Salmos 142:1-7
Maskil. Salmo ndrígóo David. Rí niʼtájkháan. Índo̱ xtáa náa tsíñu.+
142 Nindxa̱ʼo̱o̱ Jeobá mu mambáyúʼ,+nitakáñuu Jeobá rí maʼni a̱jkiu̱u̱n má xúʼko̱ kaʼyoʼ.
2 Náa ikhaa eniʼñúunʼ xúgíʼ rí naʼni maxmiéjunʼ,ikhaa ethu̱u̱n xúgíʼ rí naʼni maxtáá ngíná,+
3 índo̱ nánguá gúʼdoo tsiaki̱i̱.*
Ikháán natiejngoo náa jngruigoʼ.+
Náa kamba̱a̱ rí na̱jkhá,xa̱bu̱ sianʼ ndrígóʼ nugi̱ʼ mbá tsáʼkhá mu murugu̱u̱n.
4 Atiejxi̱ náa mbájndi xtáá,atayáá, nimbáa tséxmiéjuunʼ e̱ni̱.+
Nda̱a̱ náa mambáyuminaʼ,+nimbáa tséxmiéjuunʼ kaʼyoʼ.
5 Jeobá, na̱ndxa̱ʼwa̱a̱ʼ mu matambáyuʼ.
Na̱tha̱: “Ikháán nindxa̱a̱ʼ náa mambáyuminaʼ,+i̱ndó ikháán gúʼdáán* náa tsu̱du̱u̱ ku̱ba̱ʼ rígi̱”.
6 Atadxawíín índo̱ nandxa̱ʼwa̱a̱ʼ matambáyúʼ,numuu rí náa awúu̱n xkujndu kuʼwu̱u̱n.
Atani̱ kríñu̱u̱nʼ náa xa̱bu̱ bi̱ jngruigu̱u̱n ruxkoʼ,+numuu rí ikhiin guáʼdáá itháán tsiaki̱i̱ ki xóo ikhúún.
7 Atríñu̱u̱nʼ náa mbaaʼ rígi̱ dí nindxu̱u̱ xóo guʼwá e̱jua̱nʼmu ma̱ni̱ mba̱a̱ mbiʼyaaʼ.
Mú xúʼko̱ xa̱bu̱ míjíinʼ maʼdxúún ga̱jma̱á nindxu̱ʼíndo̱ gúyáá dí nataniuʼ rí májánʼ.
