼ matani̱.+ 115  Xa̱bu̱ ra̱míjíinʼ, xákuwáanʼla mijngii náa ikhúún,+mu xúʼko̱ manimbánuu kiʼtáñajunʼ rí nixnúʼ Dios ndrígóʼ. 116  Atambáyúʼ xó má nitaxúdaminaʼ matani̱,+mu ikhúún maxtáá má xúʼko̱.Xátatsiʼñáʼ rí magajnúu majkhuʼ ga̱jma̱a̱ numuu rí kúʼthúun marigá.+ 117  Atambáyúʼ mu makríñu̱u̱nʼ,+mu mandxa̱ʼwa̱mínáʼ má xúʼko̱ náa ikha ndrígáaʼ.+ 118  Numuu rí ikháán tsíyaaʼ gátañu̱u̱n xúgíinʼ bi̱ nanújngurámún ikha ndrígáaʼ,+numuu rí nanigu̱u̱nʼ muni̱ nduwaʼ ga̱jma̱a̱ a̱jma̱ inún. 119  Ikháán natani̱ gámbíin xa̱bu̱ ra̱míjíinʼ bi̱ kúwá náa tsu̱du̱u̱ ku̱ba̱ʼ, xó má naguma gámbáa náskha dí nda̱a̱ rí ejmaa.+ Ikha jngóo nandoʼ ka̱yo̱o̱ kiʼtáñajunʼ ndrígáaʼ. 120  Asndu nagúʼúún* emíñúʼ ka̱ya̱a̱ʼ,ra̱ʼkhá tháán enigu̱ʼ rí natraʼwíí matani̱. ע [ayin] 121  Ni̱ni̱ xó má kaʼyoo ma̱ni̱ ga̱jma̱a̱ ni̱ni̱ rí májánʼ. ¡Xátatsiʼñúʼ náa ñawúúnʼ bi̱ nuni̱ gínún! 122  Atani̱ rí ikhúún maxtáá májánʼ,mú, xátatsiʼñáʼ rí bi̱ nuni̱ mbaʼumíjna̱ muni̱ gínún. 123  Iduʼ nigaaʼ numuu rí nigúʼthúun mba̱yo̱o̱ xóo gátani̱ kríñu̱u̱nʼ,+ga̱jma̱a̱ rí xóo gátanimbaníí rí májánʼ rí nitaxúdaminaʼ matani̱.+ 124  Gaʼndaaʼ xtayoʼ*+ga̱jma̱a̱ arasngóʼ ikha ndrígáaʼ.+ 125  Nindxu̱ʼ xa̱bia̱a̱ʼ atani̱ rí mikro̱ʼo̱ʼ,+mu xúʼko̱ maniʼnúuʼ kiʼtáñajunʼ ndrígáaʼ. 126  Jeobá, ni̱jkha̱nú mbiʼi rí matanimbaníí rí nitraʼwíí matani̱,+numuu rí ikhiin ninújngurámún xtángoo ndrígáaʼ. 127  Nandoʼ ka̱yo̱o̱ kiʼtáñajunʼ ndrígáaʼ,itháán ki xóo oro, oro rí itháán májánʼ.+ 128  Ikhúún nda̱yo̱o̱ dí xúgíʼ ikha ndrígáaʼ nindxu̱u̱ májánʼ,+nawi̱yu̱ʼ ka̱yo̱o̱ xúgíʼ dí raʼkhí.+ פ [pe] 129  Ra̱ʼkhá tháán mitsaanʼ nindxu̱u̱ kiʼtáñajunʼ ndrígáaʼ. Ikha jngóo ikhúún nanimbánuu. 130  Xa̱bu̱ naguáʼnú naguáʼdáá ku̱ma̱ índo̱ najuiʼsngúún ajngá rawaanʼ,+naʼni rí mikru̱ʼu̱u̱n bi̱ tséjmañún.+ 131  Ra̱ʼkhá tháán etsiná,numuu rí nandoʼ madxawun kiʼtáñajunʼ ndrígáaʼ.+ 132  Gaʼni a̱jkia̱a̱nʼ xtayoʼ, gatanga̱án náa ikhúún+xó má naratá mataniu̱u̱n bi̱ nandún kuyáá mbiʼyaaʼ.+ 133  Araxnúʼ ikha ga̱jma̱a̱ ajngáaʼ mu majngruigo̱ʼ náa kamba̱a̱ rí nda̱a̱ rí gágíʼnuʼ,atani̱ rí maʼngo̱ʼ ma̱ni̱ ga̱jmu̱ʼ dí raʼkhí.+ 134  Atani̱ kríñu̱u̱nʼ* náa xa̱bu̱ bi̱ nuni̱ ngínún,mu xúʼko̱ manimbánuu kiʼtáñajunʼ ndrígáaʼ. 135  Atani̱ rí maxpíbínʼ inaaʼ* náa xa̱bia̱a̱ʼ,+arasngóʼ ikha ndrígáaʼ. 136  Iyooʼ iduʼ rí nambi̱ya̱ʼ nindxu̱u̱ xóo mañu rí na̱jkha̱ kúʼwúun,numuu rí xa̱bu̱ tsénimbáníí xtángoo ndrígáaʼ.+ צ [sadé] 137  Ikháán, májánʼ a̱jkia̱a̱nʼ Jeobá,+ga̱jma̱a̱ májánʼ nindxu̱u̱ rí natraʼwíí matani̱.+ 138  Xúgíʼ kiʼtáñajunʼ ndrígáaʼ nindxu̱u̱ májánʼ,ga̱jma̱a̱ gajkhun nindxu̱u̱. 139  Ra̱ʼkhá tháán enigu̱ʼ ma̱ni̱ rí nandaaʼ, nindxu̱u̱ asndu xóo aguʼ rí nakha náa a̱jkiu̱nʼ,+numuu rí xa̱bu̱ sia̱nʼ ndrígóʼ nimbumún ajngá rawaanʼ. 140  Ra̱ʼkhá tháán kaʼwu ajngáaʼ,+ga̱jma̱a̱ ikhúún nandoʼ ka̱yo̱o̱.+ 141  Xa̱bu̱ nduyoʼ dí ragúʼdoo numuʼ ga̱jma̱a̱ tsíñún gúyoʼ,+maski ajndu xúʼko̱, ikhúún tsémbumuʼ kiʼtáñajunʼ ndrígáaʼ. 142  Rí májánʼ rí natani̱ mbajyúuʼ asndu kámuu+ga̱jma̱a̱ xtángoo ndrígáaʼ nindxu̱u̱ gajkhun.+ 143  Maski ajndu gaʼkhu ga̱jma̱a̱ gamiéjunʼ ni̱ʼkha̱nú náa inuʼ,mú, nandoʼ ka̱yo̱o̱ má xúʼko̱ kiʼtáñajunʼ ndrígáaʼ. 144  Asndu kámuu gájyúuʼ kiʼtáñajunʼ ndrígáaʼ rí nindxu̱u̱ májánʼ. Atani̱ rí mikro̱ʼo̱ʼ+ mu ma̱ndoo maxtáá má xúʼko̱. ק [qof] 145  Nandxa̱ʼwa̱a̱ʼ ga̱jma̱a̱ xúgíʼ a̱jkiu̱nʼ Jeobá, atriʼñuʼ. Manimbánuu ikha ndrígáaʼ. 146  Ikháán endxa̱ʼwa̱a̱ʼ. ¡Atani̱ kríñu̱u̱nʼ! Manimbo̱ʼ kiʼtáñajunʼ ndrígáaʼ. 147  Asndu nákha xóo tséjtsi ndajuíiʼ mu mandxa̱ʼwa̱a̱ʼ rí matambáyuʼ,+numuu rí nagúʼthu̱u̱n rí nitaxúdaminaʼ matani̱. 148  Tikhu nduʼun ndajuíiʼmu ma̱ndoo mandxa̱ʼwa̱mínáʼ ga̱jma̱a̱ numuu ajngá rawaanʼ.+ 149  Ga̱jma̱a̱ numuu ngajua rí tsétumuu rí xtaʼdáá, atadxawunʼ.+ Jeobá, numuu rí ikháán natani̱ rí májánʼ atatsíñúnʼ rí maxtáá. 150  Bi̱ nuni̱ rí xkawiʼ naguwáʼ mijngii mu muni̱ ngínún,ikhiin nuni̱ gaʼduunʼ munimbu̱u̱n xtángoo ndrígáaʼ. 151  Jeobá ikháán xtaa mijngii,+ga̱jma̱a̱ xúgíʼ kiʼtáñajunʼ ndrígáaʼ nindxu̱u̱ gajkhun.+ 152  Nákha niʼníí nijmañuʼ rígi̱ ga̱jma̱a̱ numuu kiʼtáñajunʼ ndrígáaʼ,rí niraxná mu mbajyúuʼ asndu kámuu.+ ר [resh] 153  Atayáá xóo mínuuʼ ga̱jma̱a̱ atani̱ kríñu̱u̱nʼ,+numuu rí ikhúún tsémbumuʼ eʼni xtángoo ndrígáaʼ. 154  Aratámbáyúʼ ga̱jma̱a̱ atani̱ kríñu̱u̱nʼ,+atatsíñúnʼ maxtáá má xúʼko̱ xó má nitaxúdaminaʼ matani̱. 155  Xáguma káwíin xa̱bu̱ ra̱míjíinʼnumuu dí tsénimbáníí ikha ndrígáaʼ.+ 156  Jeobá ra̱ʼkhá tháán mba̱a̱ nindxu̱u̱ dí nagáwíinʼ a̱jkia̱a̱nʼ.+ Atatsíñúnʼ maxtáá numuu dí ikháán natani̱ rí májánʼ. 157  Ra̱ʼkhá tháán mbaʼin bi̱ nuxkoʼ ga̱jma̱a̱ bi̱ tsíñún gúyoʼ,+mú ikhúún tánujngurámuʼ kiʼtáñajunʼ ndrígáaʼ. 158  Nawi̱yu̱ʼ ka̱ñu̱u̱n bi̱ nuni̱ nduwiinʼ eʼwíinʼnumuu dí tségíʼ munimbáníí ajngá rawaanʼ.+ 159  ¡Atayáá nguáthá mba̱a̱ eyoʼ ka̱yo̱o̱ kiʼtáñajunʼ ndrígáaʼ! Jeobá, ga̱jma̱a̱ numuu ngajua rí tsétumuu rí xtaʼdáá atatsíñúnʼ maxtáá.+ 160  Xúgíʼ ajngá rawaanʼ nindxu̱u̱ gajkhun,+ga̱jma̱a̱ xúgíʼ dí natraʼwíí matani̱ ndajyúuʼ asndu kámuu. ש [sin o shin] 161  Kúwá príncipes bi̱ nda̱a̱ mbá numuu rí nuni̱ ngínún,+mú ikhúún ndayamajkhuu wéñuuʼ mbá xúgíʼ dí niratá.+ 162  Ajngá rawaanʼ naʼni maʼdxuʼ,+xó má edxuu mbáa xa̱bu̱ bi̱ naxka̱ma̱a̱ mbá rí gíʼdoo numuu. 163  Tsíyóʼ gáyóo rí minduwaʼ, ra̱ʼkhá tháán ewiyu̱ʼ eʼni.+Mú nandoʼ ka̱yo̱o̱ xtángoo ndrígáaʼ.+ 164  Juwan nuthu e̱xna̱a̱ʼ gamajkhu dí mbá mbiʼi,ga̱jma̱a̱ numuu dí májánʼ nitraʼwíí matani̱. 165  Ra̱ʼkhá tháán tsímáá kúwá bi̱ nandún kuyáá xtángoo ndrígáaʼ,+nda̱a̱ nimbá rí maʼni dí majngrádiinʼ. 166  Jeobá, mbóó a̱jkiu̱nʼ e̱ni̱ dí ikháán matani̱ kríñu̱u̱nʼga̱jma̱a̱ nani̱mbo̱ʼ kiʼtáñajunʼ ndrígáaʼ. 167  Nani̱mbo̱ʼ kiʼtáñajunʼ ndrígáaʼ,ra̱ʼkhá tháán eyoʼ ka̱yo̱o̱.+ 168  Nani̱mbo̱ʼ kiʼtáñajunʼ ndrígáaʼ ga̱jma̱a̱ ikha ndrígáaʼ,numuu rí natayáá xúgíʼ dí na̱ni̱.+ ת [taw] 169  Gaʼganú náa ikháán dí nandxa̱ʼwa̱ matambáyuʼ Jeobá.+ Atani̱ dí ajngá rawaanʼ maʼni dí magúʼdoo ku̱ma̱.+ 170  Gaʼganú náa ikháán dí natakáñaaʼ, atani̱ kríñu̱u̱nʼ xó má nitaxúdaminaʼ matani̱. 171  Tsejtsi gáxna̱a̱ʼ gamajkhu,+numuu dí ikháán narasngóʼ ikha ndrígáaʼ. 172  Ma̱ni̱ ajmúú ga̱jma̱a̱ numuu ajngá rawaanʼ,+numuu dí xúgíʼ kiʼtáñajunʼ ndrígáaʼ nindxu̱u̱ májánʼ. 173  Araxtaa xawii mu matambáyuʼ,+numuu dí niraʼwi̱i̱ manimbo̱ʼ kiʼtáñajunʼ ndrígáaʼ.+ 174  Ra̱ʼkhá tháán eyoʼ matani̱ kríñu̱u̱nʼ Jeobá,ga̱jma̱a̱ ra̱ʼkhá tháán eyoʼ ka̱yo̱o̱ xtángoo ndrígáaʼ.+ 175  Atatsíñúnʼ maxtáá mu ma̱ndoo ma̱ni̱ mba̱a̱n,+ga̱jma̱a̱ atani̱ rí mambáyuʼ dí nitraʼwíí matani̱. 176  Jngruigoʼ xóo mbáa mugu̱ bi̱ nindátiga̱a̱ʼ.+Ayi̱ gátaʼñúúnʼ, numuu dí támbumuʼ kiʼtáñajunʼ ndrígáaʼ.+

Mbaʼa nota

^ Náa ajngáa hebreo naʼthí, “nandoʼ dí kamboʼ marigá má xúʼko̱”.
^ Náa ajngáa hebreo naʼthí, “Xú káʼnii gándoo mbáa dxámá maʼni kaʼwu má xúʼko̱ kambo̱o̱”.
^ O “nagui̱i̱”.
^ O “atani̱ mbá rí májánʼ”.
^ O mbáa “nitani̱ rí a̱jkiu̱nʼ maku̱mu̱u̱ kaʼyaaʼ”.
^ O mbáa “rí nagumiin bi̱ namíñúún kuyaaʼ”.
^ O “rí natasngájmuʼ ngajua rí tsétumuu”. Atayáá glosario, ngajua rí tsétumuu.
^ Náa ajngáa hebreo naʼthí, “gújkhúʼ xóo tsébú”.
^ O mbáa “ga̱jma̱a̱ minduwaʼ”.
^ O “odre”.
^ Náa ajngáa hebreo naʼthí, “tsigijñaʼ rí ni̱ʼkha̱ a̱jkiu̱nʼ maxna̱a̱ʼ ga̱jma̱a̱ rawunʼ”.
^ O “bi̱ nuni̱ a̱jma̱ a̱jkiu̱ún”.
^ Náa ajngáa hebreo naʼthí, “naguáʼaan xuyuʼ”.
^ O “atasngájmuʼ ngajua rí tsétumuu”.
^ Náa ajngáa hebreo naʼthí, “Aratsiríñúunʼ”.
^ O “Atanduʼwá”.

Copyrights ndrígóo i̱yi̱i̱ʼ rígi̱