Salmos 96:1-13
96 Gu̱ni̱ mbá ajmúú nuxi̱ʼ náa Jeobá.+
¡Xúgíinʼ xa̱bu̱ bi̱ kúwá náa tsu̱du̱u̱ ku̱ba̱ʼ, gu̱ni̱ ajmúú náa Jeobá!+
2 Gu̱ni̱ ajmúú maʼdxun Jeobá, gu̱ni̱ mba̱a̱ mbiʼyuu.
Tsejtsíí mbiʼi gu̱tha̱ ajngáa rí májánʼ xóo ikhaa naʼni káwíin xa̱bu̱.+
3 Guthu̱u̱nla xa̱bu̱ xuajin dí ikhaa nindxu̱u̱ mba̱a̱,guthu̱u̱n mbá xúgíinʼ xa̱bu̱ bi̱ kúwá náa xuajin dí mitsaanʼ* niʼni.+
4 Jeobá nindxu̱u̱ mba̱a̱ ga̱jma̱a̱ ikhaa kaʼyoo magruigú xúgíʼ gamajkhu.
Ikhaa gíʼdoo itháan tsiaki̱i̱ náa mbá xúgíinʼ dioses.
5 Nda̱a̱ rí ejmiin dioses ndrígu̱ún xa̱bu̱ xuajin,+mú Jeobá nindxu̱u̱ bi̱ niʼni mekhu.+
6 Ra̱ʼkhá tháán mitsaanʼ náa xtáa ga̱jma̱a̱ naxpíbínʼ,+náa mikaʼwu rí xtáa ra̱ʼkhá tháán mitsaanʼ ga̱jma̱a̱ ikhí rígá tsiaki̱i̱ ndrígóo Dios.+
7 Guxna̱a̱ Jeobá dí kaʼyoo, ikháanʼla xa̱bu̱ xuajin bi̱ kuwáanʼla náa mámbá guʼwáanʼ,guxna̱a̱ Jeobá dí kaʼyoo ga̱jma̱a̱ numuu dí nindxu̱u̱ mba̱a̱, ma̱ngaa dí gíʼdoo tsiaki̱i̱.+
8 Gu̱ni̱ mba̱a̱ Jeobá numuu rí mbiʼyuu kaʼyoo maguma mba̱a̱,+gaguwaʼ ku̱ya̱la mbá regalo ga̱jma̱a̱ gata̱ʼa̱la náa rexo̱o̱ goʼwóo.
9 Kaʼwu xtíñala gúʼgíʼ índo̱ gúsmbatígala* náa inuu* Jeobá.¡Xúgíinʼ xa̱bu̱ bi̱ kúwá náa xúgíʼ tsu̱du̱u̱ ku̱ba̱ʼ gamiñúún kuyáá!
10 Guta̱la náa majñu̱u̱ʼ i̱ʼwáʼ xuajin: “¡Jeobá ni̱jkha̱nú ninindxu̱u̱ rey!+
Ku̱ba̱ʼ gíʼ jxa̱ʼ xándoo maʼba̱a̱n.
Ikhaa mandi̱ʼi̱i̱n cuenta xa̱bu̱ xuajin xó má kaʼyoo”.+
11 Gaʼdxún bi̱ kúwá mekhuíí, gaʼdxún bi̱ kúwá náa tsu̱du̱u̱ ku̱ba̱ʼ,gandxaʼwá ga̱jma̱a̱ gagi lamáa* ga̱jma̱a̱ xúgíʼ dí rígá ikhí,+
12 mbaaʼ gaʼdxuu a̱jkiu̱u̱n ga̱jma̱a̱ xúgíʼ dí rígá ikhí.+
Xúʼko̱ má xúgíʼ ixi̱ dí rígá náa xaxi̱ gundxaʼwa̱ ga̱jma̱a̱ gagi+
13 náa inuu Jeobá, numuu dí na̱ʼkha̱,na̱ʼkha̱ mu manda̱ʼa̱a̱ cuenta náa ku̱ba̱ʼ.
Maʼni rí jmbu índo̱ gándi̱ʼi̱i̱n cuenta xa̱bu̱ numbaaʼ+ga̱jma̱a̱ maʼnimbánuu xó má kaʼyoo numún xa̱bu̱ xuajin.+
