Salmos 149:1-9
149 ¡Gu̱ni̱ mba̱a̱la Jeobá!*
Gu̱ni̱ mbá ajmúú nuxi̱ʼ náa Jeobá,+gu̱ni̱ mba̱a̱la náa majñu̱únʼ xa̱bu̱ bi̱ nagimbíi̱n bi̱ guájun jmbu.+
2 Gaʼdxuu Israel ga̱jma̱a̱ numuu bi̱ Niʼnii, bi̱ nindxu̱u̱ Mba̱a̱,+e̱ji̱i̱n Sion gakuwá gagi ga̱jma̱a̱ numuu Rey ndrígu̱ún.
3 Gu̱ni̱ mba̱a̱ mbiʼyuuʼ ga̱jma̱a̱ gitsiá,+gu̱ni̱ ajmúú mu muxna̱a̱ gamajkhu* xó má ewán aʼwóo pandereta ga̱jma̱a̱ arpa.+
4 Numuu rí Jeobá nadxuu a̱jkiu̱u̱n eʼni xuajñuu.+
Ikhaa naʼni káwíin xa̱bu̱ guabiinʼ.*+
5 Gaʼdxún xa̱bu̱ bi̱ guájun jmbu, numuu rí magajnúu májánʼ rí gúni̱,gundxaʼwa̱ ga̱jma̱a̱ gagi náa xia̱wún.+
6 Gu̱ni̱ ajmúú mu muxnáá gamajkhu Dios,ga̱jma̱a̱ guya̱ mbá espada rí a̱jma̱ inuu,
7 mu mundi̱ʼi̱ín cuenta xa̱bu̱ xuajinga̱jma̱a̱ muni̱ rí mumíniiʼ xa̱bu̱ bi̱ kúwá náa i̱ʼwáʼ xuajin,
8 muruʼu̱u̱n reyes ndrígu̱ún ga̱jma̱a̱ cadenaxúʼko̱ má xa̱bu̱ ñajunʼ ndrígu̱ún bi̱ mbaʼwi̱i̱n muruʼu̱u̱n ga̱jma̱a̱ cadena,
9 mundi̱ʼi̱ín cuenta ikhiin xó má kiʼniraʼmáʼ dí muguaʼníí.+
Rígi̱ nindxu̱u̱ mbá ñajunʼ kiejuunʼ rí kaʼñún muni̱ xúgíinʼ bi̱ guájun jmbu.
¡Gu̱ni̱ mba̱a̱la Jeobá!*
Mbaʼa nota
^ O “¡Aleluya!”. Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
^ O “gudi̱i̱ ajmúú maʼdxuun ikhaa”.
^ Náa ajngáa hebreo naʼthí, “naʼni rí maʼni tsiʼñíin xa̱bu̱ guabiinʼ ga̱jma̱a̱ rí naʼni káwíin”.
^ Náa ajngáa hebreo naʼthí, “Ja”. Ja ni̱ndxu̱u̱ xóo nagumaráʼmáʼ ga̱jma̱a̱ nguáthá ajngáa mbiʼyuu Jeobá.
